العودة   مصر موتورز مجتمع السيارات > تعديل السيارات والاكسسوارت > تعديلات رفع الاداء

تعديلات رفع الاداء car performance tuning - قسم خاص بتعديلات رفع أداء السيارة من محرك وأجهزة تعليق وفرامل الخ ...


Auto Paint سمكرة ودهان نتعامل مع شركات التأمين

ابحث فى مصر موتورز ؟



إضافة رد
 
أدوات الموضوع
قديم 22-11-2010, 01:49 AM   #1
عصام غنايم
 
الصورة الرمزية عصام غنايم
 
رقم العضوية : 6022
تاريخ التسجيل : Jan 2009
مكان الإقامة : دمياط
عدد المشاركات : 524
عدد النقاط : 8504
هواياتي : صيانة وتعديل السيارات
التخصص العملى : تصميم الموبليا
الخبرات: تصميم الموبليا , صيانة وتعديل السيارات
قوة التقييم : عصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond repute
جهات الاتصال :

عصام غنايم غير متواجد حالياً


أوسمة العضو
لاتوجد أوسمة لـ عصام غنايم
افتراضي تعديل المواتير بين الواقع والخيال


ناس كتير محتاره نفسها ترفع من اداء مواتير سياراتها ومش عارفين يبدأوا منين وايه اللى بيرفع القدره بجد وايه اللى اونطه وشكل ملفت وصوت عالى وخلاص
ايه اللى يستاهل ادفع فيه فلوس وايه اللى مايستاهلش

لذلك

قررت انى اعمل موضوع اوضح فيه كل التعديلات الممكنه للمواتير ومدى تأثير كلاٌ منها ومدى ايجابيته العمليه

بسم الله نبدأ

اكتر تعديلين يرفعوا القدره لأى محرك هما

1 التيربو والسوبر شارجر


ودول فكرتهم تتلخص فى ضغط الهواء الداخل للبساتم يعنى بالبلدى كده ( الموتور الاستوك عباره عن واحد بياكل براحته اما الموتور المتربن عباره عن واحد بياكل بس فيه حد قاعد يدفس الاكل فى زوره ) فعند تساوى وقت الاكل مين فيهم هيكون اكل كميه اكبر ؟

وطبعاٌ الاكل الاكتر بيدى طاقه اكبر

من ناحية العمليه فهو عملى بدرجه كبيره عند استخدام تيربو مناسب لحجم موتورك

فالتيربو ذو الضغط العالى مع محرك صغير بيؤدى الى انهيار سريع للمحرك ( زى واحد بنيانه ضعيف وبياخد منشطات هيحصله ايه ؟ )

لذلك انا انصح بيه لمن يريد زيادة قدرة محركه



2 النيتروس

وده عباره عن غاز مكون من ذرة نيتروجين وذرتين اوكسجين عند درجة حرارة الجو بيبدأ بالتفكك وذرات الاوكسوجين بتبقى حره ونشطه ومستعده للتفاعل والاندماج مع اى ماده تقابلها واللى بتكون فى الوقت ده الوقود فناتج التفاعل ده بيكون انفجارى الى حد ما + ان التفاعل ده بيخرج كميه كبيره من الطاقه وده السبب ان النيتروس لا يمكن استخدامه الا على عدد دورات عالى نسبياٌ لان لو الموتور اخد شحنة نيتروس على RPM منخفض بيكون الناتج انفجار المحرك فوراٌ

لذلك لا احبه ولا اعتبره من التعديلات العمليه لزيادة القدره لخطورته الشديده

اى غلطه فى توصيله او استخدامه نتائجها كارثيه + تكلفته تركيبه العاليه + احتياجه للشحن بعد استخدامه ( وغالباٌ فترة استخدامه لا تتعدى الدقائق لمعدوده فى المره الواحده )

اذن فهو غير عملى

ولا انصح بيه اى شخص يريد ان يرفع قدرة محركه



التعديل الفعال من بعد التيربو والنيتروس

هو

استبدال كومبيوتر العربيه بأخر رياضى

وهو وضع كومبيوتر رياضى للعربيه يستفيد من كل ذرة وقود داخله للمحرك والاستفاده القصوى من تصميم المحرك فى اخراج قدره اكبر

بغض النظر عن

1 استهلاك البنزين
2 المعايير البيئيه
3 العمر الافتراضى للمحرك

والتعديل ده برغم تكلفته الا انه فعال ولو لاقيت كومبيوتر رياضى لعربيتك توكل على الله واشتريه

التعديل ده فعال

وانصح به



كمان الريمابنج ( REMAPING )


او تعديل سوفت وير الكومبيوتر الموجود بالعربيه فعلاٌ

وده له ناس متخصصه نادرين اوى فى مصر والغلطه بموته يعنى غلطه يبقى الكومبيوتر راح

لازم اللى يعمله يبقى محترف اوى لخطورته

لذلك لا انصح بيه



كمان من التعديلات الخاصه بكومبيوتر العربيه

اضافة شبايه رياضيه

بمعنى ان كتير من كومبيوترات العربيات الحديثه بيبقى فيه مكان لأضافة شبايه لرفع الاداء ودى كل وظيفتها انها بتضحك على كومبيوتر العربيه فبتاخد كل القرايات اللى جايه من مختلف الحساسات وتفبركها علشان الكومبيوتر يدى قرارت ملهاش علاقه بوضع العربيه الفعلى بل بوضع مثالى يخرج عنده كل امكانيات الموتور فى حدود الاستخدام الآمن

تعديل جايز لو لاقيت الشبايه المناسبه لموتور عربيتك من مكان موثوق منه



اما بالنسبه للفلتر الرياضى

فطبعاٌ كلامى هيتعارض مع تفكير ناس كتير بس لازم اقول رأيى فيه بصراحه

فاشل فى رفع القدره ويمكن فى اغلب الاحوال بيضيع الاداء خالص

ازاى الكلام ده ؟؟؟؟!!!!!!!!!

