لادا 2015 ولا 128 و لا اولع في روحي

[zezoasd]

مسااااااااء الورد والفل علي احلي الشخصيات في كل المنتديات
سؤااااال صغير
انا قدامي لادا 2015 روسي موديل 1995
وصاحبها بيحكي في 22 هي كويسه بس انا خايف منها اسمع انها بتسخن قوي ومشكله السخونه بتاعتها صعبه انا معايا بولونيز وناوي ابيعها علشان المشكله دي فاطلع من نقره اقع في دحضيره
وقدامي 128 كذا واحده بكذا موديل احسنهم موديل 2001 ب25 ودي عايزني ارد عليه بكره
و128 موديل 98 ب23
والي يغيظك موديل 92 وعايز 23ونصف لييييييه طيااااره
انا محتار مش عارف اخد الادا ولا ال128 انا مشواري كل يوم بيدخل في 100 كيلو او 80 كيلو مش بحمل كتير بس ممكن اخد الاسره رحله كده خمش افراد الحج والحجه واخواتي 2
وممكن اجيب شويه شغل بضاعه فيها بس ده مش كتير نادرا يعني
128 ممكنت تستحمل مشواري ده ومحطش فيها بضاعه ولا اجيب الادا وانا مش فاهم موضوع البيض بتاع الدركسيون.
ياااااااااااااه دانا طولت عليكوا قوي معلش بقي انتوا مصدر الثقه الوحيد
فساعدوني الله يباركلوكوا(wh at)

[Mr Albert]

شوف يا سيدي الفاضل طبقا للكلام إللي حضرتك قولته أنا أعتقد إن اللادا هي الإختيار الأفضل طبقا هي عربية خشنة و مش ناعمة زي ال 128 لكن في التحمل هي الأفضل و ده رأيي و ربنا يوفقك في حاجة كويسة
أنا لاحظت إن أسعار ال 128 اللي حضرتك قايلها غالية فده له سبب معين و لا إيه ؟؟؟

[koashraf]

طبعاً اللادا تتحمل اكتر بس تحتاج منك الاتى انك تشحم باستمرار عشان مشكله البيضات وبالنسبه للسخونه بيتم الغاء صمام موجود على دايره التبريد وده شغلته ان يساعد فى سرعة تسخين العربيه فى البلاد البارده جدا زى روسيا طبعا احنا جو بلدنا حار فبيسبب تسخين العربيه وده مش تعديل انمايتم استبدال هذا الصمام بهيكل له فارغ من الداخل لايحتوى هذا الصمام وده بيريح دايرة التبريد تماما مع الكشف على ترموستات مروحة التبريد.

[zezoasd]

ياباشا ربنا يباركلك هي خشنه طيب هي تقيله قوي ولا ايه ؟
ومشكله البيض مش عارف ايه هي ؟
انا من اسيوط فدايا تلاقي الاسعار مش حلوه هنا نااااس كلها ماسكه في الاعالي

[zezoasd]

المشاركة الأصلية كتبت بواسطة koashraf طبعاً اللادا تتحمل اكتر بس تحتاج منك الاتى انك تشحم باستمرار عشان مشكله البيضات وبالنسبه للسخونه بيتم الغاء صمام موجود على دايره التبريد وده شغلته ان يساعد فى سرعة تسخين العربيه فى البلاد البارده جدا زى روسيا طبعا احنا جو بلدنا حار فبيسبب تسخين العربيه وده مش تعديل انمايتم استبدال هذا الصمام بهيكل له فارغ من الداخل لايحتوى هذا الصمام وده بيريح دايرة التبريد تماما مع الكشف على ترموستات مروحة التبريد.

ربنا يخليك انت كده حطيت ايدك علي الجرح اشحم باستمرار كل اد ايه؟
وممكن معلش تقربلي موضوع الكوعه ابنك الصغيررررر قوي ومش بيفهم في الكوعات خالص
ولو صوره هبقي تعبتك علي الاخر علشان بس افهم الاخ الي ممكن يعمل الموضوع ده لو تم التوفيق بالادا