طلمبة البنزين و بداية الحكاية فى الاوبل من سوهاج

[gmgamil]

بداية انا السيارة موديل 2001 موتور 2000 سى سى اوتوماتيك

فى ليلة عيد رمضان الماضى و عينك ما تشوف اللى النور حوالى الساعة 10 باليل و انا ماشى باخد مطب عادى خالص

هب بعد المطب على طول العربية بطلت مش راضية تدور خالص

طبعا العربية اوتو ما ينفع الزق

المهم دور على ميكانيكى مفيش ليلة العيد يا خال
طب كهربائى انسى يا عم ليلة العيد

المهم الحكاية دى قبل مدخل سوهاج البحرى الحمادية حوالى 5 كيلو قبل سوهاج

طب دور على عربية تقطر انسى دى ليلة العيد يا خال و الكلام ده حوالى الساعة 11ز30 بالليل

المهم بعد الكلام ده اعمل ايه قلت اجتهد يا خال و اعمل اى حاجة روحت راكب لسوهاج و هات طقم بوجيهات و غير
لقيت المفتاح اللى معاية بتاع البوجيهات تخين و مش بيركب علشان البوجيهات ساقطة فى الموتور تحت
قلت ارجع سوهاج و ادور على مفتاح بوجيهات اسال يا عم اسال يا خال المهم وصلت لواحد اسمه دهب هات يا عم مفتاح بوجيهات المهم دفعت عشرين جنيه و خدت مفتاح بوجيهات للاوبل

روحت العربية تانى و انا معايا واحد صاحبى فك يا عم فك البوجيهات يا خال فى اول بوجيه المفتاح اتكسر صينى يعنى سلمت امرى لله
المهم صاحبى معاه طقم مفاتيح من ابو سسته لقيت معاه مفتاح بوجيهات فكينا و غيرنا البوجيهات دور مفيش دوران خالص

المهم زقينا العربيه لحته امان شوية ده كان قبل الفجر بساعة كده و غطيناها و روحنا و طبعا الايام دى اللبش زاد شوية فالواحد روح و القلق شغال على اخره

فما بالك بارتباط العيد و الزيارات و خلافة و المهم كانت عيديه من الاخر يعنى


المهم اكمل بعدين ايه اللى و ايه اللى كان العطل و ازاى وصلنا ليه

و انا هقولكم ايه اللى فكرنى فى عيد الاضحي بالحكاية

[احمد على 1999]

كنت لسة حسألك
ايه اللى فكرك ؟
حتى و انا بأقرأ الحكاية متوقع انها تكون حصلت تانى النهاردة !!!!!!!!!!!!!!!!!!!!

[gmgamil]

بالضبط حصلت تانى انهارده

كانها متعاقدة مع الاعياد

او نشفان مخ صعيدى او نقول الطلمبه جاورت صعيدى 40 يوم فبقيت منشفة دمغاها

[احمد على 1999]

لأ

مش معقول

[memodina1]

متابع معاكم