ايه اضرار المشى بدون فلتر هواء

[maka]

عاوز اعرف اضرار المشى بدون فلتر هواء لانى بعد تجربة و مقارنة بين 3 حالات ( بدون و بالفلتر القديم و بالفلتر الجديد ) اكتشفت ان سحب العربية بيبقى اسرع بطريقة ملحوظة بدون الفلتر و بيظهر اوى على rpm عالى

و بردوه جبت فلتر جديد لقيت العربية شبه مكتومة و بدون الفلتر الاستجابة احسن

فهل فيه اضرار للكلام ده ؟؟

[sad-bird]

الفلتر بيقوم بمنع الاتربة والذرات العالقة في الهواء من الدخول للماتور
وهي مع تكونها على فترات يمكن ان تؤدي الي مشاكل في حركة البساتم وبتؤدي إلى سرعة تاكل جسم الماتور من الداخل

[مهند النجار]

الفلتر زي المصفاة بس بخروم صغيرة فاكيد كمية الهوا هتقل لما يركب او يستخدم لفترات طويلة بدون تنظيف

بس فوايده اكبر

[mesho70]

- اظن ان حضرتك معاك لانوس
- ونعرف ان للكورى سواء لانوس او هيونداى بدائل فالسوق كثيرة جدا ً
- فمن الوارد ان حضرتك ركبت فلتر سىء الصنع
- فأنصحك بشراء فلتر ماركة محترمة و يفضل ان يكون فلتر الوكيل وتجرب
- صحيح هناك مبالغة غير عادية للسعر وممكن يكون 3 اضعاف ولكنة فالنهاية افضل للسيارة
- وخاصة وانك تحتاجة كل 15 الى 20 الف كم

[maka]

اشكركم على المشاركة و انا عارف الكلام ده بس السحب الاسرع بيغرى الواحد و يخليه يعمل الحركة دى

المشاركة الأصلية كتبت بواسطة mesho70 - اظن ان حضرتك معاك لانوس - ونعرف ان للكورى سواء لانوس او هيونداى بدائل فالسوق كثيرة جدا ً - فمن الوارد ان حضرتك ركبت فلتر سىء الصنع - فأنصحك بشراء فلتر ماركة محترمة و يفضل ان يكون فلتر الوكيل وتجرب - صحيح هناك مبالغة غير عادية للسعر وممكن يكون 3 اضعاف ولكنة فالنهاية افضل للسيارة - وخاصة وانك تحتاجة كل 15 الى 20 الف كم

لا يا باشا العربية فيورا كاربيتير و جربت كذا فلتر من كذا محل لكن النتيجة واحدة

شكل الحل هيبقى فى فلتر اسبور بس خايف برده ميطلعش النتيجة اللى انا عايزها