هبسطهالكم

لو حابب تشد مع حد او تجمع بسرعه تعمل ايه ؟

تدوس الادواسه للآخر فجأه وتفضل دايس عليها ولا تدوس شويه شويه بس بسرعه

طيب ليه لما دوست الدواسه للآخر العربيه اتخنقت واتنيلت على عينها

بكل بساطه

لانك قضيت على سحب البساتم للهواء فتحت البوابه على اللآخر فدخل كمية هواء اكبر من قدرة المحرك على تصريفها فبالتالى المحرك بيتخنق

بالبلدى كده واحد بيشرب وبيبلع براحته وفجأه رحت قالب الكوبايه كله فى بوقه ايه اللى هيحصل ؟
اكيد هيشرق وهيتوقف تماماٌ عن البلع

لذلك الشركات المصنعه للسيارات عند تطويرها للكربراتير لتزويد ادائه
لم تكبر بوابته
بل اضافة بوابه اخرى
وايضاٌ لم تجعل البوابتين يفتحوا فى نفس الوقت ( لنفس الفكره السابق شرحها )
بل جعلت البوابه الثانيه تفتح عند السرعات العاليه فقط عند احتياج الموتور لها وعند قدرته على تصريف الكميات الكبيره من الهواء والوقود الداخله ليه

طيب ايه علاقة كل الدش اللى فات ده بموضوع فلتر الهواء الرياضى ؟!

العلاقه بينهم وثيقه لأن الفلتر الرياضى على السرعات المنخفضه بيدخل كمية هواء اكبر من قدرة استيعاب المحرك وبالتالى بيخنق المحرك وبخاصه لو حبيت تقرص مش هتلاقى غير صوت البساتم وهيه بتقول حرام انا بشرق بس بصوت عالى

لذلك انا لما بقابل عربيه مركبه فلتر رياضى بشد قصاده وانا مطمن انى هضحك عليه وبخاصه فى التجميع حتى لو كان موتوره اكبر من موتورى

طيب ليه الناس متخيله انه افضل لرفع القدره من الفلتر العادى للعربيه ؟

بكل بساطه لانهم بيقرنوه بالفلتر بتاعهم المسدود والمليان اتربه قبل تركيب الفلتر الاسبور و بالفلتر الاسبور السالك

انما لو قارنا فلتر جديد استوك بفلتر جديد اسبور

هنلاقى الاستوك افضل فى الاداء وفى استهلاك البنزين

طبعاٌ الكلام ده عن طريق دراسه والكثير من التجارب العمليه

لذلك لا انصح بيه لمن يريد رفع قدرة سيارته



تعديل الاكسوست او دايرة العادم

فى التعديل ده بنغير جميع مواسير ووصلات وعلب الشكمان بأخرى ذات مقاس اكبر ومصنوعه من الاستلنس المطلى بالنيكل كروم

ليه ؟

1 علشان الموتور يقدر يخرج العوادم بسرعه ويدخل خليط جديد

2 الاستنلس بيسخن بسرعه فبيؤدى وظيفتين مهمين
A طرد جزء كبير من الحراره الناتجه عن الاشتعال فى غرف الحريق
B تحويل اول اكاسيد الكربون السامه الى ثانى اكوسيد الكربون الغير سام

ده طبعاٌ غير الشكل والصوت المميزين

وانا لا انصح بهذا التعديل

ليه تانى ؟!!!!!!!

1 اولاٌ مكلف اوى
2 لازم حسابات تكبير مقاسات المواسير تكون مظبوطه وألا اللى يبزيد عن حده ينقلب لضده
وبيضيع اداء الموتور نتيجه لغياب الباك بريشر
3 نتيجة رفعه لقدرة السياره بسيطه اوى ولا توازى تكافته وتعبه



الاستبدال

وفيه بنستبدل اجزاء الموتور الداخليه بأخرى رياضيه

مثل

( بساتم اكبر , كامات الرياضيه , وش سلندر 16 صباب 2 كامه , ريداتير اكبر , الخ )

بيرفع كتير فى الاداء

ولاكن

انت وحظك يا تصيب يا تخيب ( زى بالظبط نتيجة عمرة الموتور )

لو اتعملت صح تظبط الكلام بس لو غلط هتزعل اوى

الموضوع مكلف ومتعب وشغله كتير لذلك

لا انصح به



خراطة ترس الفولام

من التعديلات المؤثره فعلاٌ

الفكره هنا انك بتخرط ترس الفولام من الناحيه الداخليه المواجهه للموتور فبلتالى وزنه بيقل جامد فبيبقى استجابة الموتور اسرع وايضاٌ الموتور انعم

ولاكن فيه مشكله

لازم بعد الخراطه الترس يتعاير على مكنة ترصيص حساسه اوى لان اى ذرة عدم توازن ممكن لاقدر الله تكسر الموتور او على الاقل تخلى فيه اهتزاز غير مرغوب فيه

لذلك لا انصح بيه

طيب ايه تانى فى التعديلات الخاصه بالمواتير



تغيير الرشاشات برشاشات ذات سعه اكبر

غير عملى لانك لو غيرت الكومبيوتر هتلاقى نفس النتيجه ويمكن افضل لانك هتطول زمن فتح الرشاش انما مش هتوسع فتحاته

