انا تعبت يا جماعة بجد من البلد دى تعبت والله منها

[blade2011]

انا باختصار باختصار لسة جايب العربية زيرو من تلت شهور بس والله تلت شهور عامة انا هاحى باختصار عن مشاكلى اللى هية فى الغالب مشاكل اغلب الناس هنة وهية بتتلخص فى اخلاق الناس اللى ماشية فى الشارع وهوة احنا لية بنعمل كدة يعنى انا عاوز افهم هوة :
1- لية سواقين التاكسى بيرموا على اللى جنبوهم من غير حتى اشارة او يطلع ايدة من الشباك وحتى لو هوة رفرفة الورانى لازق فى رفرك القدمانى بيغر حارتة لحارتك بدون ادنى اشارة منة ليك ان بيفكر اصلا يغير حارتة اللى هوة ماشى فيها والموضوع دة بالزات انا ملاحظة فى كل سواقين التاكسى الله اعلم دة فى القاهرة ولا لا بس انا ملاحظ انة سلوك عام هنة فى المنصورة عند كل سواقين التاكسى
2-هوة لية الناس لما بتركن بتركن قدام ملفات او مطالع وداخل شوارع وياخد كل مدخل الشارع لحساب اهلة الشخصى كانك شغال عندة ويقفل الشارع او ياخد نصة وتبقة عشان انتة تعدى وارد انك تحك فية باى طريقة لان البية مش مراعى ان دة مدخل شارع وان لو ركن فى مدخل الشارع الناس مش هاتعرف تدخل منة
طيب هاحكى موقف عصبنى بجد اوى انا مابارح كنت راكب العربية ومعدى من شارع جيهان فى المنصورة ودخلت جوا شارع فرعى بيطلع على المستشفى العام ثم لقيت واحد بيركن قعد ساعة يركن قلنا مش مشكلة ولا حاجة خلية يتعلم عادى المهم اذ افوجى وانا طالع ام المطلع اللى بيودى على شارع المستشفى العام بصف عربيات راكن قدامى مش مشكلة ماهوة راكن صح وعربية راكنة على يمينى بردة راكنة كويسة واخرى على شمالى مرسيدس واخدة بالضبط نصف المدخل والله نصفة ومدخل الشارع اللى انا داخلة لا يتجاوز 6 متر والشارع اللى انا طالع منة بردة لا يتجاوز 6 متر وكلها من الاخر حارات ديقة اوى مش مسحتملة يعنى فاللاسف حالباب اتحك فى اكصدام العربية اللى واخدة نصف مدخل الشارع وحصل عضعضة فى الباب اة هية خفيفة بس انا زعلت جدا عشان العربية لسة جديدة برغم انا اخدت المدخل دة على واسع اوى وحتى قعدت بتاع خمس دقايق احيط وارج مارش بس بردة كان لازم احك فيها طب السؤال بقة هوة احنا لية بنعمل كدة هوة لية راكن فى مدخل شارع من شارع لية اية السبب واية السبب ان احنا مش بنراعى بعضينا مش عارف لية هوة مابيفكرش ان ممكن يكون واحد تعبان بودية المستشفى ولازم ادخل الشارع او متاخر على شغلى لية الناس مابتراعيش بعضها للدرجة دى مش عارف المهم ماطلوش عليكم روحت ركنت العربية فى الشغل ورجعت للراجل فى حوالى 10 دقايق لقيتة مشى وكان نفسى اشوفة عشان اديلة كلمتين
3- لية العيال الصغيرة فى الشارع بتمسك المفاتيح والمسامير وماشين يعلموا على عربيات الناس يعنى هية دى لو عربيات اهاليهم هايعملوا كدة طيب نفترض ان ماحدش قالهم كدة غلط او عيب بس هوة بيستفاد اية لما بيطلع رغباتة المكبوتة فى عربيات الناس مش عارف
4-لية دايما الحبيبة والعيال اللى بياخدوا دروس مفكرين ان عربيات الناس دى كنب وطربيزات وسراير لازم يعدوا او يناموا عليها عشان لمجرد ان دى عربية فى الشارع ماهوة لو كل واحد فى البلد دى فكر ان العربية دى المركونة فى الشارع ممكن تكون عربيتة او عربية صاحبة او والدة او اى حد من عيلتة ماكنش فكر ان يعمل كدة
5-لية سواقة التاكسى والميكروباصات بالشكل المستفز دة يعنى هاقول على موقف اى حد طالع من تقاطع او ملف او دورران او مدخل يعنى مش طريق استريت لازم ثوانى بس يقف يشوف حتى اللى قدامة الطريق فاضى ولا لا خاصة فى مدخل الشوارع الرئيسية عشان لو حد فى طريقة مايخبطوش انا ماشى فى طريقى لقيت واحد بتاع فيرنا مستنى عشان بس يلاقى حتة تفضى يعدى قمت هديت وعديتة بعد لما عديتة لقيت عربية بيجو تاكسى راكب ورا الفيرنا الملاكى وعاوز يعدى حتى من غير اشارة ورغم انة شايف انا اللى راكب ورا الملاكى وانا اللى معدية بس هوة مصمم وقفت وشاورتلة مش هاتعدى بس لية بجد هما سواقتهم مستفزة كدة يركب على اللى قدامة يقف فى اى حتة وبدون مقدمات يركب عليك وانتا ماشى فى حراتك وبدون ادنى اشارات لا للتوقف ولا حتى يمين او شمال ولية دايما معتمد على الاخرين هوة يمشى الشارع دة ملكة والناس هية اللى تحاسب مش هوة اللى يحساب للناس ولما تكلمة يقولك رزق يعنى ربنا قالك لما تنزل كل يوم من بيتك عشان رزقك لازم تقرف الناس فى عيشتها بالشكل دة وقالك يعنى ماتلتزمش بقواعد او اشارات عشان البية مستعجل على الرزق انا مش عارف بجد
اخيرا بجد هوة احنا اخلاقنا مش هاتتغير بقة يعنى هانفضل كدة على طول مابنحترمش بعض ولا بنراعى بعض هانفضل كدة على طول لغاية امتى كنا بنرمى دايما همومنا على الحكومة انها وحشة ومش كويسة وبتعمل وبتسوى فينا وانا ماعكوا على طول حكومات مصر المتاعقبة ماجتش حكومة واحدة توحد ربنا عملت حاجة كويسة للبلد دى بس هوة الحكومة قالت بردة ماتلتزمش بقواعد المرور ولا تلتزم باماكن الركنات وقالت ماتحترمش الناس اللى ماشية فى الشارع قالت كدة اكيد لا اخيرا ان الله لايغير مابقوم حتى يغيروا مابانفسهم صح ولا اية

