سؤال للخبراء خصوصا الشيخ طارق ابو زيد

[didos]

السلام عليكم
اخى الفاضل الشيخ طارق واخوتى اعضاء المنتدى كان عندى استفسارين قلت اكيد هاتفيدونى فيهم
بالنسبة للمواتير انا دورت على النت وموقع فيات وسالت ناس وثبتلى ان كل مواتير الفيات واللادا نفس القواعد تقريبا بس كنت محتاج اتاكد من الموضوع ده عملى فبما ان حضرتك عندك المواتير دى ماشاء الله لو امكن ممكن تبصلى على القواعد عندك وتاكدلى كلامى ومش شرط كل المواتير طبعا المهم
1- موتور فيات 124 او موتور لادا
2- موتور بولونيز او 125
3- موتور شاهين او التمبرا
لو الثلاثة دول نفس القواعد يبقى فعلا فيه 25 موتور بنفس القواعد
وبالنسبة للدوجان والشاهين كان فيه ميكانيكى قاللى ان قواعدهم مختلفة هوا الكلام ده صح !!
يعنى بيقوللى ان الشاهين والدوجان موديلات قبل 96 وبعد 96 قواعدها مختلفة ؟

الطلب التانى
كنت عايز اعرف تكلفة تعديل بولونيز للشكل بتاع 1997-2000
واسعار القطع التالية
2 رفرف امامى
كبوت
اكصدام امامى
شبكة
فوانيس
تابلوه
وهل فى المرور الموضوع ده عادى ؟

وفى المرور ينفع اثبت موتور فيات فى لادا او العكس لو القواعد مطابقة ولا ميتفعش ؟

سؤال تانى بما ان البولونيز نفس عفشة ال132 الامامية هل ممكن يركب عليها باور ال132 بدون اى تعديلات ؟ ولو كده يتكلف كام وايه اللازم تركيبه ؟

هوا انا بسال على الحاجات دى لانى امكانياتى حاليا شراء 124 او لادا او بولونيز وكنت عايز اعدل علشان اخلص من عيوب العربيات دى انا شايف ان البولونيز لو اتركبلها موتور تمبرا انجيكشن هاخلص من السخونة وصوت الموتور العالى ولو عدلت الشكل هاخلص من شكلها القبيح ومع باور 132 يبقى كمان الدركسيون اتحل ويبقى فاضللى مشكلة نشوفية العفشة واحاول اتعايش معاها

معلش اسف جدا للاطالة وتعب حضرتك معايا ولك الف وان شاء الله لو حصل نصيب اشترى الحاجات دى منك

[طارق ابوذيد]

اسمح لى قبل ان اجاوبك هل من الممكن ان تعرفنى امكنياتك كام لشراء سياره ؟

[didos]

المشاركة الأصلية كتبت بواسطة طارق ابوذيد اسمح لى قبل ان اجاوبك هل من الممكن ان تعرفنى امكنياتك كام لشراء سياره ؟

هوا طبعا الاسعار بتختلف من محافظة لاخرى انما تقدر تقول من 8 ل 14 حسب التساهيل ودول لقيتهم ممكن يجيبوا مازدا 323 او لادا او بولونيز او 132 او 131 او 124 او 125 بحالات كويسة
بس النقطة ان كل عربية من دول وليها عيوب اساسية يعنى اللادا مشكلتها تقل الطارة وملص البيض وصوت الموتور الغبى والبولونيز و 125 مشكلتهم نشوفية العفشة والموتور الردئ وبرضه الطارة و132 تحفة بس موديلاتها قديمة وقطع غيارها غالية جدا واستهلاك بنزين عالى و131 مشكلة الكرونة وضيقة وهكذا

طبعا اغلب الناس قالتلى اشترى لادا خصوصا انا من اسكندرية بلد اللادا بس بصراحة مش بحبها خالص وان كانت الانسب فعلا بس لو جبتها اقل واجب علبة دركسيون 5 بلية علشان الطارة الناشفة و اغير الموتور بواحد انعم يا سلام لو بتاع التمبرا طلع ينفع

بس انا ميال للبولونيز لو ادفع 8-10 فى عربية و ال4 اشدها بيهم وابعد عن عيوبها هتريحنى جامد
هوا عاجبنى قوى موضوع موتور التمبرا لانه موديل عالى وموتور محترم قلت لو جبت بولونيز ب 9 و 2 موتور و 1.5 تغيير الشكل الامامى والباقى مصنعيات بكده اكون استفدت بعربية موديل عالى تسعينات مع موتور تمبرا وباور 132 وشكل موديلات 2001

يعنى زى ما تقول الواحد طماع شوية معايا مبلغ صغير وعايز اركب بيه احسن حاجة ممكنة

[طارق ابوذيد]

ارسلت لك الرد على الخاص والله الموفق .

[didos]

المشاركة الأصلية كتبت بواسطة طارق ابوذيد ارسلت لك الرد على الخاص والله الموفق .

يا جماعة الراجل الطيب ده من احسن الناس اللى شفتها واسع الصدر وخدوم ومبخلش عليا باى معلومة لك خالص شكرى يا شيخ طارق
على فكرة انا لما جيت ارد على اخر رسالة ظهرتلى رسالة ان صندوق الوارد عندك ممتلئ