|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
 |
|
|
أدوات الموضوع |
|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
|
|
|
أدوات الموضوع |
|
#1
31-10-2010, 11:03 PM
|
||||
|
||||
كيفية أستنزاف الهواء من دايرة الباور الهيدروليكى
وجود الهواء مختلطا مع زيت الباور يمثل مشكله فنيه فى ميكانيكا الموائع
حيث يؤثر على كفاءة عملية التوجيه ويصاحب ذلك 1- ضعف فى كفاءة التوجيه 2- ظهور أصوات غير مرغوبه ولها تأثير سلبى على الطلمبه حيث يؤدى التمادى فى العمل بدايرة باور تحتوى داخلها على هواء مختلطا بالزيت الى الأسراع بالتأثير على كفاءة الطلمبه والتعجيل بتلفها حيث أن كون السريان داخل الطلمبه عباره عن هواء + زيت (مع وجود هذه الحاله ) يعرض الطلمبه الى ظاهره هندسيه غايه فى الخطوره وتسمى هذه الظاهره بظاهرة السريان المذدوج داخل الطلمبات two phase flow in pumps حدوث هذا النظام من السريان داخل طلمبة الباور والأستمرار فى التنشغيل على هذه الحاله يبؤدى الى الآتى 1- أنخفاض فى كفاءة الطلمبه 2- أستهلاك الطلمبه لطاقه أكبر من المقننه من المحرك وبالتالى حدوث تقليل لقدرة المحرك 3-حدوث زنه وأصوات غير مرغوبه داخل الطلمبه نتيجة تواجد الهواء مختلطا بالزيت أيضا مع الأستمرار يؤدى ذلك الى تلف الغلاف الداخلى للطلمبه وحدوث نقر وتآكل للغلاف من الداخل نتيجة وقوع الطلمبه تحت ظاهرة التكهف الهندسى وبالتالى خلق بوش وخلل فى الخلوص بين غلاف الطلمبه والعضو الدوار داخلها مما يعنى نقص فى ضغط الطلمبه وأستهلاك طاقه أكبر من المحرك وخلل فى عملية التوجيه _________________________ __________ متى نلجأ لأستنزاف الهواء من دايرة الباور حينما يتم العمل فى أى أعمال صيانه ميكانيكيه لدايرة الباور مثل تغيير الطلمبه - تغيير قفزان - رباط قفزان على خط سحب الطلمبه فأن ذلك يؤدى الى دخول هواء خارجى ليصير الهواء مختلطا بزيت الباور الطــــــــــــريـقه 1- أدر الدركسيون الى أقصى اليسار ثم أجعل منسوب الزيت على الوضع min 2-أبدأ فى تشغيل المحرك وبعد تشغيل المحرك ووصول حرارته الى الوضع الطبيعى للتشغيل والمحرك على السلانسيه والسياره متوقفه فى مكانها أعد الأطمئنان على منسوب الزيت وقم بالتزويد (أن تطلب الأمر ) حتى الوضع min فى وعاء زيت الباور 3- قم بأدارة الدركسيون بلف الطاره من اليمين الى اليسار والعكس (العديد من المرات ) وتنك الباور مفتوح للجو الخارجى ودائما تابع ثبات منسوب الزيت على الوضع min حيث أن نقصان المنسوب فى التنك (عن هذا الوضع يكون دليلا على أستمرار خروج الهواء من الدائره ) 4- بعد التأكد من عدم نقصان الزيت مع أستمرارية التوجيه يمينا ويسارا دون الوصول الى آخر مشوار التوجيه (يمين أو شمال ) فأن هذا يعنى أنه تم بصوره تقريبيه الى حد ما بأنه تم أستنزاف كل الهواء المختلط بالزيت 5- قم بأرجاع الدركسيون الى وضعه الطبيعى فى المنتصف وأترك المحرك لمدة ثلاث دقائق دون التحرك بالسياره 6- قم بقيادة السياره لمشوار معقول للأطمئنان على كفاءة التوجيه والأطمئنان على صوت طلمبة الباور 7- حينما تطمئن لجودة الآداء أقف السياره وقم يتزويد تنك الزيت على العلامه max وكده خلص الموضوع
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#2
31-10-2010, 11:10 PM
|
||||
|
||||
|
رد: كيفية أستنزاف الهواء من دايرة الباور الهيدروليكى
