العودة   مصر موتورز مجتمع السيارات > السيارات الكورية والماليزية > Hyundai هيونداى

Hyundai هيونداى Hyundai General Discussion Forum هيونداى من انجح الشركات الكورية وازاد نجاحها وانتشارها بعد ان ضمت اليها شركة كيا الكورية ايضاً من اهم موديلاتها ( اكسيل - فيرنا - اكسنت - ماتريكس - النترا - سوناتا - جينسيس )


إضافة رد
 
أدوات الموضوع
  #1  
قديم 22-12-2011, 06:14 PM
samirsaid1 samirsaid1 غير متواجد حالياً
التخصص العملى: accountant
 
تاريخ التسجيل: Jun 2010
المشاركات: 1,151
samirsaid1 has a brilliant futuresamirsaid1 has a brilliant futuresamirsaid1 has a brilliant futuresamirsaid1 has a brilliant futuresamirsaid1 has a brilliant futuresamirsaid1 has a brilliant futuresamirsaid1 has a brilliant futuresamirsaid1 has a brilliant futuresamirsaid1 has a brilliant futuresamirsaid1 has a brilliant futuresamirsaid1 has a brilliant future
عاجل حد عمل عفشة فى غبور

حد عمل عفشة فى غبور لان عندى هبد ورزع فى المطبات وفى العجل ولما باجى ادخل العربية واجلس على الكرسى بحس ان فية صوت تزييق او خشونة او احتكاك من ناحية العجل (( المساعدين ))fficeffice" />

فكنت عاوز اعرف هل ممكن اشترى مساعدين مونرو واروح اركبهم فى التوكيل هل هايرضو

وياريت لو حد من الأخوة عمل شغل فى العفشة يقوللى ممكن تتكلف كام العملية دى

وشكرا
رد مع اقتباس
  #2  
قديم 23-12-2011, 10:52 PM
الصورة الرمزية esafegypt
esafegypt esafegypt غير متواجد حالياً
من انا؟: أنسان بدائي
 
تاريخ التسجيل: Jun 2010
الموقع: الفيوم
المشاركات: 336
esafegypt has much to be proud ofesafegypt has much to be proud ofesafegypt has much to be proud ofesafegypt has much to be proud ofesafegypt has much to be proud ofesafegypt has much to be proud ofesafegypt has much to be proud ofesafegypt has much to be proud ofesafegypt has much to be proud of
افتراضي رد: حد عمل عفشة فى غبور


المشاركة الأصلية كتبت بواسطة samirsaid1 مشاهدة المشاركة

حد عمل عفشة فى غبور لان عندى هبد ورزع فى المطبات وفى العجل ولما باجى ادخل العربية واجلس على الكرسى بحس ان فية صوت تزييق او خشونة او احتكاك من ناحية العجل (( المساعدين ))fficeffice" />

فكنت عاوز اعرف هل ممكن اشترى مساعدين مونرو واروح اركبهم فى التوكيل هل هايرضو

وياريت لو حد من الأخوة عمل شغل فى العفشة يقوللى ممكن تتكلف كام العملية دى

وشكرا
حاول تركبهم فى اى مركز خدمة سيارات يكون محترم حتى ولو غالى هيكون افضل من غبور
توكيل هيونداى الان اصبح مشهور فى تقليب السيارات
بمعنى انه لو دخل له عربية كويسة ممكن يبدل القطعة اللى شغالة كويس بقطعة اى كلام ده طبعا بيكون بعيد عن المشكلة اللى انت رايح علشانها
يعنى انت مثلا هتروح تركب مساعدين هيقول لك تعال يا باشا وهيطلع لك المهندس والعربية هتدخل عندهم لو لقوا اى شئ بعيد عن المساعدين ممكن يتبدل بقطعة نص عمر من غير ما انت تعرف هيبدلها وانت زى الباشا بره بتشرب الشاى فى الكافتريا
الموضوع ده حصل معايا انا شخصيا ومع ناس تانية اعرفها وممكن اخليهم يكلموك بنفسهم
ابعد عن غبور وغنيلة