[Moh.Osama]

ياباشا هدى نفسك واحمد ربنا انك ففى المنصورة مش القاهرة انا روحت مرة المنصورة حست انى فى مصيف تعالا انت بس القاهرة وانت هتقول المنصورة ديه نعمه بس طبعا ده ميمنعش ان السلوكيات زى الزفت وفعلا لازم يكون فى حاجه رادعه علشان الناس تمشى عدل طالما الزوق مش نافع

[nktis]

عندك حق طبعا ....
للاسف ناس كتير بتسوق ومفكره ان الطريق بتاعها ولا اشارات ولا مريات حتي وبيتسببوا في حوادث...
خلي مبداك في السواقه ان الكا بيغلط وحضرتك بتمشي علي الاساس ده ان ممكن اللي وراك في المرايه او اللي قدامك ممكن ببساطه يغلط غلطه تؤدي لحادث...وربنا يسترها علي عباده...

[nktis]

امال لما سواقين الميكروباص كده ؟؟؟ شكلك مجربتش بتوع النص نقل والتكاتك....؟؟

بصراحه اكتر سواقين محترمين وملتزمين باداب وقواعد المرور والاشارات وما الي ذلك.... النقل التقيل................

[A7MED NASSER]

اولا ً اهلا بيك هنا في مصر موتورز و منورنا فعلا و الله و علي فكرة انا من المنصورة برضوا
و عارف الشارع اللي انت بتقول عليه ده و هي مش جديده . هما فعلا بيقفلو ا الشارع ده بالعربيات ليل نهار و مش فارقه معاهم اصلا ً . هيحصل ايه يعني العربيه هتتحك هيقول لبابا العربيه اتحكت انا عايز واحده تانيه و هتجيله و الله ده بيحصل قدامي بس انا و الله ما بعلق الوقتي عن الفلوس المشكله فينا احنا مش في الفلوس علشان كده لازم نتغير و في حاجات لها حل

زي مثلا مشكله العيال اللي بيخربشوا العربيات و دي حلها انك تغطي عربيتك و حتى و لو هتقف ساعه واحده بس و خليك عارف . علشان تعرف تسوق في مصر . اعتبر ان كل اللي بيسوقوا دول من غير عقل و مجانين كلهم و انت لوحدك اللي عاقل وسطهم و تاخد علي كده و برضوا لازم ارجع و اقولك انك انت هنا في المنصورة و الله مرحوم كتير اوي من القاهره و خنقتها المؤبده و ياريت نتعرف بيك و ان شاء الله تكون معرفه خير يا باشا و سلام عليكم