لا انصح بيه لو لوحده

انما لو مع تيربو يبقى ماشى الحال


غيره



طرمبة بنزين ذات ضغط اكبر

لو لوحدها ملهاش تأثير فعال لأن الموتور متعاير على ضغط الطرمبه الراكبه عليه

فلو زودنا ضغط الطرمبه بدون تصريف مناسب من كومبيوتر العربيه فكده هنأثر بالسلب على عمر الرشاشات

لذلك لا انصح بيه



تركيب موبينه ذات خرج فولطيه اعلى

لو الموبينه عندك سليمه مش هتحتاج ابداٌ للخطوه دى وهتبقى تكلفه على الفاضى ذى ( لمبة البيت عندك منوره على 220 فولت زى الفل طيب لو خليناهم 440 هتنور اكتر ؟ )

اكيد لا بس هتتحرق

لذلك لا انصح بهذا التعديل



تركيب سلوك بوجيهات رياضيه

فكرته تقليل الفاقد فى التيار المار بالسلك عن طريق تخفيض المقاومه النوعيه للتيار المختلفه بأختلاف خامة السلك ومدى نقائه من الشوائب الممانعه لمرور التيار بالسلك وايضاٌ تكبير مقطه السلك لنفس الغرض

كلام زى الفل

بس نيجى بقى لأرض الواقع

1 نلاقى ان الكلام ده يبقى باين ومؤثر فى الفولتيه المنخفضه ( زى مثلاٌ اشارة النت ) مش فى ال 20000 الف فولت الخارجين من الموبينه

2 الكلام ده فعلاٌ يبان لما يكون التيار سوف يمر فى مسافات كبيره من السلوك انما لما يكون اطول سلك عندك طوله 70 سم فأكيد مش هتحس بتأثير خالص

يبقى طقم سلوك بوجيهات اصلى خاص بموتورك يغنى عن القصه دى

يبقى برده

لا انصح بهذا التعديل



تركيب بوجيهات رياضيه

ناس كتير لما تحب تعدل تركب بوجيهات 2 او 3 او 4 شمعه ظناٌ منها انها بتحرك احسن

او يركبوا بوجيهات سبيلت فاير او ngk بلاتنيوم او ايريديوم

كل ده اونطه

طيب ليه

لان كل موتور متعاير ادائه على بوجيه معين بطول معين بمدى حرارى معين بمقاومه معينه وبالكثير من المتغيرات المكتوبه على هيئة رموز على البوجيه وكل رمز له معنى وله دلاله تختلف بأختلاف الشركه المصنعه

فكل مصنع موتور محدد خيارات محدده بالنسبه للبوجيهات التى يمكن ان تركب على موتوره وتعطى افضل اداء

فلما يبقى الموتور متصمم على اساس 1 شمعه ونحط احنا 4 شمعه نبقى بنهرج

انما بالنسبه لموضوع الايريديوم والبلاتنيوم فالموضوع مختلف

ازاى ؟

لما نيجى نركب بوجيه بلاتنيوم او ايريديوم هنجيب البوجيه المناظر لتوصيات المصنع بالنسبه للموتور يعنى كل المتغيرات ثابته ما عدا خامة القطب الموجب فقط

طيب ايه الفايده ؟

الفائده المباشره هى العمر التشغيلى الاطول + احتراق افضل من البوجيه المعيارى بنسبه بسيطه

فلذلك لا انصح بتغيير شكل البوجيه تماماٌ

انما لو بس هنغير لأيريديوم او بلاتنيوم مع الالتزام بتوصيات صانع الموتور يبقى ماش الحال

لا ضرر من ذلك





طيب بعد كل الموضوع الطويل العريض ده نستفيد ايه

او بطريقه اخرى

اللى يحب يرفع من قدرة سيارته يعمل ايه ؟

بالنسبه لانى دمياطى فطبعاٌ بيغلب على طريقة تفكيرى الناحيه العمليه + انى ملتزم بمبدأ جميل اوى هو

( لكل جنيه بتدفعه لازم تلاقى نتيجه تساويه فى القيمه او تزيد عليه شويه يبقى خير برده )

اذن انا عايز ارفع قدرة موتورى 20 حصان مثلاٌ

اعمل ايه ؟؟؟؟؟؟؟؟؟

اروح اجيب فلتر k & n اصلى + طقم سلوك اسبليت فاير + طقم بوجيهات اسبليت فاير ( كده عديت ال 1000 جنيه بدون ما تحس بنتيجه )

ولا اروح اغير دايرة عادم كامله من الرأس للديل بأخرى رياضيه ( كده 3000 جنيه او اكتر رسمى بدون احساس بالفرق اللهم شوية الصداع الى هيجولك لما تسافر بالعربيه )

ولا ايه ؟ ولا ايه ؟

الحلى الخرافى العملى الرهيب اللى انا مقولتوش فى كل ما سبق

هو



تسقيط موتور استيراد ذو عزم وقدره حصانيه اعلى

يعنى لو راكب لانسر 1300 80 حصان مثلاٌ تجيب موتور مايفك 2000 160 حصان والعب يا معلم

او على عربيتى الانوس 1500 كامه واحده 8 صباب 86 حصان

تبيع الموتور بالفتيس بالكومبيوتر ب 2000 جنيه

ونجيب موتور نوبيرا 1600 2 كامه 16 صباب 107 حصان

وتدفع 1000 جنيه فرق وتجيب الموتور بالفتيس بالكومبيوتر وتبقى زودت 20 حصان فى شغل يوم واحد ودور واجرى

ده الكلام العملى انما اركب نيتروس بكام الف واول لما اشغله الاقى البساتم بتقع من الشكمان يبقى حرام عليا


