|
#1
26-08-2011, 04:18 PM
|
|||
|
|||
بصراحه هل تحب مبارك ؟؟؟؟؟
 انقسم الناس في الفتره الاخيره بعد تنحي مبارك لثلاث فرق الفريق الاول يمتلئ بالفرحه ونشوه النصر .. وبعض الشماته تجاه النظام الفريق التاني راضي عن رحيل النظام ولكنه لم يكن يريد ان يخرج النظام بهذه الطريقه المذله الفريق التالت وهم غالبا المنتفعين من النظام او بعض الاشخاص عديمي الشخصيه .. الذين شعروا انهم بأختلافهم عن الباقيين يجعل هذا منهم اشخاص مميزيين .. هذا الفريق رأي ان اصلح من يحكم هذه البلد هو محمد حسني مبارك نفسه ده طبعا غباء يتحسدوا عليه بكل المقاييس والايام بتثبت كل يوم ازاي احنا كنا ساذجيين لاقصي حد وان خيرات البلد دي لا تعد ولا تحصي بدون اي مبالغه كنا بنقعد ونقرا الاخبار في العهد الماضي .. ونسمع خبر : قناه السويس تكسر الرقم القياسي الجديد في نسبه العائدات اليوميه كان الخبر ده متكرر كل اسبوع تقريبا .. وكان يستفزني ويستفز كل من يقرأه .. ولو دخلت وقرأت التعليقات ستجد فيها المصريين بيشدوا شعرهم من الغيظ والقهر اين تذهب هذه الاموال وغيرها وغيرها ؟؟؟ يدخل عليك متذاكي ويقول : بنشتروا بيها سلاح !! افتكرت الجمله دي يوم منزل الجيش لتأمين البلاد بعد انسحاب الجيش اول مشهد شاهدته هو مجموعه جنود عند احد كباري القاهره وهو بيدفعوا عربيه الجيش YouTube Video ERROR: If you can see this, then YouTube is down or you don't have Flash installed. العطلانه عرفت وقتها فعلا ان المليارات اللي بتتدفع في السلاح مراحتش هدر تسمحلي اخدك في جوله صغيره عزيزي القارئ ؟ انا عارف انك مازال بك بعض الاحترام تجاه رئيسك السابق تعالا معايا في الجوله دي ::::: حنخبط علي الباب اللي قدامنا ده فتحت الباب شابه عمرها 25 سنه .. نحيفه بادي عليها الفقر بشده : لو سمحتي الحاجه موجوده ؟ حتقولنا اتفضلوا الحاجه جوه قاعده علي الكنبه حندخل نلاقي امرأه عجوز ضريره ..  المرض نخر كل عظامها .. بعد التحيه والاطمئنان علي صحتها المتدهوره سألناها عن عائل الاسره اين هو ؟ ستجدها تخبرك انه معتقل ظلم .. ستخبرك انه مات علي ايدي الشرطه ستخبرك انه كان فقير جدا ومقدرش يستفيد من تنميه مبارك فراح اتبرع بكليته ومات بعد متبرع بيها بشهر وساب امه ومراته لمستقبلهم المظلم حتقولك انه قاعد علي القهوه بيشتغل ب 20 جنيه في اليوم نصهم بيروح علي المزاج والنص التاني ياكلوا بيه !! ستخبرك ان جوزها شغال بقاله 40 سنه في الحكومه وبياخد 500 جنيه في الشهر سيبك من البيت ده .. تعالا وشوف الشاب اللي بيتخرج من الكليه ويخلص جيشه ويبدأ يشق حياته فيلاقي نفسه وهو عنده 21 سنه انه مطالب بتوفير مبلغ 80 الف جنيه علي الاقل ليتزوج .. الحد الادني للمرتبات يا عزيزي هو 300 جنيه القضاء قال انه 1200 جنيه بس احنا حكومه بلطجيه عنجهيه فاسده انتم عارفين كده كويس حنمشيها 400 جنيه مشوا حالكم بيهم ليييييييييييييييييييييه مالقضاء قال 1200 .. انتم بتنفذوا حسب مزاجكم يا حكومه ؟ لا يا خويا عشان ميحصلش تضخم ..!! ازااااااااااااااي .. حيحصل تضخم عشان احنا بناخد مرتب يعيشنا بني ادمين عاديين امال انتم ياللي بتاخدوا الملاييين مش بيحصل بسببكم تضخم ليه ؟ ولا التضخم بتاعكم في الكرش والارداف بس ؟ لسه بتحب مبارك ؟ طيب تعالا معايا ندخل المدرسه اللي هناك دي واتفرج علي حصه الدين لو كانوا بيعترفوا بيها اساسا !! ازيك يا حبيبي اسمك ايه ؟.. اسمي وائل يا عمو ذاكرت دين يا حبيبي ؟؟ دين ايه يا عموووو ده مش علي المجموووووووع ولو فتحنا كتاب الدين حتلاقي حاجات متفصله تفصيل تعالا نخرج الشارع .. حاسب علي نفسك من البلاعات والحفر والمجاري اعرف شارع في الاسكندريه عندنا بيتسفلت كل شهر تقريبا لان المسؤولين بيعبروه يوميا .. تعالا نشوف الجرايد .. كلام غريب وغير منطقي عن الديمقراطيه والتنميه والارتقاء بمستوي معيشه الافراد والمجتمعات ونفس الكلام كان بيتقال في الخطب بتاعته اللي كنت بشك انه فاهم هو بيقول فيها ايه !! خطب دايما مستفزه واستمرت في استفزايتها لاخر لحظه في حكمه لو دخلنا مستشفي حتلاقي فيها امراض العصر كلها .. واغلبها بسبب التلوث وسوء التغذيه والاهمال في التوعيه دايما يخرج علينا ويقولنا اننا نواجه تحديات !! 30 سنه تحديات لحد مستوينا وطلع بيتحدانا احنا !!  الريس بتاعنا طلع بياخد رشاوي وبيخنصر مبالغ رهيبه من اول سنوات حكمه وهكذا انتشر الفساد لان الحاكم نفسه افسد من شعبه وعندما احسسنا بأن نهايته اقتربت بحكم السن الطاعن خرج علينا بهديه حلوه بمثابه المفاجأه .. حيسبلنا جمال ابنه المفضل !!  عشان يحكمنا ويستمر كأمتداد لمبارك .. وعشان يغطي علي فضائح والده وزور كل شئ .. انتخابات شعب وشوري فاسده مزوره لوحات في كل مكان بصوره جمال تنصيب ابنه امين عام السياسات  تهيئه كل الامور واغلاق كل الافواه ولكنهم يمكرون ويمكر الله والله خير الماكريين الشرطه قتلت خالد سعيد وغيره وغيره وغيره وانتهت بسيد ابو بلال الذي قامت الثوره بعد شهادته بأيام واصبح مبارك في موقف لا يحسد عليه وفي خلال 18 يوم انتهت اسطوره الدوله البوليسيه وانتهي تاريخ مبارك نفسه وتكلل بأكاليل العار وتم شطب اسمه من كل مكان وحرق صوره وانكشفت كل يوم الاعيبه وخدعه لشعبه ماذا كان يريد من الدنيا بعد كل هذا ؟؟؟؟؟ كان يعيش سلطان وشعبه اغلبه جعان القليل فقط كان يعيش حياه كريمه ومن يقبل السرقه والفساد يحصل علي نصيبه والغالبيه الباقيه لا تجد اي شئ لو كنت تحب مبارك فعلا وتريد بقائه .. فأنت تستحق ان يسلط الله عليك في حياتك من هو علي شاكلته بأذن الله  
|
|
#3
26-08-2011, 06:17 PM
|
|||
|
|||
رد: بصراحه هل تحب مبارك ؟؟؟؟؟
حبيبي بدوره انا معاك قلبً وقالباً وان شاء الله هنشوف في يوم
|
|
#4
26-08-2011, 08:08 PM
|
||||
|
||||
|
رد: بصراحه هل تحب مبارك ؟؟؟؟؟
بالتاكيد من يساند مبارك فهو شخص مريض فكريا وعقليا بل متخلف وقف به الزمن عند حد معين ..... ولنرى ما سيبينه القضاء فى الشهور القادمة فى احداث الامن المركزى سنة 1986 هل ستكون فضيحة اخرى
__________________
|
|
#5
26-08-2011, 09:53 PM
|
|||
|
|||
|
رد: بصراحه هل تحب مبارك ؟؟؟؟؟
أود أن أقول لمؤيدى مبارك
أنظروا أمامكم أنظروا إلى مستقبلكم ومستقبل أولادكم وبلدكم لقد أصبح مبارك من الماضى صفحة طواها التاريخ بمرها ومرها (طبعا ماهو ماكانش فيه حلو خالص) تعالوا نتحد لنبنى بلدنا وننهض به وإذا كنتم بعد كل هذا مازلتم متمسكين بمبارك خلاص اتفضلوا خدوه وأرحلوا أنتو وهو على أى جزيرة مهجورة وأعملوه حاكم عليكم أنتم لوحدكم هناك لأننا لن نقبل حاكم فاسد مرة أخرى كفاية كده أحنا أستوينا طوال 30 سنة حتى لو هنتعب شويه ونذوق المر كمان 5 أو 6 سنين لغاية ما نظبط بلدنا وحالنا مفيش مشكلة هنتحمل لكن من غير مبارك من غير فساد
|
 |
| أدوات الموضوع | |
|
|
