بعد قيادة العديد من السيارات تقرير فى عدة اسطر

[عبدالله منصور]

بسم الله الرحمن الرحيم
السلام عليكم ورحمة الله وبركاته

---

اكتب لكم اليوم تقرير بسيط وذلك بفضل الله بعد ان قمت بقيادة انواع كثيرة من السيارات بحكم مهنة الوالد الذى عمل بتجارة السيارات

نبدأ من الأقل حتى واعذرونى ان لم اكن موفق فى الترتيب

سيارات الفيات :

فيورا 127 : سيارة بالنسبة لثمنها رائعة جداً لاتناسب اطوال القامة وذو الاحجام الكبيرة "زى مثلاً"

السيارة موفرة جداً فى الاستهلاك بحكم الماتور الصغير ومن وجهة نظرى المتواضعة تعتبر شبابية جداً فى فئتها السعرية وقابلة للتعديلات الشبابية بشكل غير متوقع


128 :

حبيبة الملايين وانصح بيها لكل الكبار والشباب "فى حد سعرها طبعاً " ولو ان الفيورا 127 تتفوق عليها بمراحل فى نقطة التعديلات الشبابية

ال128 من وجهة نظرى المتواضعة أثبت بكتير من الفيورا على الطريق واوسع منها بمراحل وبتستحمل طبعاً استحمال غير عادى وكذلك استهلاكها للبنزين لا يذكر

131:

رائعة جداً من وجهة نظرى ويليق عليها التعديلات الشبابية بطريقة غير عادية وانا افضلها عن اختها 132 فى حجات كتير زى الوسع واستهلاك البنزين


شاهين نصر :

من رأيى افضل عربية مقارنة بالعربيات السابقة فالشاهين سيارة ولا أروع كثبات واستهلاك وقود وتعديلات شبابية وصالونها ممتاز جداً دا غير ان الفتيس بتاعها عالى ودا مريح فى النقل جداً



بيجو 504 : عربية قديمة بس جبارة وبتستحمل بطريقة غير هادية
لو حد له صرفه فى فانوسها الخلفى احسن مضايقنى جداً يقول وانا اقتنيها فورا
بتتقلب جاز كمان ودابيخلى مصاريفها اقل بكتير وثابتة على الطريق ومش محتاج اكلمكم عن بيجو 504 يعنى اكيد كله عارفها



وبكدا تنتهى المرحلة الاولى من السيارت
بيتفوق فيها بلا منازع الشاهين


ندخل على المرحلة التانية


ندخل فى الحجات الحليوة شوية بقى


اللانسر :

كنت ركبت لانسر موديل 88 كدا والله ماعارف لها اسم بس كنت لازم اشيد بيها وبجمالها من حيث موديلها وعلى فكرة عربية مريحة جداً واستهلاكها اكتر من رائع



لانسر عيون صفية :

عربية حلوة وتتميز بمقدمة هجومية ممتازة ولو انى متضايق جداً من خلفيتها العالية زيادة عن اللزوم

استهلاك بنزين ممتاز

يتهيألى طقم جنط وبوهية نضيفة تبقى العربية مش محتاجة اى حاجة ::لكل ملاكها::



لانسر بطة :

انا بعتبرها أقوى لانسر فى الموديلات القديمة كلها بعد الكريستالة

بصراحة عربية جبارة وشكلها شيك جداً وبتعديل بسيط فى الفانوس الخلفى تحس انك راكب عربية تانية خالص

سبويلر ع الشنطة مع نور زينون وطقم جنط يكفى جداً

استهلاكها للبنزين اللى لاحظته انه عالى شوية مقارنة باللانسر البطة ولما سألت واحد قالى ان العيب فى الرشاشات بتاعى نا لاكن العربية بحد ذاتها اكتر من ممتازة

الحقيقة بعد ماشفت لها صور معدلة او بمعنى اصح بعد تعديل الفانوس الخلفى وتركيب سبويلر عالى تبقى أفضل عربية قبل موديلات 2000 كلها تقريباً


الكريستالة :

عربية تحفة بمعنى الكلمة عيبها الوحيد انها واطية جداً يعنى بتاكل مطبات المحروسة أكل وياسلام لو معاك وزن فى العربية ولا حاجة يفضل تنزل تشيل العربية من ع المطب

الكريستالة مش محتاجة شهادتى هى عربية روعة جداً ويعيبها ارتفاع تمنها مقارنة بما يليها زى المكوارة تقريباً يعنى بتفرق الاف بسيطة جداً بإستثناء الناس العبط الى بيطلبوا فى المكواة 70 واواخر الستينات دول



المكواة :

