هنا نقبل التعازي في ضحايا اليوم الأسود للكرة المصرية رحم الله ابناء وشباب مصر

[rabet007]

بسم الله الرحمن الرحيم
في البدايه احب اقول ان كارثة حصلت امس مات مصريين علشان لعبه اسمها كرة القدم
ماتوا علشان راحوا يتفرجوا علي متش كوره في بلد مصري اسمها بور سعيد ولكن اهلها اقل ما يقال عنهم وليس كلهم علشان محدش يزعل غوغاء

حسبي الله ونعم الوكيل

انا اب باعت ابني واديته 50 جنيه علشان يروح ينبسط ويتفرج علي متش كوره يرجعلي في صندوق
علشان محافظ حقير فاشل
علشان مدير امن خايب
علشان جمهور همجي
اقول ايه كمان اصل اليافته حرقت دمهم اوى اوى اوى
حسبي الله ونعم الوكيل

رحم الله شهداء دول اتخدوا خيانه واتداسوا واترموا ليه


احساسي انها بدايه النهايه

[mr_astra]

لا اله الا الله
الهمك الله الصبر والسلوان وادخلة الله فسيح جناتة

[Hisham.Elgazzar]

حسبنا الله ونعم الوكيل ، ربنا يرحمه ويصبرك

[rabet007]

انا مش ابني الي مات يا جماعه انا بقول وصف للي حصل الي امبارح انا امبارح فيه جار ليا كان هناك ولد 15 سنه وحيد لباباه ولماماته
بكينا امبارح للصبح عقبال الواد ما جبناه من رمسيس مش نمنا يا ناس علشان ايه بيحصل ده علشان 3 نقط في متش كروي ترفيهي مش اكتر
يسقط الظلم
حي علي التحرير
النهارده الذكري السنوية الأولي لموقعه الجمل حصل فيها بقه المحاكمات بتاعتها ولا حاجة شويه الكلاب الحرامية الافاقين والقواد الأكبر في تاريخ مصر صفوت الي مش شريف كانه ولا عمل حاجة
انا نازل النهارده علشان نصلي صلاه الجنازه علي الشهداء
يا حرقة البك يا كل ام وكل بيت مات فيه شهيد
هتقولوا مش شهيد اهوه انسان ومات
افتكروا اليوم ده لانه هيكون تاريخي في حياتنا
اولادنا واحفادنا والتاريخ سوف يحاسب المصريين

[rabet007]

· ويا أيتها الأم الثكلى,
· ويا أيتها الزوجة المترملة,
· ويا أيها الابن الذي فقد الأخ والأب,
· يا كل ضحايا الحروب,
- إملأوا الأرض والفضاء بتراتيل السلام.
- إملأوا الصدور والقلوب بآمال السلام.
- إجعلوا الأنشودة حقيقة تعيش وتثمر.
- إجعلوا الأمل دستور عمل ونضال.
وإرادة الشعوب هو من إرادة الله.

مقتبس من نص خطاب السادات في الكنسيت الاسرائيلي
عندما كان للمصريين قوه وسطوة
عندما كان لدماء المصريين قيمة