|
#1
25-10-2011, 10:37 PM
|
||||
|
||||
ايه رأيكوا ف الشدة دى للمازدا ؟!
مساء الخير على احلى منتدى
 الموضوع ان التجديد عندى والفحص فى شهر ابريل القادم والوضع الحالي ل حشيشة يكسف بعض الشىء وانا سميتها "حشيشة" لانها نادرة ومش منتشرة فى مصر خالص اللي منتشر الموديل الاقل 1982 والعربية دايما عاملة دماغ ساعات تبقى 100 فل و10 وساعات تترج وتطلع دخنة وساعات تدب فيها الروح وتشد مع لانسر و كرولا 2007 وتشرفني   المهم انا بلغت الحج اننا داخلين على شدة عشان الفحص ومشاكل حشيشة تتلخص كالتالي : 1- الموتور خفيف وبياكل زيت و بنزين و بيترجرج انا بغير زيت كل اول شهر بحط 4 3 لتر وازود لما ينقص و فى اخر الشهر ببقى عملت مثلا 1500 كيلو وباقي 2 لتر فى المكنة طبعا علبة زيت الشنبر اساسي مع غيار الزيت وكدة عاوزة عمرة مكنة والاحسن والافضل تسقيط مكنة 2- عندى شوية بارومة وشغل سمكرة عند الدلايات من العجل الامامي و اكيد هكتشف بارومة فى اماكن تانية بس ان شاء الله ميكونش غير اللي انا شفته لما رفعت العربية 3- الدهان فى العربية مرشوشة وش نضافة على عك , ودة طبعا لاني شاريها من تاجر لعدم الخبرة المعجون بيشقق ويتقشر والباب الخلفي واخد خابطة و انا سايبها ع المعجون 4- محتاج طقم كاوتش وجنوط سبور والاكصدام الامامي متخيط فى الزوايا ومش عارف هلاقي منه جديد ولا لا بس عندى امل اني اوفق عليه بتاع الاكسل او السويفت 5- الكابينة من جوة محتاجة بس تغير جلد الطابلوه وفرش جلد ف الارضية بدل الموكيت بتاع الفابريكة وفى طبعا حاجات كتير تتعمل زى شغل الكهربا و سماعات بس دول كدة يعنى مش فى الاولويات فكركم كل نقطة من دول تكلف كام وايه اللي ممكن نستغنى عنه ؟؟؟ و الوقت لكل نقطة ولو غيرت لونها هتفرق فى حاجة ؟؟ واحب اقول اني على قد ما حشيشة مبهدلاني على قد ما بحبها وناوي اشتغل فيها لحد ما تبقى كدة يجي واحد يقوللي ياعم لسه هتصلح وتشد......بص بيعها وهاتلك توك توك هههههه او اقولك هاتلك حاجة قسط طبعا دي حلول كويسة وكل حاجة بس الواحد بيحب الحاجة تبقى على ايده العقل موجود والافكار موجودة والفلوس ان شاء الله موجودة فاضل نتعب شوية....من طلب العلا بقى والنتيجة ياريت تطلع زي كدة  تفتكروا ممكن ؟
__________________
أسألكم الدعاء لوالدي بالرحمة It's Nice to be Important but, It's More Important to be Nice 
|
|
#2
26-10-2011, 03:09 AM
|
||||
|
||||
|
رد: ايه رأيكوا ف الشدة دى للمازدا ؟!
هو ممكن بس هتصرف علي العربيه كتير اوووي
مش اقل من 10 آلاف جنيه او اكتر كمان علشان ترجعها بالحاله المرجوه موتور 2000 جنيه مثلا سمكره مش اقل من 500 دوكو 2000 جنيه او اكتر للشغل النضيف فرش 1500 اقل واجب جنوط و كاوتش 3500 جنيه شغل عفشه و تضبيط كهربا حوالي 1000 و الله اعلم
__________________
حـازم خـضـر
|
|
#3
26-10-2011, 05:04 AM
|
||||
|
||||
|
رد: ايه رأيكوا ف الشدة دى للمازدا ؟!
هو طبعا كل حاجة ممكن طالما فى دماغنا اننا نعملها بس المشكلة زى ما استاذ حازم قال هتتكلم كتير وانت بتعمل شغل صح يعنى مينفعش تعكك وتلم ....
انا متفق معاك ان الواحد لما بيعمل الشغل ع ايدية بتبقى حاجة تانية وبيكون فرحان فرحة خيالية بعد الشغل يطلع حلو بس انا عاوزك تعد اعدة عرب مع نفسك وتحسبها وتشوف ان الموضوع مستاهل المصاريف دى واية الاحسن انك تبيعها وتجيب جديد فعلا ومهما كان الجديد جديد وراحة بال فعلا مع ان القديم اقيم وامتن بكتير فعلا بس هو دة حال الدنيا بقى فاعد مع نفسك وقيم الموضوع من وجهة نظرك انت واحتيجاتك
__________________
 HaMaDa-ToUB@R 01000902024 
|
|
#4
26-10-2011, 05:12 AM
|
||||
|
||||
رد: ايه رأيكوا ف الشدة دى للمازدا ؟!
 مثل ما ذكر الاعضاء الكرام ضرورى ان تقوم بعمل دراسة للحالة العامة هل بعد مصروف لن يقل عن 15000 ج حشيشة اصبحت زيرو بلا اعطال اخرى 
__________________
|
|
#5
26-10-2011, 11:24 AM
|
||||
|
||||
رد: ايه رأيكوا ف الشدة دى للمازدا ؟!
انا فكرت ولاقيت نفسي قدام حاجتين ضرورين الموتور و سمكرة ودوكو فرش و جنوط شكلي هأجلهم شوية من ناحية تغير اللون عادى ؟؟ ولا المرور هيعقد الاجراءات ؟؟
العربية لو اتباعت هتجيب 20 23 بالكتير ومش على حالتها دي لازم الشنبر دة يتعمل وتترش و تتسمكر والمازدا تقيلة ف البيع وهكون صرفت عليها مثلا 3 الاف 1500 عنرة و 500 سمكرة و1000 دوكو لو اتباعت ب 23 انا كدة خسران 3 الاف ومش عارف بصراحة 23 دول يجيبو ايه ومش هنزل من الياباني على لادا ولا فيات ف العملية معقدة شوية
يبقى حرام عليا خصوصا اني لسه طالب ان شاء الله مانعديش ال 6 وكنت عاوز اسألك سؤال لو رحت المرور افحص ايه الحاجات المميتة اللي ممكن يرجعونى عشانها ؟ وشكرا ليكم كلكم تحياتي
__________________
أسألكم الدعاء لوالدي بالرحمة It's Nice to be Important but, It's More Important to be Nice
|
 |
|
|
هو ممكن بس هتصرف علي العربيه كتير اوووي