أنواع العجل الطائر فى هندسة السيارات

[samirayad]

عنوان غريب طبعا .............!!!!!!!!!!

إيه بأه موضوع ( العجل الطائر ده )

فى الحقيقه لقد ترجمت هذا المصطلح العلمى باللغه الأنجليزيه

عن مكون هام جدا ...........فى مجال محركات الأحتراق الداخلى

وخصوصا فى مجال هندسة اليسارات

___________________________

خلص قول ....وبلاش رغى كتير ( ده لنفسى طبعا )


المصطلح هو FLY -WHEEL

يعنى إيه برضه ..........؟

يعنى حدافة المكنه .............أو فلام المحرك ( كما يطلق عليه عاميا )

__________________________________

فى الواقع دور الفلام أو الحدافه فى أى محرك أحتراق داخلى هام جدا جدا

فالحدافه ( من أسمها باين أهو )

بتحدف حاجه مهمه أوى ( ومفيده للمكنه ولابد من حدف الحدافه )

فهى تعتبر مخزن للطاقه الناتجه من حريق الأسطوانات أثناء دوران المحرك

فزى ما البطاريه ...................مخزن للطاقه الكهربيه

فبرضه الحدافه ...................مخزن للطاقه الميكانيكيه

_________________________________

ولذا فأن الحدافه عباره عن عجله طائره وتتصل بنهاية عمود الكرنك من نهايته

الخلفيه بمجموعه من مسامير التجميع مع العمود ( بعزوم رباط مقننه هندسيا )

وتصنع من الفولاذ أو الحديد الزهر الرمادى المخصوص

ومن أبرز وظائفها

1- تخزين الطاقه من شوط حريق المحرك الفعال لضمان أستمرار دوران أمثل

وسلس فى الأشواط الغير فعاله من حريق المحرك

2- يثبت بها الترس الحلقى الخاص بمارش أدارة محرك السياره

3- يوضع عليها علامات ترقيم لضبط خلوص تاكيهات المحرك وقت الحاجه

كما تفيد هذه العلامات فى ضبط توقيت الأشعال وقت تجميع أجزاء المحرك

4- يركب داخلها الدبرياج بأنواعه

سواء الدبرياج الميكانيكى العادى فى المانيوال

أو الدبرياج الهيدروليكى ( محول العزم فى الأوتوماتيك )

_________________

يتبع بإذن الله

[samirayad]

Flywheel/Flexplate

كل سياره على الطريق لابد لها من دبرياج لوصل الحركه من المكنه للفتيس

من خلال حدافة المكنه ( العجله الطائره )

__________________________

فى حالة الأوتوماتيك

يركب على مكنة الأوتو حدافه مرنه ..........flexplate,

أما فى حالة السيارات المانيوال فيوجد على المكنه flywheel

ماهو الفرق بين الحدافتين .............؟

_____________________

الحدافه المرنه تقوم بتوصيل المكنه للفتيس الأوتوماتيك ....وهى عباره عن قرص

معدنى مستدير يتصل بكرنك المكنه من جهه .....ومن الجهه الأخرى بمحول العزم

الهيدروليكى للفتيس

تصنع الحدافه المرنه من ماده أرفع فى السمك من حدافة المانيوال العاديه للسماح

بتمدد محول العزم فى السرعات العاليه للمكنه

بعض الحدافات المرنه تحتوى على أسنان على قطرها الخارجى من أجل عمل

المارش الكهربائى للمكنه

لكى يتم التعشيق بين ترس المارش وبين أسنان الحدافه المرنه وبالتالى نستطيع أدارة

محرك السياره

أذا كانت سيارتك الأوتو تعمل دق خفيف ( فى صورة ضوضاء معينه )

