تجربتى مع مُبرد المياه

[أحمد فاروق سيد]

تجربتى مع مُبرد المياه

لفيت كتير وشفت أنواع وماركات
جميعها صينى ،،، يتراوح سعرها بين
300 ج إلى 1000 ج

في مُبردات مياه تعمل بالدائرة الألكترونية
وده مش مُعمره بالمره وبتكون رخيصة الثمن

والأنواع المحترمة والمُعمره هى التى تعمل بالفريون

كان واحد صاحبي أشتري مُبرد من شارع عبد العزيز
صينى طبعاً بارد ساخن فريون بثلاجة
ثمنه 625 ج بالقاروره
بس بصراحة تسقيعه معجبنيش

قلت أشتري وستنجهاوس
White-Westinghouse
لأن الناس كلها بتشكر فيه



سعره بعد لف كتير وفصال من شارع عبد العزيز
955 ج
ضمانه سنة .... ومصاريف أعتماد الضمان 75 ج
وده بقى مضيقانى قووووووووووووووووى
يعنى أيه 75 ج أعتماد ضمان ؟؟؟؟؟

المهم نرجع لموضوعنا
بعد تجربة أسبوعين بصراحة ندمت أنى جبت
ثلاجة مينى بار فى المكتب
لأنه يغنى عن الثلاجة تماماً

تسقيع ممتاز ... تسخين مياه رائع
فيه ثلاجة صغيرة كافية تماماً للحفاظ على
درجة برودة فوق المعقولة

- والآن مع الصور -

[حسام البورسعيدى]

الف مبروك يا باشا ..

وفعلا المبرد ده مفيد جدا فى الحر .. وبيغنى عن كثرة فتح وقفل الثلاجة بغرض شرب المياه ..

ده زائد انه عملى جدا فى عمل المشروبات الساخنة ...


وشكرا جزيلا يا استاذ احمد على النوع ده من المواضيع ..

تحياتى يا باشا ......

[tham1010]

مبروك يا أستاذ أحمد وشكرا على الموضوع اللى كثير لا يعرف عنه شيئ. أسال حضرتك سؤال// هو المبرد بيسحب كهرباء كتير؟ يعنى زى الثلاجة العادية أم إنه أوفر. كذلك لو الحنفية لسبب ما نزلت شوية مايه هل فى مكان تصرف فيه أ/ بينزل على الأرض؟ معلش أصلى عمرى ما شفت واحد بجد زى دة

[أحمد فاروق سيد]

المشاركة الأصلية كتبت بواسطة tham1010 مبروك يا أستاذ أحمد وشكرا على الموضوع اللى كثير لا يعرف عنه شيئ. أسال حضرتك سؤال// هو المبرد بيسحب كهرباء كتير؟ يعنى زى الثلاجة العادية أم إنه أوفر. كذلك لو الحنفية لسبب ما نزلت شوية مايه هل فى مكان تصرف فيه أ/ بينزل على الأرض؟ معلش أصلى عمرى ما شفت واحد بجد زى دة

- أستهلاك كهرباء عادى جداً لأنه بيفصل عند درجة برودة معينة
- فكرته هى فكرة عمل الثلاجة ولكنه أوفر فى أستهلاك الكهرباء