المفضلة بالنسبة لى فى اللانسر بشكل عام
شكل وجمال وصالون ممتاز واستهلاك بنزين لايذكر
الحقيقة اى واحد معاه مبلغ خمسينى وبيفكر فى عربية انصحه بالمكواة وانا لو هركب لانسر مش هركيب غير مكواة الحقيقة
بحبها جداً العربية دى ,,ناعمة بغباء وتحفة فنية من برا وبيليق عليها التعديلات بطريقة غير عادية



البومة :

جمال مفيش بعد كدا
انفخ الكوتشات نيتروجين وتفولها 92 تحس انك راكب عربية محدش غيرك راكبها فى البلد

1600 سى سى منها استهلاكه مرتفع للبنزين من وجهة نظرى

1300 سى سى روعة جداً مع انك لو عليت التكييف شويتين وحبيت تجرى مش هتديك الثبات المطلوب بعد سرعة 130


انتهت علاقتى باللانسر عند البومة

وعن نفسى أرشح فى اللانسر المكواة



ندخل على التويوتا

بردو كنت ركبت عربية موديل 82 تقريباً بس كانت حاجة حلوة بصراحة يعنى منتهى اللذاذة والشياكة بالنسبة لسنة الصنع

استهلاك بنزين لايذكر

تعديل بسيط فى الفانوس الخلفى والشبكة الامامية وتبقى عربية حكاية


ندخل على التويوتا عيون :

جمال رهيب ولو انى اعيب على مكان فوانيش الاشارة الامامية

العربية من الخلف رائعة جداً وسحبها ممتاز وصالونها ممتاز بس للأسف مع التكييف بتحس ان العربية تقيلة جداً



تويوتا مسطرة

حبيبة قلبى ودى من وجهة نظرى اجمل عربية قبل موديلات 2000 على الاطلاق وانا بتكلم من حيث الى ركبته بردو

يعيبها ارتفاع تمنها

عربية شيك جداً لو الفوانيس جديدة ومفيش فيها مشكلة يبقى تتوكل على الله وانت مغمض



كورولا الجديدة الى هيا قبل نزول البربؤة او اللى هو الموديل ماقبل الاخير من كورولا:

اجمل من اللانسر البومة فى وجهة نظرى
راحة من الداخل اكتر من البومة من وجهة نظرى
تكييف افضل من البومة



الاوبل :

اوبل فكترا القديمة :

الحقيقة مش بحب شكلها اطلاقاً ولو انها عربية حمالة قسية زى ما بيقولوا وثابتة على الطريق لأبعد درجة ممكنة ويعيبها ارتفاع استهلاك الوقود


اوبل فكترا الشكل الجديد :

تحفة الحقيقة شكلها كمقدمة ومؤخرة ولو انى شفت لما الفانوس الخلفى بيتعدل شوية بتكون عربية حكاية

يعيبها استهلاك البنزين ايضاً


اوبل كورسا :

من اجمل السيارات الشبابية على الاطلاق ويعيبها نقص مساحة الشنطة ودا طبعاً بطبيعة حجمها لاكن عربية حكاية الحقيقة

الفانوس الخلفى لها مش لذيذ نسبياً

عربية مريحة واستهلاكها قليل للبنزين



يعيب الاوبل بشكل عام ارتفاع اسعار قطع غياره بشكل غير عادى




الخلاصة :

أقل من 10 الاف جنيه : توكل على الله وهات فيورا

مابين 10 و 20 : فيات 128

مابين 20 و 30 : شاهين موديل قديم او دوجان واحياناً بيكون فى اوبل كورسا موديل قديم بس مش بتكون مكيفة

مابين 30 و 40 : لانسر بطة

مابين 40 و 50 : الامر محير هنا شوية ولو انى ارشح الكريستالة

مابين 50 و 60 : تويوتا مسطرة , لانسر مكواة

60 وانت طالع : كورولا وبس .


اتمنى مكنش طولت عليكم واكون افدتكم ولو بقدر قليل

[عبدالله منصور]

الموضوع معجبش حد ؟؟

[abdallah91]

الموضوع جبار ... تسلم الايادى الاتنين
اقل من عشرة يجيبو فيورا !!!!!!!!!!
يبقى كدة هيجيبها ويستنى سنتين على ميحوش ثمن تصليحها؟؟؟
(

بسم الله ما شاء الله عليك يا استاذ عبدالله حضرتك لو تاجر مش هتجرب العربيات ديه كلها ههههههههه

بس اانا ملاحظ ان حضرتك مجربتش غير الايطالي في الفيات والياباني في الانسر والتويوتا


بس بجد شرح مبسط ومش مطول وجميل جدا وتسلملنا ايدك يا غالي

[muoner]

ا- عبدلله
انت ظلمت البيجو جدااااااااااااااااااااااا ااااااااااااااااااااااااا ا
انا فى راى المتواضع انها افضل سيارة بس يركب فيها تكييف وبور تكون افضل من الجديد