|
#1
06-09-2011, 11:17 PM
|
|||
|
|||
صيانة ال 5000 وتكنو سيرفيس 2 وطعمية بالبسطرمة !!!!!!!
الحمد لله والشكر لله على نعمه فهي كثيرة لا تعد ولا تحصى
اولا وقبل كل شيئ كنت عملت صيانة الالف كيلو في اسكندرية في تكنو سيرفيس والتفاصيل في اللينك التالي http://www.masrmotors.com/vb/showthread.php?t=62278 هناك كانت الاخت بتاعه خدمة العملاء اللي في مركز اسكنرية كتبتلي في الضمان ان الصيانة القادمة اما عند 5000 او يوم 27/9/2011 ايهما اقرب المهم ونظرا لمشواري اللي ربنا يقدرني علية يوميا من عين شمس الى 6 اكتوبر للعمل لقيت العربية عملت ال 5000 اخر يوم في رمضان قلت استنى لبعد العيد واحجز موعد للصيانة بيني وبينكم احترت اروح فين دورت وأطقست عن كذا مركز لغاية لما استقريت على تكنو سيرفيس 2 اللي في جسر السويس قلت جانبي وكنت قريت مشاركات هنا في المنتدى او حتى نادي اسبرانزا انه مركز معقول خصوصا في الصيانات العادية مش للحاجات الجامدة ربنا يكفينا شرها ان شاء الله المهم اتصلت بالنمرة اللي في الكتالوج جرس ومحدش رد اتصلت بالرقم الساخن اخدت منه رقم الموبايل قاللي رقم الارضي يمكن يكون فيه مشكلة واتصلت يوم السبت الماضي وحجزت يوم الاتنين قالتلي تحب تروح الساعه 8 ص ولا 10 ص قلتلها 10 ص طبعا احسن المهم اكتشفت برضة انك حتى لو مش حاجز مش مهم المهم مين اللي بيروح الاول بدري وياخد رقم صغير يعني موضوع الحجز دا بس حجة لو فية ناس كتيرة وحد راح متاخر يقولك اسفين انت مش حاجز يعني تلاكيك مش اكتر لكن لو مش حاجز ورحت بدري ولا بتفرق ممكن كمان تاخد رقم سابق لوحد حاجز وواخد موعد سابق المهم رحت الساعه 9 وربع نسيت اوصف المكان وانت رايح من ناحية الالف مسكن تخليك ماشي في جسر السويس لغاية اول يوتيرن بعد عمارات الفاروقية وترجع تلف وتدخل في اول شارع يمين بعد عمارة الشرق للسيراميك المركز جوة الشارع دا جنب مسجد اخدت رقم 33 قلت يانهار ملحوس دانا حاجز وقالتلي تعالي الساعه 10 وانا جي 9 وربع يعني جدعنة بتاع ساعه الا ربع تقوللي 33 قالي عم حامد مسؤل الحجز واللي بياخد بيانات العربية والرخصة ان فية ارقام ضايعه عشان الرقم دا عامل زي علبة بلاستيك مكتوب عليها الرقم وببتلزق على سقف العربية فساعات عربيات تخرج برة المركز للتجربة ترجع من غير الرقم ف انت المفروض رقمك 17 مش 33 قلت احسن يعني هاعمل ايه واخد يوم اجازة مخصوص ولا ماضيعوش قاللي ادخل مكتب كدا هاتقابل مهندس الاستقبال تقوله على اللي انت عايزة دخلت قابلتة اسمه م/احمد قلتله على اني عايز اعمل صيانة ال 5000 وكمان فية شوية حاجات حصلت في العربية زي اصوات من العفشة غريبة زي تزييق وزي ان لمبة الايه بي اس نورت فجأة يوم الخميس الماضي وانطفت برضة يوم السبت لوحدها وزي حاجة قاللي عليها استغربت منها اوي ان باب تنك البنزين مش بيقفل مع السنتر لوك قاللي العربيات دي كدا طبعا انا مش متاكد هو بفتي ولا لأ لاني عربيتي القديمة السيات كان باب غطاء التنك لايمكن فتحة الا مع السنتر يعني وانا في