كلام التعديلات الخرافيه وزيادة الاحصنه المهلبيه اللى بنشوفها فى برامج التعديلات فده بره عند االخوجات يا ادهم مش عندنا

لان احنا لانمتلك الامكانات الماديه ولا الاجهزه المساعده ولا العماله المدربه

ده يا رجل واحد جارى عمل طقم شمبر لعربيه كرستاله عند واحد من اشهر ميكانيكية دمياط
العربيه فوتت وهى واقفه تلين

طقم شمبر

طقم شمبر

مش يركب نيتروس


طبعاٌ كل ما سبق رأى شخصى

ولا يلزم اى شخص بتطبيقه

ولاكن هو خلاصة دراسه وهوايه وتجربه

ارجو ان اكون افدتكم



واتمنى الا تنسونى من دعائكم بظاهر الغيب

بالشفاء وسعة الرزق لى ولزوجتى وأولادى
وللمؤمنين اجمعين
للمزيد من مواضيعي

 

الموضوع الأصلي : تعديل المواتير بين الواقع والخيال    
    المصدر : منتدى السيارات مصر موتورز    
    الكاتب : عصام غنايم

من اشهر مواضيع عصام غنايم في مصرموتورز
0 خلاصة الكلام فى ظبط فيشة الاوكتان ( بالصور )
0 تغيير اضائة الانوس كامله ( فوانيس + عدادات + شنطه وصالون ) بالصور
0 تغيير زيت فتيس اللانوس المانيوال بالصور
0 ظبط رجلاش الثلاثة دواسات + فرملة اليد ( بالصور )
0 طريقة تغيير زيت الفرامل بالكامل ( فرامل + دبرياش ) بالصور
0 تعديل المواتير بين الواقع والخيال
0 زحف السياره مع الفرمل ( المشكله والحل ) بالصور
0 المفيد فى عزل السياره الآكيد بالصور
0 المفيد فى تركيب الكاوتش الجديد بالصور
0 المفيد فى عزل السياره الآكيد بالصور


MasrMotors Application
ــــــــــــــــــــــــــــــــــــــــــــــــــــــــــــــــــــــــ

توقيع : عصام غنايم

ابو فارس
01006898520
اهم مواضيعى هنا

    رد مع اقتباس
قديم 22-11-2010, 02:20 AM   #2
koky_90
 
الصورة الرمزية koky_90
 
رقم العضوية : 3206
تاريخ التسجيل : Oct 2008
مكان الإقامة : حدائق القبه (بلدنا)
عدد المشاركات : 1,200
عدد النقاط : 218893
هواياتي : car وبس
التخصص العملى : طالب
الخبرات: اسعار السيارات تعديل السيارت
قوة التقييم : koky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond repute
جهات الاتصال :

koky_90 غير متواجد حالياً


أوسمة العضو
لاتوجد أوسمة لـ koky_90
افتراضي رد: تعديل المواتير بين الواقع والخيال


طبعا انا عاوز اقولك
انى قرات الموضوع كله وده نادرا لما بيحصل الحقيقه
وبحب احيك عليه بجد
ورايك يحترم الحقيقه ونحن في انتظار المزيد منك بلنسبه مواضيع التعديل لان
هى الشغل الشاغل لكثير من الناس وانا منهم طبعا
بس انت لما ذكرت انواع التعديل اعترضت على تقريبا 80% منهم
ووضحت الاسباب _ وانا معاك في حكايه النيتروس ده بلذات
وقولت اقصر واسهل واريح طريقه للتعديل هى التسقيط
بس في عربيات ملهاش موتير كبيره _ زى مثلا صنى او كيا او فيات .... الخ
وحتى لو لاقيت في موتير بتوصل لـــ10000 جينه بلفتيس والدفيره والاكلام ده

وشكر مره تانيه على الموضوع الجميل ده
( اللهم اشفى مرضنا ومرضا المسلمين اجمعين يارب)

من اشهر مواضيع koky_90 في مصرموتورز


MasrMotors Application
ــــــــــــــــــــــــــــــــــــــــــــــــــــــــــــــــــــــــ
    رد مع اقتباس
قديم 22-11-2010, 03:24 AM   #3
عصام غنايم
 
الصورة الرمزية عصام غنايم
 
رقم العضوية : 6022
تاريخ التسجيل : Jan 2009
مكان الإقامة : دمياط
عدد المشاركات : 524
عدد النقاط : 8504
هواياتي : صيانة وتعديل السيارات
التخصص العملى : تصميم الموبليا
الخبرات: تصميم الموبليا , صيانة وتعديل السيارات
قوة التقييم : عصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond repute
جهات الاتصال :

عصام غنايم غير متواجد حالياً


أوسمة العضو
لاتوجد أوسمة لـ عصام غنايم
افتراضي رد: تعديل المواتير بين الواقع والخيال



طبعا انا عاوز اقولك
انى قرات الموضوع كله وده نادرا لما بيحصل الحقيقه
وبحب احيك عليه بجد
ورايك يحترم الحقيقه ونحن في انتظار المزيد منك بلنسبه مواضيع التعديل لان
هى الشغل الشاغل لكثير من الناس وانا منهم طبعا
بس انت لما ذكرت انواع التعديل اعترضت على تقريبا 80% منهم
ووضحت الاسباب _ وانا معاك في حكايه النيتروس ده بلذات
وقولت اقصر واسهل واريح طريقه للتعديل هى التسقيط
بس في عربيات ملهاش موتير كبيره _ زى مثلا صنى او كيا او فيات .... الخ
وحتى لو لاقيت في موتير بتوصل لـــ10000 جينه بلفتيس والدفيره والاكلام ده

