|
#1
20-04-2011, 05:58 PM
|
||||
|
||||
العزل الحراري
طيب خد حته عزل ع الماشي
دلوقتي الدنيا حر قوي والشقة فيها جنب قبلي والشمس في الصيف بتسلق الواحد نعمل ايه اقولك انا لو الحيطة لسه طوب احمر تجيب فوم من عن اي حد بتاع ديكور وتجيب مسامير وتثبتها في الحيطة وتكبس عليها الفوم المسمار هيخرمه ويثبت في مكانه وتبني قدام منها حيطة تانية على ربع طوبة وتمحر وتكمل شقتك يا باشا وتنسي حاجة اسمها حر يجيبك من برة من الجنب ده بالاضافة انه عازل للصوت كمان يعمي لو الحيطة دي بتسمع من والي الجيران يعتبر عازل كويس للصوت كمان فيه ناس قالتلي على طوب حراري عازل لكن سمعت ان تكلفته اعلى وكمان فيه اماكن مش هتلاقيه لكن الفوم مترمي عند بتوع الديكور والطوب العادي موجود طيب لو الشقة متشطبة خالص والدنيا نار من الجنب ده تعمل اييييييييييييه تجيب برضة الفوم ده بيكون 3- 4- 5 سم وتجيب خشب 1 بوصة وتشقه على مقاس اكبر من الفوم نص سم يعني على 3.5-4.5-5.5 وتخرم الخشب وتجيب مسامير بورمة اطول منه شوية وتثبته في الحيط بالشنيور قطاعاات وتجيب الفوم وتحطه بين كل حتتين خشب طبعا انت عامله على مقاس الفوم بالضبط بعد ما تخلص تجيب خشب ابلكاش وتجلد بيه الجنب ده هيبقى كأنه حيطة سادة وتديها وشين معجون ووشين لون محترم باي بوية بلاستيك ماشي لاكية ماشي جليز ماشي والف مبروح يا باشا العزل الحراري طيب انت ساكن في الدور الاخير والسقف بيجيب عليك ناااااااااااار ليها حلين الحل الاول تجيب مواسير حديد وتعمل تقفيصه وتجيب مظلة بلاستيك او صاج فوق منها واهي منها تبقى قاعده ومظله وقت العصاري ومنها تحميك من الحر الحل الثاني وده عزل للرطوبة والحرارة تكنس السطح تمااااااااااااااااااااااا ام تجيب بلاك او بيتومين ( وفيه انواع مش بتحتاج تسييح دلوقتي بتجيبها وتكبها على طول وهيا بتفرد وتسيبها تشد شوية وتجيب الفوم اللي كنا بنتكلم عليه من شوية وتلزقه فرخ جنب فرخ لما تخلص خاااااااااااااالص تجيب رمل وتفرده فوق منه معاك فلوس تبلط خير وبركة مش معاك ارمي فوق منه الرمل وسيبه لكن طبعا الافضل تتبلط وبجد هتبقى حاجة جميلة جدا في الصيف تبقى قعدة تحفففففففففففففة
__________________
ولا نقول إلا ما يرضي ربنا إنا لله و إنا إليه راجعون
|
|
#2
20-04-2011, 08:40 PM
|
|||
|
|||
رد: عن تجربة - تجارب وخبرات فى شتى مناحى الحياة
كلام مظبوط مليون الميه وهو بالفعل فكره الطوب الحراري بس بيكون يا اما فوم "فلين " يا اما فراغ هوا يعني الطوبه مهياش مسمطه لا مجوفه منها تخفف وزن الحيطه و بالتالي تخفف وزن المنشا كله و منه عازل صوت و عازل حراره بس فعلا بيكون غالي و مش متوفر
|
|
#3
20-04-2011, 08:47 PM
|
||||
|
||||
رد: عن تجربة - تجارب وخبرات فى شتى مناحى الحياة
