العربية بترقص وهى ماشية

[MarEgypt]

عندى مشكلة فى e21 اربعة سلندر 1980 موديل 318:
بعد ما غيرت الطنابير الامامية بتاع العفشة غير شوية حجات :

2 بيض جداد
ملى المساعدين اليمين والشمال الامام زيت
قالى عملت حاجه فى المقصات فى المكبس او كبسهم حاجه زى كدا
وجلد او جلب

بعد ما ركب العربية اصبحت
1) بتعوم.
2) الدريكسون كان تقيل اصبح خفيف ودى حاجه كويسه، لكن المشكله لما الف الدريكسون مش بيرجع لوحده ذى الاول ، لازم ارجعه بايدى.
3) اقل حجر او مطب تحت العربية الاقى الدريكسون اتهز جامد والعربية حاسه انها مش متزنة.

هو قالى انه رفع العربية 2 سم لانها كانت واطية ودلوقت اصبحت تمام.

لما اتصلت بيه قولته العربية فيها المشاكل دى ، قالى تبقى عايزه تظبطى زواية والدريكسون هيرد لوحده زى الاول بعد ظبط الزوايا.

انا حاسه ان فى مشاكل او حاجات باظت فى العفشة
لان فى الاول لما كانت الزواية بتنحرف، العربية كانت بتفضل ثابتة

خايفه يكون بوظ حاجه فى العفشة وخاصة المقصات عشان سامعة انها غالية ومش موجوده

[borio1704]

دايما وفي كل مرة يحصل تظبيط وشغل في العفشة (وبالذات في المقصات والبيضات).. لازم نروح بعدها مباشرة ونظبط زوايا.. لإن الأجزاء اللي اتفكت مستحيل تركب زي ماكانت بنفس الظبطة الأولانية

عدم ضبط الزوايا حيخلي العربية غير متزنة وكمان حيخلي الكاوتش يتاكل

ونصيحة.. ما تتعامليش مع الراجل ده تاني لإنه مش أمين ... كان المفروض يقولك إنك لازم تروحي تظبطي زوايا من أول مرة اشتغل في العربية


...

[MarEgypt]

بعد ما ظبطت الزوايا الحمد لله العربية ظبطت

بتاع الزوايا قالى المقصات نشفت شويا من الكبس والاسكترا مبوشه سنه وهو دا الى مخلى الدريكسون مش بيرجع لوحده

يعنى ايه الاسكترا مبوشة سنة ؟

والاسكترا والمقصات تمنهم حوالى كم ؟

[transporter]

متشغلش أغاني شعبية وانت سايق:playi ng_music:

[AbOnOrA]

للاسف معرفش فى الاسعار بتاعتها
التبويش فى السكاترا معناه ان فيه تاكل فى اجزائها بيخلى حركتها مش محبوكة تماماً وفيه سنة يمين وشمال فى حركتها غير مؤثرة

بالنسبة لاصلاحات العفشة عموماً يفضل انها تبقى احلال وتجديد مش تصليح لان غالباً التصليح مش بيجيب نتائج 100%

وطبعاً لازم بعد شغل العفشة تظبط وتراجع عند بتاع الزوايا والا ترجع تانى للعفشجى لحد ما الزوايا تظبط

نصيحتى ليك تحاول تشوف عفشجى كويس فاهم وحافظ العربيه