طيب هتسئلنى القطع دى هو بيعمل بيها ايه ؟ اللى هى اتقلبت من عربيتك وحط مكنها قطع نص عمر
1- علشان يخليك ترجع تانى ليه لانه بيعرف ان الناس اللى بتروح التوكيل هى الناس الاغنياء اللى الفلوس عندهم كتير ومش هتفرق معاهم لو صلح العربية كل مره فى التوكيل ...... وبيفتكر اننا بنلاقى الفلوس فى الشارع موش بنتعب فيها
2- لو انت مرجعتش ليه بالعطل الجديد هو هيدخل القطعة دى فى الصيانة مع حد غيرك وهتخرج فى عربية اخرى على انها جديده وهتتباع بسعر القطعة الجديده ........ ( نصب علنى )
3- السبب الاخير ان فى بعض العملاء فى غبور بيتعاملوا معاملة الملوك يعنى العربية بتتصلح غصب عن اى حد فى التوكيل ببلاش او بفلوس قليلة وبتتصلح بجد وبضمير
طب هتسئلنى الناس دى مين اللى بيتعاملوا معاملة الملوووك ؟ ؟ ؟
هقولك طبعا اى شخص بيساعد الشركة فى اتمام اى مصلحة وعنده عربية هيونداى
بيصلحها وبتكون خدمة مقابل خدمة
مين تانى ؟ هقول لك اى شخص من اقارب او اصدقاء العاملين بغبور بينطبق عليه نفس الكلام
مين تانى ؟ طبعا الشخصيات كتيرة لدرجه ان لو تعرف اى حد من البدو او العائلات اللى بتحرس المنطقة اللى فيها المركز الرئيسى بتاع غبور عربيتك هتتصلح زي الفل وبأقل التكاليف هتقول لى معقول ؟؟؟؟؟؟؟ هقول لك ايوه لان الناس دى هم اللى بيحرسوا المنطقة كلها موش غبور فقط وبياخدوا مبالغ مقابل الحراسة دى والكلام ده واخده من ظابط جيش يعرف ناس من البدو دول وقال لى انه ساعه الثورة ( يوم جمعة الغضب ) كان ممكن المصانع دى كلها تتنهب بس مفيش شئ اتنهب علشان البدو دول مظبطين المكان كويس ههههههه ولما الظابط ده اخوه راح يصلح عربيتة الالنترا عملوها اى كلام راح كلم واحد يعرف ناس من البدو دول وقال له روح صلح العربية تانى وقول لهم انا من طرف فلان والعربية اتصلحت من غير ما يدفع جنية

خلاصة الكلام فى ناس بتتسرق علشان ناس تانية تتعامل معاملة الملوك داخل التوكيل وعموما روح بنفسك وحاول تكشف على العربية فى مركز خدمة خارجى قبل ما تركب المساعدين ولما تركبهم اكشف تانى على الاعطال هتلاقى الجهاز بيقول لك على عطل فى اى مكان تعرف ان هو ده اللى اتقلب من عربيتك يا زعيم
__________________


التعديل الأخير تم بواسطة esafegypt ; 23-12-2011 الساعة 11:18 PM
رد مع اقتباس
  #3  
قديم 25-12-2011, 10:36 AM
samirsaid1 samirsaid1 غير متواجد حالياً
التخصص العملى: accountant
 
تاريخ التسجيل: Jun 2010
المشاركات: 1,151
samirsaid1 has a brilliant futuresamirsaid1 has a brilliant futuresamirsaid1 has a brilliant futuresamirsaid1 has a brilliant futuresamirsaid1 has a brilliant futuresamirsaid1 has a brilliant futuresamirsaid1 has a brilliant futuresamirsaid1 has a brilliant futuresamirsaid1 has a brilliant futuresamirsaid1 has a brilliant futuresamirsaid1 has a brilliant future
افتراضي رد: حد عمل عفشة فى غبور

شكرا استاذ ايساف
معقول يكون قلة الضمير للدرجة دى دول مش بياخدو شوية فى الصيانة

طيب كلامك دة فى فرع معين ولا كله كدة
رد مع اقتباس
  #4  
قديم 26-12-2011, 08:08 PM
الصورة الرمزية esafegypt
esafegypt esafegypt غير متواجد حالياً
من انا؟: أنسان بدائي
 
تاريخ التسجيل: Jun 2010
الموقع: الفيوم
المشاركات: 336
esafegypt has much to be proud ofesafegypt has much to be proud ofesafegypt has much to be proud ofesafegypt has much to be proud ofesafegypt has much to be proud ofesafegypt has much to be proud ofesafegypt has much to be proud ofesafegypt has much to be proud ofesafegypt has much to be proud of
افتراضي رد: حد عمل عفشة فى غبور

دا انا بكلمك على الفرع الرئيسى اللى فى طريق اسكندرية الصحراوى
وكمان انا بقول لك على القصص اللى ينفع تتقال على المنتدى فى قصص اخرى موش هقدر اقولها على المنتدى علشان محدش يقول انى بهيج الرأأي العام على الشئ اللى اسمه غبور وللاسف القصص الاخرى محزنة للغاية لو عاوز تعرفها ابعت لى ايميللك على رسالة خاصة وانا هحكيلك
ولو الكل عاوز يعرفها لازم الاول مشرف المنتدى يوافق على انى اتكلم على القصص دى ويدخل الموضوع هنا ويقول انه موافق انى اذيع ....... وعلى رأأي المثل (( عاوز تذيع قول ذيع موش عاوز موش هنذيع )))
وعموما احنا هنروح بعيد ليه ممكن تاخد العربية وتروح لهم بس اكشف على العربية كومبيوتر الاول واعرف عدد الاخطاء اللى عندك ولو موش بتفهم فى الموضوع ده خلى اللى يكشف لك عليها الاول يسجل بينات الكشف عن الاعطال وبعد كده روح اعمل المساعدين وبعد ما تخلص اكشف تانى عند نفس الشخص واكتشف هما لعبوا فى ايه وارجع لهم واقلب الدنيا عليهم
وكمان انت مشوفتش المواضيع اللى فى المنتدى هنا فى قسم هيونداى والشكاوى حد يروح لغبور برجله يا راجل ابعد عن غبور وغنيلة

http://masrmotors.com/vb/showthread.php?t=53350
__________________

رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 04:00 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017