المطر والعربيه

[xabi]

النهارده انا كنت فى مشوار بالعربيه ولحظى السيئ الدنيا كانت بتشتى جاااااامد اووووى..وكان فى بعض الاماكن الميه بتاعه المطر كان ارتفعها بيوصل لاكتر من 10 سم..المهم علشان مطولش عليكوا العربيه اتغرقت جااامد اووى من تحت وكنت بحاول انى اقلل فى السرعه على قد ما أقدر..دلوقتى وانا راجع العربيه كل ما اجى امور الفتيس الار بى ام بيعلى ويوطى بصوره ملحوطه اوووى..وبعدين تقوم العربيه مبطله والعمليه دى اتكررت اكتر من 10 مرات...مع العلم ان الحركه دى كانت بتحصل زمان والار بى ام بيعلى ويوطى مره واحده وخلاص ومكنتش العربيه بتبطل خالص..دلوقتى انا مش عارف ايه اللى حصل فى العربيه؟
معلش عندى سؤال تانى:دلوقتى وانا بركن العربيه لقيت والفتيس ممور عادى وانا بدوس دبرياج سمعت صوت جاى من تحت العربيه كل لما ادوس ذى صوت تزيئقه كده كل لما اضغط على الدبرياج؟
معلش انا طولت اووى عليكم بس الموضوع ده قلقنى جدا..

[hulck2000]

شوف يا باشا .انا حقولك على الخطوات الصحيحه لتلافى المشكله وهى بسيطه ان شاء الله

1. انت تروح اى مشحمه نظيفه وتخليهم يغسلوا العربيه من تحت بالجاز وبخاصه على المساعدين الخلفيين والسوست.
2. تجيب عبوة WD40وده علبه رش اسبراى مانع للصدأ وللاحتكاك وتقوم راشش على سوست رجلاش الدبرياش واكسلتير البنزين من داخل دواسة العربيه .
3. تعمل ريستارت لكمبيوتر العربيه ازاى ,بسيطه تفتح الكابوت وتحل كابل بطارية العربيه بواسطة مفتاح الربط , وتنتظر لمدة دقيقه ثم تعيد توصيل كابلات البطاريه .

ملحوظه (اوعى تعمل تلامس بمفتاح الربط بين قطبى البطاريه والا حتتكهرب وتعمل قفله , يعنى تحل كل كابل على حده بدون ملامسة القطب الاخر .وده موضوع سهل جدا.

• ثم تقوم بعد اعادة توصيل الكابلات بادارة العربيه بس بانك تضع المفتاح بالكونتاك و تلفه حتى تضىء لمبات البيان بتابلوه العربيه وتنتظر ثوانى ثم تدير الماتور وتخلى العربيه دايره ثوانى ثم تبطلها .وتكرر عملية ادارة المحرك 3 مرات .
• طيب ايه فايدة الكلام السابق ( احيانا كمبيوتر العربيه بيهنج فلابد من عمل ريستارت له عن طريق الخطوات السابقه)
• وان شاء الله بعد اتباع الخطوات السابقه المشكله تتحل وده عن تجربه فى عربيتى الالنترا مانيوال موديل 2010.
• يا سلام بقى لو روحت لميكانيكى محترم وخليته ينظفلك الرشاشات والبوابه اتفرج بقى على سحب العربيه وادعيلى .

[xabi]

[Egy News]

بسيطه ان شاء الله
نضف ال Sensors
اغسل العربيه من تحت