مشكلة فى سرعة دوران المحرك

[aasstt]

عند اول دوارة للسيارة يكون سرعة المحرك بتوصل 20 وبعد قليل تنخفض الى 10
وهذا دائما حتى لو كانت السيارة ساخنة
و عندما ابدا اتحرك بتنخفض من 20 الى 10
هى سيارة اكسارا 1 2000
فما هو السبب وما هو الحل

[aasstt]

قرأت الاتى فى احدى المنتديات
عدم انتظام سرعة دوران المحرك وقدرة المحرك بحيث تزيد وتقل. عند السير بسرعة منتظمة نجد أن هناك تغيير في سرعة المحرك دون الضغط على بدال الوقود.
المشكلة قد تكون بسبب ضبط للخليط (خليط فقير جداً) للمغذي أو نظام الحقن. أو هناك مشكلة في الإشعال أو نظام التحكم الإليكتروني

فهل هذا صحيح و ما معنى المكتوب وما هو الخليط ما هو الاشعال وما هو التحكم الاليكترونى

[memodina1]

مشكلة سهلة جدا يا استاذى وحلها معروف جدا
عند حضرتك حساس اسمة حساس الايدل رخيص مش غالى اوى هاتة من التوكيل الحساس مسئول عن عدد لفات الماتور فى السلانسية والتسخين خللة يضر بالسيارة
اعراضة
وانت بتسخن ممكن العداد طالع على 2000 نزل 1000 نزل اكتر والعربية تكركر وتطفى
2 وانت واقف فى اشارة تلاقى العداد طلع ونزل وطلع ونزل وهكذا
خد بالك غلط على الماتور لانة بيهتز فى الحركة دى
اى اسالة انا تحت امرك

[احمد على 1999]

المشاركة الأصلية كتبت بواسطة aasstt عند اول دوارة للسيارة يكون سرعة المحرك بتوصل 20 وبعد قليل تنخفض الى 10 وهذا دائما حتى لو كانت السيارة ساخنة و عندما ابدا اتحرك بتنخفض من 20 الى 10 هى سيارة اكسارا 1 2000 فما هو السبب وما هو الحل

حاجة من اتنين و الله اعلم
يا iac ( صمام الايدل ) بيعلق فمحتاج نضافة و بالمرة نضافه للمجارى بتاعته فى جسم البوابة
يا لو عندك حاجة اسمها FITV و ده موجودة فى بعض السيارات شغال بالميه بيتحكم برضه فى الايدل فمحتاج يتفك و يتنضف

المشاركة الأصلية كتبت بواسطة aasstt قرأت الاتى فى احدى المنتديات عدم انتظام سرعة دوران المحرك وقدرة المحرك بحيث تزيد وتقل. عند السير بسرعة منتظمة نجد أن هناك تغيير في سرعة المحرك دون الضغط على بدال الوقود. المشكلة قد تكون بسبب ضبط للخليط (خليط فقير جداً) للمغذي أو نظام الحقن. أو هناك مشكلة في الإشعال أو نظام التحكم الإليكتروني فهل هذا صحيح و ما معنى المكتوب وما هو الخليط ما هو الاشعال وما هو التحكم الاليكترونى

بس مش دى المشكلة الى مكتوبة فى الاول
الى فهمته من كلامك الاولانى ان سرعة الدوران منتظمة و مش متذبذبة هى بس عالية فى الاول و بعدين بتنزل بس منتظمة
العموم الخليط هو : خليط الهواء و البنزين
الاشعال هو : الشرارة المتولدة لحرق الخليط ( بوجيهات - سلك بوجيهات - كويل )
نظام التحكم الالكترونى : ECU وحدة الكترونية اد كف الايد فى عربيات بتبقى جوه فى حوض الماتور و فى عربيات تانية جوه الصالون و هى المسئولة عن اعطاء الاوامر على سبيل المثال : لصمام الايدل و الرشاشات و الكويل و المراوح و صمام الكانستر و سولونويد صمام البيئة
و بتاخد قرارها بناءا على مدخلات جايلها من حساسات زى : حرارة مياه الرادياتير - ال RPM - وضع بوابة الهواء TPS - حساس الاكسوجين - حساس الكرنك او الكامة - حساس كمية الهواء MAF - حساس ضغط الهواء المطلق للمانيفولد MAP

[aasstt]

شكرا للاهتمام و الرد
وما هو سعر حساس الايدل