وشكر مره تانيه على الموضوع الجميل ده
( اللهم اشفى مرضنا ومرضا المسلمين اجمعين يارب)


بالنسبه للعربيات اللى ملهاش مواتير بديله يبقى ما باليد حيله غش على التعديل بقى

وزى ما بيقولوا الغاوى ينقط بطقيته

انما لعموم السيارات

فالتسقيط افضل حلول رفع الآداء لانه مش مكلف وكمان مش محتاج فنيات ولا خبرات عاليه زى اللى محتجاها التعديلات الاخرى

على العموم انا سعيد ان الموضوع عجبك واتمنى ان بقية مواضيعى تعجبك برضه

واللهم تقبل منك ومنى

من اشهر مواضيع عصام غنايم في مصرموتورز
0 خلاصة الكلام فى ظبط فيشة الاوكتان ( بالصور )
0 تغيير اضائة الانوس كامله ( فوانيس + عدادات + شنطه وصالون ) بالصور
0 تغيير زيت فتيس اللانوس المانيوال بالصور
0 ظبط رجلاش الثلاثة دواسات + فرملة اليد ( بالصور )
0 طريقة تغيير زيت الفرامل بالكامل ( فرامل + دبرياش ) بالصور
0 تعديل المواتير بين الواقع والخيال
0 زحف السياره مع الفرمل ( المشكله والحل ) بالصور
0 المفيد فى عزل السياره الآكيد بالصور
0 المفيد فى تركيب الكاوتش الجديد بالصور
0 المفيد فى عزل السياره الآكيد بالصور


MasrMotors Application
ــــــــــــــــــــــــــــــــــــــــــــــــــــــــــــــــــــــــ

توقيع : عصام غنايم

ابو فارس
01006898520
اهم مواضيعى هنا

    رد مع اقتباس
قديم 22-11-2010, 04:30 PM   #4
Injection
 
الصورة الرمزية Injection
 
رقم العضوية : 50157
تاريخ التسجيل : May 2010
مكان الإقامة : مصر الدور الرابع
عدد المشاركات : 1,400
عدد النقاط : 6083
هواياتي : Everything
التخصص العملى : تانية تجارة
قوة التقييم : Injection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond repute
جهات الاتصال :

Injection غير متواجد حالياً


أوسمة العضو
لاتوجد أوسمة لـ Injection
افتراضي رد: تعديل المواتير بين الواقع والخيال


يا أهلا ياباشا, أنا طبعا علقت على الموضوع مرتين ومرضيتش أكمل علشان التعليقات كترت قوى وأنا مكنتش فاهم حاجة من كتر التعليقات, ومارضيتش أتقل على حضرتك أكثر من كده.

أنا فعلا أول مرة أعرف أن اللانوس فيها ماب, شكرا على المعلومة ياباشا, أنا كنت فاكر الماف هو الأساسى فقط.


بخصوص المثال بتاع الفلتر والشفاطة, الفلتر سهل دخول الهواء بس, بس ماأزالش المقاومة تماما, وفعلا زى ماحضرتك قلت الضغط العكسى لازم وجوده, لأن ال air intake شغال بنظام pulses زى الشكمان, لكن التقلقل يحصل لو غيرنا المواسير بمواسير أكبر تأثر على مرور الهواء وتضيع ال flow بتاعه, أنما الفلتر سهل دخول الهواء لا أكثر.


وأنا مكبر المواسير فعلا, وجايب مواسير حضرتك هتتخض لو شوفتها (مركب الفلتر عند الفوج لايت) الماسورة تعبت على ما عديتها من الفتحة اللى فى الحوض , لك أن تتخيل حجمها, وعمليا العربية بتسحب وبتجرى وكل حاجة, بس أنا موافق حضرتك فعلا.


والفلتر مش غرضه الأداء بس, صوته بيعجبنى جدا, رغم أن العربية 85 حصان


وتسقيط المواتير مش وحش للدرجة دى (لو كنت وصلت لحضرتك كده من المشاركة أياها), أنا كان حلم عندى أسقط موتور ليجانزا 2000 وأتربنه وأظبطه شكمان وخراطة وأخليه يطلع فوق ال300 حصان, بس الأحلام حاجة والواقع حاجة, فلوس كتيييير علشان المشروع, ومفيش حد فاهم يقدر يعمل port and polish لوش السلندر أو حتى يوسع السلندرات نفسها والشغل ده


ومش فاكر باقى اللى كنت عايز أقوله, بس كتر خيرك ياباشا على مواضيعك الجامدة, وخاصة مواضيع ال DIY بتاعة حضرتك فى اللانوس بتعجبنى وبتفيدنى جدا.


وربنا يبارك لحضرتك فى بيعة العربية وتلاقى اللى يستاهلها. وتجيب أحسن منها كمان, شكل حضرتك بتعزها قوى.

من اشهر مواضيع Injection في مصرموتورز


MasrMotors Application
ــــــــــــــــــــــــــــــــــــــــــــــــــــــــــــــــــــــــ

توقيع : Injection

حكمة الشهر: ذاكر تنجح, غش تجيب مجموع

عذرا لقلة تواجدى بالمنتدى, تجارة بقى وأخر شهر بتاع الشغل كله.