مع دوراة المحرك فى هذه المنطقه بين محول العزم والمكنه

ربما يكون هناك شرخ أو كسر فى نسيج الحدافه المرنه

أذا توقعت هذا وتيقنت منه فأن بعض االأنواع للفتايس الأوتو مزوده بباب كشف

للسماح للفنى المتخصص للتعرف على وجود شروخ من عدمه فى نسيج الحدافه

المرنه للمكنه

ترقم أوضاع تربيط الحدافه على عمود الكرنك لضبط الوضع الصحيح لتركيب

الحدافه المرنه على نهاية عمود الكرنك

وده شكلها

____________________________________________


دى بأه الحدافه العاديه فى المانيوال

Flywheel

الحدافه العاديه ..........الأكثر قوه

تصمم الحدافات بأوزان مختلفه طبقا للتصميم الخاص بالمكنه

تستخدم الحدافات الأقل وزنا فى التصاميم التى تتطلب آداء عالى وسرعات أعلى

تستخدم الحدافه الثقيله فى القاطرات والجرارات

يلاحظ أنه من الناحيه الفنيه فأن الحدافات الثقيله تجعل عمليات النقل عبر الفتيس

أنعم وأكفأ نظرا لأنها تعمل على صيانة وتنظيم القصور الذاتى التى تتناقص

وتعمل زى حركة النط أثناء فصل الدبرياج عن المكنه من أجل عمليات النقل عبر

الفتيس

الحدافه هى المكان الذى يجمع عليه مجموعة الدبرياج وخصوصا فيما يخص ديسك

الدبرياج

ولذا فأنه عند عمل عمرات للدبرياج يجب الكشف جيدا على نعومة وأستواء وجه

الحدافه الخارجى

لأنه أحد الأوجه الأحتكاكيه الهامه والمسئوله عن نقل الحركه من المكنه لإسطوانة

الدبرياج

نكتفى بهذا القدر

ولو فيه أسئله

معاكم بإذن الله

[MOTOR HEAD]

لو سمحت عند تركيب الحدافه الرياضيهsport fly wheel (الاخف وزنا)
بدون تعديل فى المحرك
هل لها فائده ام ضرر
و لو سمحت سؤال سخصى كم المعلومات عن السيارات مصدره ايه
هل حضرتك كنت في كليه هندسة قسم سيارات مثلا و لا المعلومات دي من كتب او مركز تدريب

[samirayad]

لو سمحت عند تركيب الحدافه الرياضيهsport fly wheel (الاخف وزنا)
بدون تعديل فى المحرك
هل لها فائده ام ضرر

واضح أخى الفاضل من الموضوع

لو أستخدمت مع سياره مانيوال حدافه أخف

وارد تعملك مشاكل فنيه على المدى البعيد

و لو سمحت سؤال سخصى كم المعلومات عن السيارات مصدره ايه

كتيبات فى مجال السيارات مع معلومات من مواقع متخصصه على النت

مع تواجد خلفيه فى الهندسه الميكانيكيه والكهربيه

هل حضرتك كنت في كليه هندسة قسم سيارات مثلا

تخصصى

ميكانيكا باور

[MOTOR HEAD]

شكرا للاهتمام و الاجابات
انا حاليا فى هندسه العاشر تخصص ميكانيكا باور لكن حبى للسيارات مخلينى نفسى اتخصص
ميكانيكا سيارات اناسنه اوله تخصص فممكن اغير التخصص
فهل قسم هندسه السيارات له مجال عمل فى مصر ام لا

[samirayad]

فهل قسم هندسه السيارات له مجال عمل فى مصر ام لا

نتعشم مستقبلا

نجد تطورات كبرى فى هندسة السيارات بمصر

عموما

فيه ناس كتير تخصص سيارات وتعمل بالتوكيلات المختلفه

بس رأيى لك حاليا

خليك زى ما أنت

فقسم باور

بيديك أنطلاقه كبرى للعمل بأى مجال ميكانيكى

حتى وأن أردت للعمل بمجال السيارات

المهم هو ثقل خبرتك فى تخصص ميكانيكى معين

بعد التخرج

فعندك أنا حاليا

أعمل بالمجال البحرى على الرغم أننى لست تخصص هندسه بحريه

المقصود

أن ميكانيكا باور فرصتها للأنطلاق أكبر حاليا فى الوقت الراهن بمصر

[MOTOR HEAD]

شكرا جزيلا لحضرتك
فهمتنى ايه اللى بيحصل فى الدنيا بعد التخرج
شكرا مره تانيه