التجهيزات الآزمه لأختبارالطلمبه الباور
طبعا ده مش عندنا .....أى عند بليه وأعوانه ولكن بيتم فى الأماكن التى تراعى الفنيات فى الدول المتقدمه ياريتنا كنا بنحترم العلم مثلهم لكان حالنا غير الحال إليكم الطريقه فى أحد ردودى على أحد الزملاء الذى كان يعانى من مشكله مع دايرة الباور لعيب تفويت داخلى بالأسكترا وأحنا مش عارفين هل العيب طلمبه ولا أسكترا شوف يا أستاذ : على المشكله مش فى ترجمة الكلام ....القصه كلها فى حساسية الأختبار وكفاءة تنفيذه والتجهيزات المطلوبه لأجراء الأختبار على العموم المؤلف بيقول فى بداية كلامه أتأكد أولا من منسوب الزيت فى تنك الباور وكفاءة شد سير الطلمبه ولكى يتم أختبار الطلمبه ....عليك بالأتى 1- أفصل خرطوم طرد الطلمبه (وده الخرطوم الرفيع اللى رايح للبلف الدوار اللى داخل علبة الدركسيون ) 2- عند فصل الخرطوم من على طرد الطلمبه (ضع الخرطوم فى أناء نظيف لتجميع أى زيت موجود فى الخرطوم ) 3- حنبدأ بأه نحط عداد ضغط وبعده محبس أو بلف (تجهيزه معينه كأداة أختبار ) وممكن توفيرها بتوضيب معين 4- حنحط عداد الضغط ده بالبلف اللى بعده بين الطلمبه وخرطوم الطرد (فى المكان اللى فصلنا من عنده قبل كده ) 5- فى حالة السياره المزوده بفتيس أوتو (حنحط السيلكتور على الوضع p ) وفى حالة الفتيس العادى حنحط عصاية الفتيس على الوضع (مور ) وبعد كده حنشد فرامل اليد 6- حدور المكنه بعد التجميعه دى وبأه عندنا بلف الضغط والعداد راكبين فى دايرة الباور وتسيب المكنه على السلانسيه لحين أستقرار سرعة السلانسيه 7- حتلف الدركسيون يمين وشمال (حتى نهاية المشوار ) لرفع حرارة زيت الباور ...العديد من المرات 8- بعد ذلك ستقوم بتزويد سرعة المكنه الى 1500 لفه /ق وكملحوظه قبل الخطوه القادمه قبل ماتقفل البلف اللى بعد العداد (اللى ركبناهم على طرد الطلمبه ) بيقولك أيه وبينبهنا لو قفلت البلف أكتر من 5 ثوانى .....ممكن تبوظ الطلمبه -------------------------------- نرجع نكمل باقى الخطوات 9- والمكنه شغاله على آخر وضع كنا عنده حتففل البلف (اللى بعد عداد الضغط ) وتقرأ قيمة الضغط فى لحظه سريعه (قبل موضوع ال5 ثوانى اللى قولنا عليه ) 10- أذا كانت قيمة الضغط تقع بين 7.088 الى 8.719 كيلو باسكال أفتح البلف على طول ( زى مانبهنا قبل كده للحفاظ على الطلمبه ) 11- بعد كده حتلف الدركسيون على آخره لليمين والشمال (البلف مفتوح طبعا دلوقتى ) حتشوف قراية العداد براحتك (لأن مفيش خوف على الطلمبه دلوقتى ) لو كانت قراية العداد فى الحدود المذكوره من قبل يبقلى الطلمبه تمام وخش على الأسكترا <!-- / message --><!-- sig -->
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#3
31-10-2010, 11:58 PM
|
||||
|
||||
|
رد: كيفية أستنزاف الهواء من دايرة الباور الهيدروليكى
جزاك الله كل الخير يا بشمهندس /سمير
__________________
|
|
#4
01-11-2010, 12:16 AM
|
||||
|
||||
|
رد: كيفية أستنزاف الهواء من دايرة الباور الهيدروليكى
الله يخليك
باشمهندس : محمد ومشكور على المرور الطيب بالموضوع
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#5
01-11-2010, 04:31 AM
|
||||
|
||||
|
رد: كيفية أستنزاف الهواء من دايرة الباور الهيدروليكى
شكرا باشمهندس سمير علي المواضيع الدسمه
بجد تحف فنيه قيمه و نادره شكرا لك مره اخري
__________________
حـازم خـضـر
|
|
| أدوات الموضوع | |
|
|