    رد مع اقتباس
قديم 22-11-2010, 04:47 PM   #5
Bahi
 
الصورة الرمزية Bahi
 
رقم العضوية : 77488
تاريخ التسجيل : Oct 2010
مكان الإقامة : دريم لاند - 6 أكتوبر
عدد المشاركات : 889
عدد النقاط : 3375
هواياتي : الصيد البحرى - الزوارق الشراعية خاصة طراز ليزر (Laser) - الزوارق واليخوت
التخصص العملى : مدير شركة توكيلات ملاحية وشحن
قوة التقييم : Bahi has a reputation beyond reputeBahi has a reputation beyond reputeBahi has a reputation beyond reputeBahi has a reputation beyond reputeBahi has a reputation beyond reputeBahi has a reputation beyond reputeBahi has a reputation beyond reputeBahi has a reputation beyond reputeBahi has a reputation beyond reputeBahi has a reputation beyond reputeBahi has a reputation beyond repute
جهات الاتصال :

Bahi غير متواجد حالياً


أوسمة العضو
لاتوجد أوسمة لـ Bahi
افتراضي رد: تعديل المواتير بين الواقع والخيال


فعلا يا عصام بك أنا بستمتع بكل مواضيعك وغصب عنى بقرأها من أول لآخر كلمة بالرغم من عدم انتفاعى المباشر بها لأن مثلا فى حالة موضوعك دة مش حفكر أبدا أغير موتور عربيتى الأوكتافيا اللى يدوبك عامل 70 ألف وبحالتة (صيانة التوكيل لآخر لحظة) وأسقط موتور تانى مهما كان مش واثق فى حالتة 100% الا بعد التجربة ... بس والله شاهد على ما أقول مواضيعك ومشاركاتك لذيذة جدا والواحد مبيشبعش منها فجزاك الله خيرا.

من اشهر مواضيع Bahi في مصرموتورز


MasrMotors Application
ــــــــــــــــــــــــــــــــــــــــــــــــــــــــــــــــــــــــ

توقيع : Bahi

هشـــام باهـــى
اسكندرانى يعيش فى القاهرة من 14 سنة


    رد مع اقتباس
قديم 22-11-2010, 05:23 PM   #6
hossamhussein0
 
الصورة الرمزية hossamhussein0
 
رقم العضوية : 37292
تاريخ التسجيل : Feb 2010
مكان الإقامة : مصر الجديدة - القاهرة
عدد المشاركات : 346
عدد النقاط : 1900
هواياتي : العربيات
التخصص العملى : محاسب
قوة التقييم : hossamhussein0 has a brilliant futurehossamhussein0 has a brilliant futurehossamhussein0 has a brilliant futurehossamhussein0 has a brilliant futurehossamhussein0 has a brilliant futurehossamhussein0 has a brilliant futurehossamhussein0 has a brilliant futurehossamhussein0 has a brilliant futurehossamhussein0 has a brilliant futurehossamhussein0 has a brilliant futurehossamhussein0 has a brilliant future
جهات الاتصال :

hossamhussein0 غير متواجد حالياً


أوسمة العضو
لاتوجد أوسمة لـ hossamhussein0
افتراضي رد: تعديل المواتير بين الواقع والخيال


شكرا علي الموضوع الجميل

بس برضه التسقيط بيودي في داهيه لان الشاسيهات و العفشة بتختلف في الفبريكة علي حسب الموتور اللي راكب (اللانسر و الايفو مثلا) و ده ممكن يكسر لناس كثيرة عربياتهم ،،، كمان قوة الفرامل لها دور اساسي عند تسقيط المواتير

من اشهر مواضيع hossamhussein0 في مصرموتورز


MasrMotors Application
ــــــــــــــــــــــــــــــــــــــــــــــــــــــــــــــــــــــــ

توقيع : hossamhussein0

سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته

الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون

    رد مع اقتباس
قديم 22-11-2010, 08:20 PM   #7
عصام غنايم
 
الصورة الرمزية عصام غنايم
 
رقم العضوية : 6022
تاريخ التسجيل : Jan 2009
مكان الإقامة : دمياط
عدد المشاركات : 524
عدد النقاط : 8504
هواياتي : صيانة وتعديل السيارات
التخصص العملى : تصميم الموبليا
الخبرات: تصميم الموبليا , صيانة وتعديل السيارات
قوة التقييم : عصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond repute
جهات الاتصال :

عصام غنايم غير متواجد حالياً


أوسمة العضو
لاتوجد أوسمة لـ عصام غنايم
افتراضي رد: تعديل المواتير بين الواقع والخيال



يا أهلا ياباشا, أنا طبعا علقت على الموضوع مرتين ومرضيتش أكمل علشان التعليقات كترت قوى وأنا مكنتش فاهم حاجة من كتر التعليقات, ومارضيتش أتقل على حضرتك أكثر من كده.

__________________
على فكره انا اتبسطت اوى من حوارك معايا على نايل موتورز لأنك غاوى و فاهم بس استغربت لأختفائك المفاجئ



أنا فعلا أول مرة أعرف أن اللانوس فيها ماب, شكرا على المعلومة ياباشا, أنا كنت فاكر الماف هو الأساسى فقط.
اللانوس فيها

ماب وده اللى بيتحكم فى زمن فتح الرشاشات مع حساس البوابه ( يعنى بيتحكم فى البنزين )

وفيها

ماف وده اللى بيتحكم فى توقيت الشراره ( تقديم وتأخير ) مع فيشة الاوكتان

وطبعاٌ كل الحساسات بتكمل بعض

بس ما يمنعش انى ساعات اضحك على الكومبيوتر واديله قرايه من عندى ملهاش دعوه بالحساس علشان يدينى الآداء اللى انا عايزه

وبتعدى عليه وبيأكلها


بخصوص المثال بتاع الفلتر والشفاطة, الفلتر سهل دخول الهواء بس, بس ماأزالش المقاومة تماما, وفعلا زى ماحضرتك قلت الضغط العكسى لازم وجوده, لأن ال air intake شغال بنظام pulses زى الشكمان, لكن التقلقل يحصل لو غيرنا المواسير بمواسير أكبر تأثر على مرور الهواء وتضيع ال flow بتاعه, أنما الفلتر سهل دخول الهواء لا أكثر.

