|
|||||||
| مقارنات لمساعدة الأعضاء فى المفاضلة بين الأنواع المختلفة من السيارات |
 |
|
|
أدوات الموضوع |
|
|||||||
| مقارنات لمساعدة الأعضاء فى المفاضلة بين الأنواع المختلفة من السيارات |
|
|
|
أدوات الموضوع |
|
#1
27-01-2012, 01:24 PM
|
||||
|
||||
هوندا أو اكسنت مستعمل و لا فيرنا أو سبيرانزا جديد
يا رب ما حد يحتار حيرتي
ناس تقولي أشتري مستعمل أتعلمي و خبطي براحتك لحد ما تكبري و تعرفي تروحي الشغل لوحدك (باعتبار إني ماسكة جاكوش و بكسر في لعب أخواتي في البيت) و كمان فكرة منطقية إن زي ما بقول "دش و كسر ما هو الموتور أساساً مقصر" و كمان تتعودي على حساسية العربية دبرياج و خلافه (باعتبار إن العربية ده سوسة و لا ورم خبيث مش بتحس بالكارثة إلا قبل النهاية بست شهور و الدكتور ياخدك على جنب و يقولك سد ديونك و أكتب وصيتك و عيش الدنيا) و كمان مش حتخسري قوي في بيع سيارة مستعملة و أنت تاني أو ثالث حد يركبها قد ما حتخسري لما تشتري زيرو و تيجي تبيعيه ( تاعتبار إن عندنا في مصر الناس مش بتفاصل خالص و لا بتفطسلك الحاجة و تبخسك حقك) و ناس تقول زيرو و أنا شخصياً حاسة إن "الزيرو زيرو و لو ما ياخدش غير عصافيرو" يعني صغنون بس اعتمادي و كفاءة و أنسي كل حاجة في العربية غير شاسيه كويس و موتور حلو و قطع غيار بنت حلال والله أنا محتارة موت بين رأي: أوروبا و الدول المتقدمة (زيرو) - و دول العالم المظلوم بلقب الثالث إللي بيطلعوا (Sorry)من الفسيخ شربات (مستعمل) يعني تجيب شاسيه محترم على موتور استعمال نظيف و تغيير العفشة و الكاوتش و تبقى كأنك راكب فيراري و لا بورش (أوعدنا يا رب بالحلال) جزاكم الله خيراً 
|
|
#2
27-01-2012, 01:31 PM
|
||||
|
||||
رد: هوندا أو اكسنت مستعمل و لا فيرنا أو سبيرانزا جديد
والله أخرتها حنفذ مشروع المعزة القومي
على الأقل موفرة في البرسين ( نصف بنزين و نصف برسيم و مش فارقة كلها أزمات) مالهاش جمارك و لا تأمين إجباري و بتمشي من غير وقوف في طاوبر التراخيص لو جعت و لا عطشت ألاقي لبن في يومين الغلاء دول ممكن تجيبلي عربيات قصدي معزات صغننه بس مش حختار ألوانها بنفسي تكلفة صيانتها عند الدكتور جارنا البيطري ممكن تبقى مجاملة لو قلت بأصلها حدبحها و آكل أنا و العيلة و الفقراء يا رب حد يريح بالي برد موضوعي زي ما أتعودت من أحلى أخوات في مصر موتورز أختكم توتة المصري
|
|
#3
27-01-2012, 03:31 PM
|
|||
|
|||
رد: هوندا أو اكسنت مستعمل و لا فيرنا أو سبيرانزا جديد
هههههههههههههههههههه
 انتى بتفتحى موجة كوميدى كتير ايه العسل دا كلو لو معاكى كاش حق الزيرو هاتى زيرو احسن اما لو ميكملش حق الزيرو يبقى خليكى فى المستعمل لحد ما تحوشى وتبيعها وتجيبى زيرو لان انا هعمل كدا بردو والاكسنت عربية جميلة انا هجيبها ان شاء الله واى خدمة 
|
|
#4
27-01-2012, 04:24 PM
|
||||
|
||||
|
رد: هوندا أو اكسنت مستعمل و لا فيرنا أو سبيرانزا جديد
ههههههههههههههههههههههههه
بصي يا توته من الاخر تعتمد علي سواقتك يعني سوقتي في الشارع وسط العربيات ولمين وشمال والدنيا حلوه ومحتاجه بس تقوية قلب يبقي خليكي في الزيرو وحتتعودي عليه بسرعه وربنا يباركلك فيه ان شاء الله ولو لا والدنيا صعبه شوية ولسه بتاخدي وتدي مع الطريق يبقي عليكي وعالمستعمل النضيف 128 ولا حاجه تعد معاكي سنه ولا سنه ونص وبعد كده تطيري عالزيرو وتبقي اجدعها من ايها محترف في مصر :D:D وويوم محتبعيها مش حتخسري فيها كتير وفرصه تكوني جمعتي تمن زيرو نضيف وياحبذا فيرنا اوتو حمرا ويسلام لو في بينك ^^ ربنا يهديكي للي فيه الخير والنصيب ان شاء الله اخوكي في الله محمد 
__________________
أيـــها المُشــــتكي ومــابــك داءُ .... كــُـــن جميـــلاً ترى الوجـــودَ جميـــلا  محمد الرويعي 
|
|
#5
27-01-2012, 04:41 PM
|
||||
|
||||
|
رد: هوندا أو اكسنت مستعمل و لا فيرنا أو سبيرانزا جديد
لو معاكى كاش امسكى العصايا من النص هاتى كسر الزيرو فى عربية حنينة لحد لما الامو تتظبط .
__________________
لا الله الا الله محمد رسول الله Walid ELmorsi
|
|
|
|