مشاركة هايلة بكل المقاييس  شقتى القديمة كانت آخر دور قبلى غربي كنت فينك من 10 سنين يا كبير
__________________
   
|
|
#4
20-04-2011, 09:29 PM
|
|||
|
|||
رد: عن تجربة - تجارب وخبرات فى شتى مناحى الحياة
الافكار دي و الطوب ده مكنش موجود في مصر من عشر سنين يا غالي ده اذا كان دلوقتي الطوب ده قليل اوي و غالي جدا وجوده عموما كلو خير و تتعوض في الشقه التانيه يا كبير
|
|
#5
20-04-2011, 10:02 PM
|
||||
|
||||
رد: عن تجربة - تجارب وخبرات فى شتى مناحى الحياة
ولا غالي ولا حاجة الموضوع كله مش هيتكلف 500 جنية للغرفة جنب الواحد ( وغالبا بتكون غرفه او اثنين في الشقة ) اللي غالي هو الطوب الحراري فرخ الفوم اخر مرة جايبه من سنتين ب 5 جنية متر × مترين ولو هتجيب كمية كبير يبقى تنزل على شركة صناعات الفوم في جسر السويس او اي شركة خامات بلاستك في العاشر او اكتوبر تجيب منهم الجنب 4 متر × ارتفاع 3 محتاج 6 أفرخ × 5 بلاش 6 لأ خليها 7 يبقى 42 جنية والجنب لو بنيت على ربع طوبة بعد الحيطة الاصلية محتاج 300 طوبة تكلفه بناء الاف النهاردة تقريبا 700 يبقى تكلفة البناء للحيطة دي تقريبا 250 جنية يعني الموضوع كله في الجنب الواحد مش مكمل 300 جنية وتنسي حاجة اسمها حر خالص في الصيف يدوب تكتفي بتشغيل المروحة العادية وفي الشتاء تنسي البرد خالص ويدوب تكتفي بالبطانية ولو شقة دور اخير صافي المساحة 100 متر محتاج 50 فرخ × 7 = 350 جنية و5 بستلات بيتومين جاهز × 100 = 500 جنية يعني 850 - 1000 جنية ياعم ولا تزعل نفسك وتنسي خالص موضوع الحر وقرفه وتنسي السطح ده نهااااااااائي رطوبة وحر ولو عاوز بقى روقان ونضافة يبقى على الاقل تبلط بلاط سنجابي اللي هو لونه رصاصي ده خلي باسم يعملهولنا ببلاش  وتعيش حياتك على السطح انت وجيرانك والاولاد يلاقو مكان يلعبو فيه والرجالة تقعد في الصيف بدل القهوة والستات يخبطوا دماغهم في الحيط  ويبقى ضربت 10 عصافير بحجر واحد الحر - البرد - النضافة - مكان للاولاد يلعبو فيه - مكان وقاعده نضيفة تقعد فيها - وفرت مصاريف الخروج والقاعدة على القهوة - علاقات اجتماعية مع جيرانك اللي انت مش عارف اساميهم اصلا - قعدت مع عيالك فترة اطول وشوفتهم قدام عينك بيلعبو ازاي وقربت منهم اكتر دي كده تكاليفه لو هيتعمل مع المباني اما لو شقة متشطبة قلنا 42 فوم وخشب ب 100 جنية وابلكاش 200 جنية ومصنعيه نجار 100 جنية يبقى الموضوع 400 جنية وتكلفة الدهان بقى على حسب وممكن تديها وش صيغة وعلبة ورنيش نوع نضيف ب 15 جنية وفرشاة ب 3 جنية ومنظره هيبقى تحفه ولا تقولي تكييف واحد حصان ولا 2 حصان ولا 10 حصان وسلملي على ابو سهيلة لا مؤاخذه يا ابو سهيلة احنا عاوزين ناكل عيش برضة ههههههههههههههههههههه
__________________
ولا نقول إلا ما يرضي ربنا إنا لله و إنا إليه راجعون
|
 |
| أدوات الموضوع | |
|
|