البيت او راكن في الشارع ممكن حد يفتح الغطاء ويفتح التنك ويحطلي اي حاجة تبوظلي الموتور (سؤال لجميع ملاك الاسبرانزا 516 هل الكلام دا صحيح ولا لأ) كمان مافاتنيش اني اقوله على العيب العجيب والغريب اللي في تكنو اسكندرية طلسقوني فيه وهو باب درج التابلوة اللي لما بيقفل مرة اللمبة تنطفى ومرة تفضل منورة قاللي من عينيا قعد يفكر شوية وقاللي هاتستلم العربية الساعه 1 ظ قلتله ماشي طبعا ماكنتش فطرت فخرجت من المركز وقولت اتمشى لغاية عمارات الفاروقية كنت عارف ان فية هناك الشبراوي طبعا ماتعرفش فيه في مصر يجي 70 محل شبراوي مانتاش عارف مين فيهم الاصلي ومين التقليد المهم رحت فطرت وطلبت واحد فول بزيت الزيتون وقرصين طعمية بالبسطرمة انما ايه حكاية وشوية سلطة خضرا الحمد لله قعدت اكل براحتى بقى مالسه بدري انا فين والساعه 1 فين خلصت اكل رحت حاسبت وروحت قعدت على القهوة هناك شكلها نضيفة كدا قلت احبس بالشاى واخدلي بالمرة حجرين معسل لزم عدل الدماغ ماهو لسة بدري كل دا والساعه لسة 11 ص وانا فين والساعه 1 فين المهم قعدت لغاية قرب الضهر رجعت للمركز لقيت المسجد اللي جنبة فتح دخلت اتوضيت وصليت تحية المسجد وقريت قران لغاية لما الظهر رفع الاذان صليت الظهر وخرجت دخلت المركز لقيت العربية في ورشة الكهربا اتعرفت على مهندس هادي كدا وشكلة ابن ناس اسمه مهندس محمد قاللي هي خلصت ميكانيكا وهانشوف تجربة على الكهربا بتاعتها وموضوع درج التابلوة دا قاللي شوية كدا ساعتها كانت الساعه 1 ظ قلت يا مسهل المهم دخلت الاستراحة لقيتها مكان واسع جدا ومكيفة بس تكييف على اده مش مكفي المكان وتليفزيون ال سي دي وقعدت كتير لغاية لما جت الساعه 2 ظ رحت لقيت العربية برة الورشة ملقيتش حد اساله شوية وظهر م/ محمد قاللي هي خلصت روح الاستقبال عشان تحاسب رحت قالولي اصل الكمبيوتر عطلان واحنا مش عارفين نقفل ال JOB قعدت مستني وكل شوية اسأل يقولولي لسة لغاية لما لقيت نمرة المركز اللي انا فية بتطلبني البنت بتاعه خدمة العملاء على موبايلي بتقوللي استاذ وليد حضرتك فين دي العربية خلصت وتعالي استلمها ضحكت وقلتلها انا قاعد في الاستقبال وكل شوية اسأل يقولولي لسة ضحكت هي كمان وقالتلي انا اسفة بس ادخل الحسابات حتلاقي الموضوع خلص روحت الحسابات قاللي دقيقيتين كنت هاطق من الغباوة امال بتكلموني ليه شوية تانيين ولقيتهم بيندهو عليا روحت لقيت الفاتورة بتتطبع الراجل قاللي 170 جنية قلتلة اشوفها لقيت التفصيل بتااعتها 85 صيانة 5000 85 جوانات واحد للشكمان والتاني لعلبة البيئة قلتله الجوانات دي مش تبع الضمان قاللي لأ دي مستهلكات دفعت الحمد لله وخرجت اجرب اول حاجة لقيتها باب التابلوة فتحتة و قفلتة لقيت النور بتاعه لسة منور طبعا اتنرفزت ورجعت للمهندس احمد تقريبا هو شاف شكلي خاف لحسن اكون الوحش المتحول فراح قايل لعم حامد بتاع الاستقبال خلية يروح لمهندس محمد بتاع ورشة الكهربا وروح معاه قوله رحت انا وهو قابلت م/محمد قلتله لو حاجة عويصة اوي كدا افصللي الفيشة بتاعه