عجيب أمركم يامصريين

[عبدالله منصور]

بسم الله الرحمن الرحيم

السلام عليكم ورحمة الله وبركاته
--

موضوعى اليوم بعنوان : عجيب أمركم يامصريين

مش عاجبكم لاردار ع السريع ولا الطرق الداخلية واللى عاجبهم معترضين على السرعة

طيب خلونا نتكلم بعقل

من شوية قرأت موضوع فى قسم الاكسنت واحد عازو يجرب يقفل العداد وبيسأل على طريق مفيشش فيه ردارات

بذمتكم تقفيل العداد دا مش سورى يعنى فى اللفظ استهبال ؟؟

ياجماعة حسوا بخطورة اللى بتعملوه

لاقدر الله أى حاجة كدا ولا كدا انت ضعت

السواقة ملهاش كبير انت لو بتسوق بقالك 100 سنة معرض لكل شئ وربنا ينجينا جميعاً

ياسيدى بلاش انت راجل ملكش حل ومستحيل تخطى فى السواقة مع ان الكلام دا فعلاً هو الى مستحيل

بس لقدر الله وانت على سرعة عالية كدا الكوتش بتاعك جراله حاجة ولافرقع هيبقى ايه النظام ؟؟

خطأ من الغير هيبقى ايه النظام ؟؟ ياشباب فكروا فى نفسكم حرام عليكم والله

انا يوم ماشديت اوى على السريع جبت 120 وبقيت مضايق بعدها انى عملت كدا

انا ممكن آه ادى حتة أمريكانى ولابتاع جوا البلد كدا وخلاص على كدا دا آخرى مع انه غلط بردو

حاول تقول لنفسك وانت ماشى بالعربية ان فى ناس ماشية وراك بتراقبك وانت عاوز الناس دى تقول عليك حكيم فى السواقة ومعلم وبرنس والحجات دى كلها

مش عارف اقنعكم ازاى ان السرعة غلط والله بجد مش عارف

وفى نفس الوقت مش عاوز انزل صور لحوادث سرعة ربنا يكفينا ويكفيكم جميعاً الشر

نيجى للردار

انا بحيى وزير الداخلية على زيادة الرادارات وبحيى سيادة الرئيس اللى طالب بالتشديد على السرعة على الطريق السريع وكل الحجات دى بحييها وبرفع لها القبعة كمان

ولو بتخاف فعلاً على الاعضاء فى المنتدى زى مانا خايف عليكم كدا وعلى نفسى طبعاً انا يعنى مش فتك ماساعات بردو رجلى بتسرح وبشد شويتين وربنا يسترها بس ياجماعة محدش يقول على اماكن الردارات

لإن الواحد مننا لما يتلسع منه 150 جنيه هيحترم نفسه فى المشى بعد كدا ومش بعيد يمشى السرعة المقررة بالظبط

عن نفسى لو لقيت كلامى داخل دماغكم هقدم طلب لإدارة الموقع بحذف الموضوع اللى فيه بيقولوا على اماكن الردارات ومحدش يزعل منى لإنى عاوز مصلحتكم ليس إلا

وبالتوفيق جميعاً

[karem ali]

والله عندك حق وكلامك انا فعلن اقتنعت بيه مع انى فى اوقات بجن وبشد بل العربيه لكن والله برجع تانى اندم و احاسب نفسى وقول انا استفدت ايه يعنى خمس دقائق يعنى مش مهم وايه ياعنى ممكن انزل بدرى شويه واوصل فى نفس الميعاد و لكن فى الاخر والله ربنا هو الى بيسترها معانه
وشكرا ليك

[ابوشروق]

احييك واوايد رايك بشده فى يفطه دائما بفتكرها كل لما احب اجرى سواء على الطريق السريع اوداخل المدينه وهى لاتسرع اسرتك فى انتظارك تخيل اسرتك بدونك كيف يكون شعورك

[mostafakamal]

لك كل الحق كلامك مظبوط ميه في الميه، فغالبية الحوادث بسبب السرعة الكبيرة ورأينا اخيرا حادث الطريق الدائري 12 قتيل وعشرات الجرحي الأبرياء بسبب جنون السرعة

[محمد فيصل]

فى التأنى السلامة والعجلة الندامة مثل صحيح جدا جدا
اتفق معك فى الرأى ولكنه الشيطان الرجيم اللعين من يزين الجرى امام من يقود