وأنا مكبر المواسير فعلا, وجايب مواسير حضرتك هتتخض لو شوفتها (مركب الفلتر عند الفوج لايت) الماسورة تعبت على ما عديتها من الفتحة اللى فى الحوض , لك أن تتخيل حجمها, وعمليا العربية بتسحب وبتجرى وكل حاجة, بس أنا موافق حضرتك فعلا.

والفلتر مش غرضه الأداء بس, صوته بيعجبنى جدا, رغم أن العربية 85 حصان
ماشى يا عم هنسيبلك الفلتر راكب علشان الصوت الرياضى بتاعه

مبسوط ؟


وتسقيط المواتير مش وحش للدرجة دى (لو كنت وصلت لحضرتك كده من المشاركة أياها), أنا كان حلم عندى أسقط موتور ليجانزا 2000 وأتربنه وأظبطه شكمان وخراطة وأخليه يطلع فوق ال300 حصان, بس الأحلام حاجة والواقع حاجة, فلوس كتيييير علشان المشروع, ومفيش حد فاهم يقدر يعمل port and polish لوش السلندر أو حتى يوسع السلندرات نفسها والشغل ده
ربنا يحققلك احلامك

بس

حاول يكون فى حاجه اعلى شاسيه اقوى ( رجلين تشيل المبنى الضخم بتاعك )

يعنى لما تحب تبدأ تعديلات هات BMW 318 وعدلها الى 3M والعب بقى



ومش فاكر باقى اللى كنت عايز أقوله, بس كتر خيرك ياباشا على مواضيعك الجامدة, وخاصة مواضيع ال DIY بتاعة حضرتك فى اللانوس بتعجبنى وبتفيدنى جدا.

وربنا يبارك لحضرتك فى بيعة العربية وتلاقى اللى يستاهلها. وتجيب أحسن منها كمان, شكل حضرتك بتعزها قوى.
تحت امرك

ومتنساش ان زكاة العلم تعليمه

يعنى كل واحد بيقرا كل حرف انا كتبته ( بنية افادة الناس ) فأن شاء الله بأخد عليه حسنه

وبالنسبه لعربيتى فأنا فعلاٌ بحبها اوى

لأنى تعبت فيها جامد و فكرت وعدلت فيها كتير

بس هو النصيب جه كده

وعلى العموم ربنا يبارك للى هياخدها ويحميها من العين ويديه خيرها ويكفيه شرها

وكفايه ان اللى هتبقى من نصيبه

هيدعيلى كل ما يركبها ويحس قد ايه هو معاه حاجه مميزه

ثمرة فكر ومجهود ايام وسنين

وبنا يوفق الجميع اللى ما فيه الخير

من اشهر مواضيع عصام غنايم في مصرموتورز
0 خلاصة الكلام فى ظبط فيشة الاوكتان ( بالصور )
0 تغيير اضائة الانوس كامله ( فوانيس + عدادات + شنطه وصالون ) بالصور
0 تغيير زيت فتيس اللانوس المانيوال بالصور
0 ظبط رجلاش الثلاثة دواسات + فرملة اليد ( بالصور )
0 طريقة تغيير زيت الفرامل بالكامل ( فرامل + دبرياش ) بالصور
0 تعديل المواتير بين الواقع والخيال
0 زحف السياره مع الفرمل ( المشكله والحل ) بالصور
0 المفيد فى عزل السياره الآكيد بالصور
0 المفيد فى تركيب الكاوتش الجديد بالصور
0 المفيد فى عزل السياره الآكيد بالصور


MasrMotors Application
ــــــــــــــــــــــــــــــــــــــــــــــــــــــــــــــــــــــــ

توقيع : عصام غنايم

ابو فارس
01006898520
اهم مواضيعى هنا

    رد مع اقتباس
قديم 22-11-2010, 08:32 PM   #8
عصام غنايم
 
الصورة الرمزية عصام غنايم
 
رقم العضوية : 6022
تاريخ التسجيل : Jan 2009
مكان الإقامة : دمياط
عدد المشاركات : 524
عدد النقاط : 8504
هواياتي : صيانة وتعديل السيارات
التخصص العملى : تصميم الموبليا
الخبرات: تصميم الموبليا , صيانة وتعديل السيارات
قوة التقييم : عصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond repute
جهات الاتصال :

عصام غنايم غير متواجد حالياً


أوسمة العضو
لاتوجد أوسمة لـ عصام غنايم
افتراضي رد: تعديل المواتير بين الواقع والخيال



فعلا يا عصام بك أنا بستمتع بكل مواضيعك وغصب عنى بقرأها من أول لآخر كلمة بالرغم من عدم انتفاعى المباشر بها لأن مثلا فى حالة موضوعك دة مش حفكر أبدا أغير موتور عربيتى الأوكتافيا اللى يدوبك عامل 70 ألف وبحالتة (صيانة التوكيل لآخر لحظة) وأسقط موتور تانى مهما كان مش واثق فى حالتة 100% الا بعد التجربة ... بس والله شاهد على ما أقول مواضيعك ومشاركاتك لذيذة جدا والواحد مبيشبعش منها فجزاك الله خيرا.
والله يا باهى بك انت تستاهل ال BMW X6 اللى انا مرشحهالك