اللمبة عشان ولا تفضيلي البطارية ولا تسخن على ورقة جوة الدرج تعمللي حريقة في العربية كلمته بمنتهى الارف بصراحة لقيت واحد كهربائي طلع وعمال بيحاول في الباب ويفصل ويضبط قلتله امال انتم عملتو ايه كل دا قاللي يابية والله انا ظبتها بس مش عارف مزرجنة كدا لية المهم كنت عايز اسب واشتم مسكت نفسي واعصابي وقلتله افصل الفيشة وخلاص خلليني اتنيل امشي من هنا الخلاصة كنت باعيب على تكنو سيرفيس اسكندرية طلع تكنو سيرفيس 2 جسر السويس انيل واضل سبيل خصوصا ورشة الكهربا بالذات كل اللي بيعملوة يقعد ينور في الانوار وخلاص ولكن ورشة الميكانيكا اعتقد انهم احسن شوية لان الحمد لله الصوت اللي كان في العفشة راح واطمنت انهم زودو مية اربة المساحات وخرجت حوالي الساعه 3 عصرا من هناك ودي كانت نهاية صيانة ال 5000 الى اللقاء مع صيانة ال 10000 ان شاء الله اللي لسة مش عارف اروح اعملها فين لاني مستحيل اروح لتكنو سيرفيس 2 دا تاني خسارة كان نفسي اروح هناك تاني وااكل طعمية بالبسطرمة مرة تانية!!!!هههههههههههههه التعديل الأخير تم بواسطة walidelwahsh ; 07-09-2011 الساعة 12:00 AM 
|
|
#2
08-09-2011, 12:59 AM
|
|||
|
|||
|
رد: صيانة ال 5000 وتكنو سيرفيس 2 وطعمية بالبسطرمة !!!!!!!
ياعم الف مبروك وبصراحه احسن حاجه انك ضربت للك واحد فول وانا بس عايز اقوللك مافيش فايده فى مراكز الخدمه المشكله دايما فى الصناعيه اللى جوه انا عملت صيانه الالف فى مركز العباسيه اقسم للك بالله انا كنتت حاسس ان العربيه اتبدلت منهم جوه العربيه حرجت من جوه زى الزفت بس الحمد لله روحت بسرعه على مركز ابو رواش وبصراحه تم انقاذ مايمكن انقاذه ورجعت الحمد لله
|
|
#3
08-09-2011, 01:12 AM
|
|||
|
|||
رد: صيانة ال 5000 وتكنو سيرفيس 2 وطعمية بالبسطرمة !!!!!!!
الله يبارك فيك.....ماهو الفول هو اللي بيخللي الواحد يستحمل الغباوة بتاعة التوكيل المهم اشكرك انك اكدتلي معلومة ان مركز العباسية دا ازفت مركز صيانة كنت ناوي اروحة في صيانة ال 10000 الحمد لله وربنا يسهل ممكن اروح الصين اعملها في شيري احسن...ههههههه شكرا على المرور الكريم
|
|
#4
06-10-2011, 11:30 PM
|
||||
|
||||
|
رد: صيانة ال 5000 وتكنو سيرفيس 2 وطعمية بالبسطرمة !!!!!!!
بص يا وحش روح لمهندس محمد ابو عيون خضرا هو زوق بس خليك معاه و ماتخرجش الا لما تصلح العيب او تاخد ميعاد تانى لو فى قطعه غيار مش موجوده ساعه الصيانه بس الراجل ده زوق بجد فى تكنو سيرفس 2 عن تجربه دا غيرللى العدجادت كلهال من غير ما ادفع مليم لانها كانت شبرت وانا بغسلها
__________________
 Force Is Our Mechanism, Defense Is Our Target
|
|
#5
07-10-2011, 09:51 PM
|
|||
|
|||
|
رد: صيانة ال 5000 وتكنو سيرفيس 2 وطعمية بالبسطرمة !!!!!!!
الحمد لله انا حليت مشكلة درج التابلوه ده اللى بينور و هو مقفول
الحل بسيط فيه كوتشيتين لونهم اسود فى جسم التابلوه بيصدو الدرج لما بيقفل شيلهم الدرج هيقفل للاخر و بالتالى النور هيطفى ان شاء الله
|
 |
|
|
