|
رينو كليو Clio The Renault Clio is a supermini car produced by the French automobile manufacturer Renault. Originally launched in 1990, it is currently in its third generation. The Clio has seen substantial critical and commercial success, being consistently one of Europe's top-selling cars since its launch,[1] and it is largely credited with restoring Renault's reputation and stature after a difficult second half of the 1980s. Symbol of its success and its longevity, the Clio is the only car to have been elected European Car of the Year twice, in 1991 and in 2006. |
|
أدوات الموضوع |
#1
|
|||
|
|||
رينو كليو كااااااااااارثه بجميع المقاييس موضوع مهم جدا للنقاش
النهارده وانا عند السمكري باصلح العربيه من اثار الخبطه اللعينه عشان بقي تبقي تاخد وش دوكو لقيت ولد من العيال اللي عنده بيقولي شايف العربيه الرينو كليو اللي هناك دي عربيه ورق قلت له قلت له عادي يعني مفيش جديد لقيت الولد بيقولي دي العربيه فيبر مش حديد قلت له انت هتشتغلني قعد يحلف لي انها من الفيبر قلت يا بني ما تلعبش ف عداد عمرك قالي طب روح شوفها رحت حطيت ايدي ع العربيه اول حاجه حطيت ايدي عليها الكبوت لقيته حديد رحت باصص له لسه باحط ايدي ع الرفرف الشمال لقيت الرفرف مكسووووووووووور خبطت بصباعي ع الرفرف لقيته بلاستيك فعلا رحت للرفرف اليمين مكنش مخبوط بس خبطت بصباعي عليه لقيته بلاستيك برده قلت يا نهار اسود العربيه فيبر فعلا المهم قلت للواد يا بني تلاقي العربيه مغيره الرفارف دي واسترخص ف الفلوس فجابهم ف فيبر قالي لا يا باشا العربيه دي اللي اعرفه عانها بدوكو بلادها قلت له انت والله ما انت عارف حاجه قالي طب الرفارف ممكن تبقي متغيره تعالي ع السقف خبطت بايدي علي السقف فيبر والله العظيم فيبر انا اتهبلت ساعتها ما هو مستحيل يكون مغير السقف كمان
وهنا هنطرح سؤال هو ايه اللي حصل ف طريقه اختيار المواطن المصري للسيارات عند شراءها يعني بعد ما كنا بنركب البيجو 504 والتويوتا كرسيدا اللي الواحده منهم لو دخلت ف عمود ضغط عالي تقسمه نصين دلوقتي بقينا نركب عربيات نصها تقريبا من الفيبر اعتقد فيه حاجه غلط والموضوع مش ان العربيات غليت لالالالا فيه ناس بتبقي معاها مبالغ تجيب عربيات محترمه ومشهود لها بالكفاءه ف كل دول العالم ويجيبوا حاجات ما بنسمعش عنها غير ف مصر هو ايه اللي حصللنا بالضبط |
#2
|
|||
|
|||
رد: رينو كليو كااااااااااارثه بجميع المقاييس موضوع مهم جدا للنقاش
اللى حضرتك ما تعرفهوش ان دى اهم عوامل امان للعربيه والرينو ميجان كده وواخده 5 نجوم ف الامان الاوروبى الفيبر ده علشان لو العربيه معجونه تقدر تفتح الابواب عادى جدا وكمان الشاسيه للعربيات رينو كله مقوى بطريقه غريبه جدا جدا جدا ممتاز الى ابعد الحدود انا عايزك تتفرج على لوجان ولا كيلو عاملين حادثه وانت تعرف يعنى ايه رينو ويعنى ايه امان والناس برضو تروح تركب كورى بقى بالزمه فين العقل هنا
رينو يجب ان نرفع لها القبعه واللى انت قولته دى مميزات مش عيوب مع الاسف خيبت ظنك دور على حته تانيه تشوه فيها سمعه العربيه |
#3
|
|||
|
|||
رد: رينو كليو كااااااااااارثه بجميع المقاييس موضوع مهم جدا للنقاش
انا عارف انها من عوامل الامان بس هو مينفعش العربيه تكون امنه الا لما تكون فيبر يا ريت توضح لي النقطه دي كويس قوووووووووووي ده اولا ثانيا انا من عشاق اللوجي (اللوجان ) علي فكره عشان شكلها تحفه بس هي تصحيح لمعلومات سعادتك واخده 3 نجوم وعشان ما تفسرش اني باسوأ سمعه العربيه 3 نجوم بالسعر ده يعتبر كويس مش وحش لانها عربيه مش غاليه قووووي زي عربيات كوري بتتخطي حاجز ال 100 الف ثالثا واهم حاجه يعني ايه خيبت ظني ف تشويه سمعه العربيه بصراحه يعني اسلوبك كان ممكن يبقي افضل حبتين لو علي سمعه عربيات رينو هي من ناحيه السمعه كويسه بس السمعه ما تأكلش عيش ف مصر لان لما تيجي سيادتك تبيع عربيات رينو باقل من نص تمنها معلش يبقي انت ف بلد لا تعترف بالرينو كعربيه اساسا و ده لثقافه الشعب المصري المتواضعه يعني من الاخر عربيه تحفه زي الرينو لو هنحط فلوسنا فيها ونرميها بتراب الفلوس بعد مثلا 5 سنين لا يبقي انا التوك توك احسن لي ولا ايه؟؟؟
|
#4
|
||||
|
||||
رد: رينو كليو كااااااااااارثه بجميع المقاييس موضوع مهم جدا للنقاش
فعلا الاسلوب ممكن يكون افضل حبتين
و ثانيا استخدام الفيبر عامة لتقليل الوزن و رفع الاداء و ليس للامان |
#5
|
|||
|
|||
رد: رينو كليو كااااااااااارثه بجميع المقاييس موضوع مهم جدا للنقاش
ما انا برده مستغرب تويوتا ومرسيدس وبي ام دبليو وفورد اللي بيعتبروا عمالقه صناعه السيارات واكتر العربيات امانا مشفناش لهم عربيه سقفها ولا رفرفها فيبر
دا السقف الفيبر لو لا قدر الله العربيه اتقلبت ممكن تلاقي راسك طالعه م السقف ومخبوطه ف الرصيف برده هي هي يعني لو خبطه ف سقف حديد زيها زي خبطه ف الرصيف مفرقتش كتير |
|
|