خبر هام لكل من يرغب فى شراء لانوس 2011

[M.TONSY]

فى البداية أنا عايز أشترى عربية
قعدت أفكر أجيب فيرنا ولا شفورليه لانوس ولا لوجان التلات عربيات بصراحة قعدو يزءزءو فى دماغى وبقيت محتار مابينهم
فروحت على معرض منصور شيفورليه اللى فى ش جامعة الدول العربية بالمهندسين دخلت المعرض قابلنى أ/أحمد غ سألته على سعر العربية قال 69990 جنيه قلتله طيب أتفرج لو سمحت عليها حطنها جوا المعرض لونها أسود الصراحة الراجل سابنى أتفرج براحتى فتحت الباب لقيت التنجيد مش بطال ولكن الخامات البلاستيك المستخدمة تعبانة موووت زى التابلوه وزراير الزجاج الكهرباء عاملة زى البلاستيك المستخدم فى لعب الاطفال الرديئة أم 2.5 جنيه اللى بتتباع على الرصيف والسقف تحس أنه معمول من الكرتون المقوى مش قماش المهم فتحت الكبوت أشوف تقفيل الموتور والحوض ذهلت!!!!!
تقفيل الموتور تعبان اوى مش زى اللى كان موجود فى الموديلات القديمة النظيفة بتاعت زمان

وشكل الموتور من الآخر كله على بعضه كدة تحس أن واحد عامله على أديه فى بير السلم
المهم أ/أحمد حب يسنجفنى فقالى ياباشا حضرتك الموتور ده كورى هى بس الخامات بتاعت الصالون اللى مصرى
تعرفوا الحاجة الوحيدة اللى لقيتها نظيفة فيها هى أيه ؟
الكاوتش ... نعم الكاوتش ماركة فريللى
والله بعد ماشوفتها جالى أحباط وزعلت على المستوى اللى أحنا وصلنا اليه
يعنى بندفع ررر أوى فى عربيات زبالة محدش بيركبها غيرنا وكمان بناخد قصاد الفلوس الكتير أوى دى أسؤ خدمة ومعاملة ده التمن ده يجيب عربية تيوتا كامرى من السعودية وتمنها 64.000 ريال سعودى
وفى النهاية أحب أقول حسبى الله ونعم الوكيل فى كل أصحاب التوكيلات الحرامية دول وفى كل واحد بيمص دم الشعب والناس الغلابة .... ولكم تحياتى وآسف على الأطالة
وأرجوا رأيكم خصوصا ما فاضليش بعد كدة غير الفيرنا!!!

[morsika]

معلش .. هو ده الوضع فى مصر و طبعا المقارنة مع عربيات الخليخ صعب جدا .. احنا عندنا جمارك و ضريبة مبيعات و افلام سوده تغلى اى حاجة .. بس العربية مش سيئة اوى كده على فكرة

[samirayad]

قابلنى أ/أحمد غ سألته على سعر العربية قال 69990 جنيه

الحاجه الغريبه فى القصه دى

طيب ماكانوا

خلوها 70 ألف

على الأقل

علشان مفيش فكه اليومين دول

[Saif eldien]

اقولك على شى مهم العربية هى هى بتاعت الدايو متغيرش فيها اى شى يمكن كل ال اتغير انة استعمل خامات اقل زى الكلبسات وبعض الكمليات الغير اساسية انما العربية
كماتور وعفشة وصاج هو هو بتاع زمان وعن تجربية العربية مش هقول عليها كويسة انما معقولة مقارنتا باعربيات كثيرة وعلى فكرة العربية دة بقت عملة زى 128 بتاعت مصر
ولو رجنعنا بزاكرة ورا شوية هنفتكر مصنع النصر لما بدا يجمع العربية دة جديدة وكان سعرها 39 الف والناس قالت ازاى 128 تبقى بالسعر دة
فالعربية الانوس الان بقت هى عربية الشعب وفعلا حمالة اسية وقع غيار رخيصة
كمان مينفعش نقارن بعربيات خارج مصر نهائيا اقراء شوية فى قسم الجمارك وانت هتعرف جمارك العربيات كام والمشكلة تبداء من الجمارك
وصدقنى الماتور هو هو من ساعت مالعربية كانت دايو واقولك على مثال تانى سر لو فكيت علبية ماء البيضاء بتاعت تزويد ماء الريداتير هتجد العلبة عليها حفر علامة دايو القديمة الى الان مع موديلات 2010 اما بخصوص 2011 لسة معرفش

[MmFFoR]

انا فعلا قارنت ما بين الشيفروليه لانوس و الدايوو لانوس! بصراحه مفيش مجال للمقارنه خاااااااااااااااااااالص! من بره الشطل واحد من جوه وش منصور الحقيقي بيبان بوضوح! شخصيه معندهاش ضمير خالص!!!! سرقة عيني عينك