بس يا ريت كان بأيدى كنت وصلتهالك لحد البيت

انت انسان محترم وتستاهل كل خير

من اشهر مواضيع عصام غنايم في مصرموتورز
0 خلاصة الكلام فى ظبط فيشة الاوكتان ( بالصور )
0 تغيير اضائة الانوس كامله ( فوانيس + عدادات + شنطه وصالون ) بالصور
0 تغيير زيت فتيس اللانوس المانيوال بالصور
0 ظبط رجلاش الثلاثة دواسات + فرملة اليد ( بالصور )
0 طريقة تغيير زيت الفرامل بالكامل ( فرامل + دبرياش ) بالصور
0 تعديل المواتير بين الواقع والخيال
0 زحف السياره مع الفرمل ( المشكله والحل ) بالصور
0 المفيد فى عزل السياره الآكيد بالصور
0 المفيد فى تركيب الكاوتش الجديد بالصور
0 المفيد فى عزل السياره الآكيد بالصور


MasrMotors Application
ــــــــــــــــــــــــــــــــــــــــــــــــــــــــــــــــــــــــ

توقيع : عصام غنايم

ابو فارس
01006898520
اهم مواضيعى هنا

    رد مع اقتباس
قديم 22-11-2010, 08:37 PM   #9
عصام غنايم
 
الصورة الرمزية عصام غنايم
 
رقم العضوية : 6022
تاريخ التسجيل : Jan 2009
مكان الإقامة : دمياط
عدد المشاركات : 524
عدد النقاط : 8504
هواياتي : صيانة وتعديل السيارات
التخصص العملى : تصميم الموبليا
الخبرات: تصميم الموبليا , صيانة وتعديل السيارات
قوة التقييم : عصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond reputeعصام غنايم has a reputation beyond repute
جهات الاتصال :

عصام غنايم غير متواجد حالياً


أوسمة العضو
لاتوجد أوسمة لـ عصام غنايم
افتراضي رد: تعديل المواتير بين الواقع والخيال



شكرا علي الموضوع الجميل

بس برضه التسقيط بيودي في داهيه لان الشاسيهات و العفشة بتختلف في الفبريكة علي حسب الموتور اللي راكب (اللانسر و الايفو مثلا) و ده ممكن يكسر لناس كثيرة عربياتهم ،،، كمان قوة الفرامل لها دور اساسي عند تسقيط المواتير
مهو اللى بيعدل صح

اولاٌ
ميفتريش يعنى متجبش عربيه موتورها 60 حصان وترفعها ل 200 حصان كده الشاسيه مش هيشيلك

ثانياٌ
اى تعديل فى الموتور لازم ولابد يصاحبه تعديل فى العفشه وتقويه للشاسيه

ثالثاٌ
الفرامل ثم الفرامل ثم الفرامل لازم قبل ما تدور هتجريها ازاى لازم تعرف هتوقفها ازاى

انا عن نفسى بأعدل الفرامل والشاسيه قبل ما أبداء اعدل فى الموتور

من اشهر مواضيع عصام غنايم في مصرموتورز
0 خلاصة الكلام فى ظبط فيشة الاوكتان ( بالصور )
0 تغيير اضائة الانوس كامله ( فوانيس + عدادات + شنطه وصالون ) بالصور
0 تغيير زيت فتيس اللانوس المانيوال بالصور
0 ظبط رجلاش الثلاثة دواسات + فرملة اليد ( بالصور )
0 طريقة تغيير زيت الفرامل بالكامل ( فرامل + دبرياش ) بالصور
0 تعديل المواتير بين الواقع والخيال
0 زحف السياره مع الفرمل ( المشكله والحل ) بالصور
0 المفيد فى عزل السياره الآكيد بالصور
0 المفيد فى تركيب الكاوتش الجديد بالصور
0 المفيد فى عزل السياره الآكيد بالصور


MasrMotors Application
ــــــــــــــــــــــــــــــــــــــــــــــــــــــــــــــــــــــــ

توقيع : عصام غنايم

ابو فارس
01006898520
اهم مواضيعى هنا

    رد مع اقتباس
قديم 22-11-2010, 08:52 PM   #10
samirayad
 
الصورة الرمزية samirayad
 
رقم العضوية : 2421
تاريخ التسجيل : Oct 2008
مكان الإقامة :
عدد المشاركات : 7,902
عدد النقاط : 38696
التخصص العملى : الهندسه الميكانيكيه والكهربيه
قوة التقييم : samirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond repute
جهات الاتصال :

samirayad غير متواجد حالياً


أوسمة العضو
لاتوجد أوسمة لـ samirayad
افتراضي رد: تعديل المواتير بين الواقع والخيال



وفيها

ماف وده اللى بيتحكم فى توقيت الشراره ( تقديم وتأخير ) مع فيشة الاوكتان

وطبعاٌ كل الحساسات بتكمل بعض
عزرا

أخى الفاضل : عصام

فالانوس غير موجود بها حساس ماف

ولكن كما تفضلت

موجود بها حساس ماب فقط ( لتعريف وحدة التحكم بحمل المحرك )

من اشهر مواضيع samirayad في مصرموتورز


MasrMotors Application
ــــــــــــــــــــــــــــــــــــــــــــــــــــــــــــــــــــــــ

توقيع : samirayad


قال رسول الله

إن الله ليملى للظالم ............حتى إذا أخذه .....لم يفلته

صدق رسول الله

___________

م/سمير

    رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 02:09 AM.


Powered by vBulletin® Copyright ©2000 - 2015, Jelsoft Enterprises Ltd.
www.MasrMotors.com ™ Copyright ©2008 - 2015
Egyptian Automotive Community
جميع الحقوق محفوظة - مصرموتورز 2008 - 2015