سوقييييييييييين المكرباصات

[mar mar]

يعني ايه مكروباص ويعني ايه شغل علي مكروباص ومعلش بقي انا مش هسميه مكروباص انا هسميه فقص الفراخ لان السواقين بيعملوا المكروباص مثل القفص بظبط وبيعاملنا احنا زي الفراخ بظبط يعني ماعدوش تميز خاااااااااااااالص يعني المكروباص بيشيل 10 12 شخص هو بقي بيركب علي الباب وفوق المكروباص ومن ورا ولو في مكان تحت جانب العافشه ياااااااااااااااااااااااا ااه عز الطلب ولازم يكون السواق اللي هيسوق ليه مواصفات معينه
يعني مثلا
1- لازم يكون بيشرب سجاير كوكوبترا
2- بيسمع اغنيه انا مش عارفني لعبد الباسط حموده او اي اغنيه فيها خيانه وجرح يعني الاغاني تحسسك انك عايز تزل ضرب علي قفا اللي جانبك
3- لازم بقي يرزع الفتيس واديلوا ادي
4- لازم يكسر علي كل اللي في الشارع ولو في حد بيعدي ممكن يشيلوا عادي يعني
الشارع بالنسبه للناس التانيه يعني ملكيه عامه بس ليه هو الشارع ده اخوه في الرضاعه مثلا
5- لازم يكون بيتخانق مع دبان وشه ومش طايق نفسه وممكن ينزل يتخانق مع كل اللي ركبين معاه علشان ربع جنيه ويفتشك كمان

ثانيا بقي مواصفات العربيه
1- هي اشبه ببوتيك يعني مريات كتير قال يعني الراجل بيشوف اصلا ومع ذلك بيعمل حوادث كتير اوي
2- لازم يكون في عباره بقي في الضهر المكروباص زي
ماتبصليش يا جبان انا جايبها بدهب المدام
لا تقولى بطاطس و لا بتنجان الحلوة جاية من اليابان
ما تبحلقش كده يا لوح دي جت بطلوع الروووح
سوقوا بالراحه يابهايم أصل سواق العربيه نايم
وهكذا بقي يعني تلاقي قصه حياته ع المكروباص
3- تلاقي بقي صورته وهو شافط كرشوا قال يعني مش عاندوا مع انه بكرش قدامك
او حاطت صوره عيلتوا كلها مش عارف فرحان بيها اوي كده ليه
4- ممكن بقي تلاقيه حاطت كراسي صغيره كده او جردل المياه اللي بيمسح بيه العربيه علشان يقعد عليه الناس علشان هيدفسك يعني هيدفسك
5 - علشان بقي تخرج من المكروباص العجيب اوي ده لازم تترجي من اللي براه يفتحلك علشان مافيش حاجه تفتح بيها علشان هو بيعتبر ان خروج الحمام مش زي دخولوا
يا اما تطلع راسك وايدك من الشباك علشان تعرف تفتح لنفسك

واخيرا بقي لازم تعرف ان الكروباص ده اثري واحنا بنطالب انه يتحط في المتحف لانه يعتبر من التراث لا حصل ولا هيحصل تاني

[]

[Mr.Mamo]

انا عايش كل يوم بركب ميكروباس بقالي بتاع 6 سنين اهو ( مقولكيييييييييييييييييييي يييييييييييييش علي بيحصل ) كلو كلو كوم وزعل سواق اليكروباس كوووووووووووووووووووووووو ووووووووووووووووووووم تاني -------- وكفايا كده بدل ما اسيبلكوا المنتدي كلوا وامشي //////////// ليه كده بس

[mar mar]

المشاركة الأصلية كتبت بواسطة Mr.Mamo انا عايش كل يوم بركب ميكروباس بقالي بتاع 6 سنين اهو ( مقولكيييييييييييييييييييي يييييييييييييش علي بيحصل ) كلو كلو كوم وزعل سواق اليكروباس كوووووووووووووووووووووووو ووووووووووووووووووووم تاني -------- وكفايا كده بدل ما اسيبلكوا المنتدي كلوا وامشي //////////// ليه كده بس

لا لالالالالا
ده هزار يعني ما انا كل يوم بركب مكروباص برضوا بقالي اكتر من 5 سنين بركب مكروباصات بس الواحد بيحب يهزر معاهم كده وبعدين تروح وتسيب المنتدي ليه هو المنتدي ينفع برضوا من غيرك

[akerima]

عندنا في الاسكندرية الوضع مختلف فالمكروباس يسمي بالمشروع ومعرفش اية الاسناد التاريخي لهذا الاسم لكن بيتفق في كل اللي قلتية فيما عدا انة في المعظم لا يوجد تباع يا عم سريقوسي ومابيدفس في الناس عموما عشان الاسكندرانية لسانهم مابيتوصاش + المرور عندنا لما بيمسك دفاس بيظبتة صح لكن في بعض المناطق عادي ممكن تلاقية ماشي من غير نمر ولا فوانيس ولا صاج ولا زجاج - من الخر شاسية علي عجل بدكك خشب مقعد الناس عليهم والناس للاسف مضطرة حتعمل اية يعني - والطامة الكبري التي بليت بيها الاسكندرية ما يسمي بالتمناية او التناية تمشي الاتنين وهي الاخ الاصغر للمشروع والاخ الاوسط للتوكتوك وما خفي مان اعظم والله يكون في عونا جميعا من هذا الغزو اللعين

[mar mar]

المشاركة الأصلية كتبت بواسطة akerima عندنا في الاسكندرية الوضع مختلف فالمكروباس يسمي بالمشروع ومعرفش اية الاسناد التاريخي لهذا الاسم لكن بيتفق في كل اللي قلتية فيما عدا انة في المعظم لا يوجد تباع يا عم سريقوسي ومابيدفس في الناس عموما عشان الاسكندرانية لسانهم مابيتوصاش + المرور عندنا لما بيمسك دفاس بيظبتة صح لكن في بعض المناطق عادي ممكن تلاقية ماشي من غير نمر ولا فوانيس ولا صاج ولا زجاج - من الخر شاسية علي عجل بدكك خشب مقعد الناس عليهم والناس للاسف مضطرة حتعمل اية يعني - والطامة الكبري التي بليت بيها الاسكندرية ما يسمي بالتمناية او التناية تمشي الاتنين وهي الاخ الاصغر للمشروع والاخ الاوسط للتوكتوك وما خفي مان اعظم والله يكون في عونا جميعا من هذا الغزو اللعين

ربنا يستر علي البلد من البواظان ده