ممكن المساعدة ، عايز أركب جهاز إنذار "Two Ways"

[Walid Samy]

السلام عليكم

عايز أركب إنذار لعربيتى الكيا نيو سيراتو 2010 الفئة الثانية EX بدون ريموت ضمان الوكيل ، رحت سألت فى التوكيل لقيت عندهم نوع تعبان جدا وسعره وتركيبه 3 أضعاف السوق ، قلتلهم طيب أنا أجيب الجهاز بمعرفتى وأنتم تركبوه علشان ما اخرجش برة الضمان زى ما حصل مع أحد أصدقائى وناس تانية كتير، قالوا هو فعلا ده حصل لفترة بس وقفناها لما بدأت تظهر مشاكل وقررنا ما نركبش إلا حاجتنا بس ، وقالولى ركبوا برة بمعرفتك وهتبقى العربية فى الضمان إلا لو حصلت مشاكل فى الكهرباء بسبب التركيب وساعتها هنخرج الكهرباء من الضمان .....

وأنا سمعت عن النوع الجديد من الإنذار اللى هو "two ways" بيبقى معاه 2 ريموت واحد منهم بشاشة LCD لو حصل أى حاجة فى العربية تظهر عندك فى شاشة الريموت على شكل آلارم وأضواء تختلف باختلاف نوع الخطر على العربية ... وعرفت إن فى نوع منه اسمه SPY II وده ليه موديلات مختلفة .... ورحت سبير كار فرع التجمع الخامس وقالولى الجهاز بتركيبه 415 جنيه.

سؤالى لحضراتكم .. هل حد جرب وركب الجهاز ده ؟ ورأيكم فيه إيه يعنى بيهنج مثلا ؟ المدى بتاعه قصير؟ وهل هناك أنواع أخرى غير سباى ؟ وإيه أفضل الموديلات ؟ ورأيكم أفضل وأرخص مكان أشترى منه الجهاز ؟ وأركبه فين ؟

أعتذر كثيرا للإطالة وبرجاء الإفادة

[asaadte]

ان عندى
المدى حوالى 500 متر
فيه ريموت بشاشة والتانى لا
الجهاز من التوكيل بتاعه 330 جنيه التركيب 75 فى ادريان

[Walid Samy]

المشاركة الأصلية كتبت بواسطة asaadte ان عندى المدى حوالى 500 متر فيه ريموت بشاشة والتانى لا الجهاز من التوكيل بتاعه 330 جنيه التركيب 75 فى ادريان

شكرا لإهتمامك وردك ، ممكن أعرف فين الوكيل بتاعه علشان أشترى منه الجهاز