|
|||||||
| المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور |
 |
|
|
أدوات الموضوع |
|
|||||||
| المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور |
|
|
|
أدوات الموضوع |
|
#1
28-03-2011, 12:13 PM
|
|||
|
|||
الملف ضاع في الثورة .... حد قابل المشكله دي ؟؟
السلام عليكم يا شباب المنتدي الكرام
باختصار شديد علشان ما طولش عليكم انا اشتريت عربيه من القاهرة السنه اللي فاتت ولما جيت ارخص في اسكندريه ادوني رخصه ( تصريح ) ٣ شهور بس لغايه ما الملف بتاع العربيه ييجي من الدقي الملف جه من الدقي بس ناقص ورقة الافراج الجمركي بتاعت العربيه لان العربيه قبل مرور الدقي كانت في مرور الزمالك واكيد الورقه دي في ملفها هناك المهم مش محتاج احكي انا حفيت اد ايه السنه اللي فاتت علي ما لاقيت اصل الملف اللي كان هيتعدم وصدرته من مرور الجزيرة للمرور بتاعي وراجع بقي مزقطط الكلام ده كان ٢٨ ديسمبر المهم انا رحت مرور ابيس ( المرور بتاعي ) شهر ٢ اجدد التصريح لاقيت الملف ماوصلش لانه بيروح من مرور الجزيره لمرور الدراسة ( المرور الرئيسي بالقاهرة ) وبعدين ييجي مرور محرم بك ( المرور الرئيسي بالاسكندريه ) ومحرم بيه يبعته ابيس وطبعا مرور محرم بك والدراسة اتحرقوا تماما فاكيد الملف اتحرق في واحدة منهم بما انه ماوصلش ابيس رحت لرئيس الوحده قلتله الحكايه قاللي خد تصريح المره دي كمان معلش قلتله ليه ما الملف عمره ما هحييجي لانه اتحرق انا هعيش باقي عمري بالتصريح قاللي اصل انا ما عنديش تعليمات بالحاله بتاعتك تعالي كمان ٣ شهور تكون في تعليمات جديده هل حد قابل الحاله دي قبل كده يا شباب ؟؟ وايه اللي يمنع اني آخد رخصه طالما رافع بصمات العربيه وعاملها مطابقه وعمر ما رقم فيها اتغير ؟؟ ارجو الافادة 
|
|
#2
28-03-2011, 12:42 PM
|
|||
|
|||
|
رد: الملف ضاع في الثورة .... حد قابل المشكله دي ؟؟
السلام عليكم
في واحد زميلي قابل نفس المشكله بس كان شاري من اسكندرية وعايز يرخص هنا في طنطا وملف العربيه اتحرق في مرور محرم بك وبالتالي ما عرفشي يطابق البصمه لما طلبوا منه في طنطا يعمل كده خد ورقه من مرور محرم بك او مرور تاني اتحول عليه عشان مرور محرم بك اتحرق واتوجه لطنطا و تم التعامل مع العربيه كانها زيرو(العربيه موديل 2000).... فحضرتك خد التصريح ولما يلاقوا مفيش فايده في الغالب هيعاملوها كانها زيرو و داخله ترخص اول مرة..........او اسأل اذا كان ممكن يعملوا كده معاك من الاول وخلاص.......
|
|
#3
28-03-2011, 01:28 PM
|
||||
|
||||
|
رد: الملف ضاع في الثورة .... حد قابل المشكله دي ؟؟
انا من راي الاخ شريف ودا فعلا اللي كان بيحصل عند تجديد رخص السيارات في اسكندرية عموما لان بعد الثوره المرور الوحيد اللي كان شغال هوا مرور ابيس فكانت كل اسكنرية بتجدد فية المهم ان انت تاخد تصريحك دلوقت لغاية ما ربنا يسهل ويشفولها حل
__________________
فى كل شارع فى بلادى صوت الحريه بينادى     Ashraf Kerima
|
|
#4
28-03-2011, 01:58 PM
|
|||
|
|||
|
رد: الملف ضاع في الثورة .... حد قابل المشكله دي ؟؟
تمام اوي كلامكم يا رجاله ده فعلا اللي كانوا بيقولوه للناس اللي ملفاتهم اتحرقت ومعاهم الرخص بتاعتها
لكن انا العربيه عندي ليها ملف موجود ( اللي انا جبته من الدقي ) وفيه رخص العربيه من ٢٠٠٦ لغاية النهارده لكن الملف ده ناقص الافراج الجمركي بتاع العربيه بس فهل برده لازم افحص تاني ( ما انا فاحص لسه السنه اللي فاتت وجايبلهم مطابقه من مرور القاهره وكل ده موجود في ملف العربية ) وشكرا ليكم يا شباب علي سرعة الرد وتعاونكم
|
|
|
|
