|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
 |
|
|
أدوات الموضوع |
|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
|
|
|
أدوات الموضوع |
|
#1
30-10-2010, 06:13 PM
|
||||
|
||||
قرأت لك عن حساس الماف air mass sensores
الجزء الاول :
حساسات تحديد كمية الهواء الداخل للمحرك ( أير ماس ) وظيفتها فى دواير التحكم الألكترونى تحويل كمية الهواء الداخل عبر بوابة جسم الخانق للمحرك ( بناءا على قوة الضغط على الأكسراتير ) الى أشارة فولت كهربى ........................ _ أشارة الفولت الكهربى يتم أرسالها الى وحدة تحكم المحرك من خلال سلك الأشاره .....وبالتالى تستطيع الوحده من التعرف على كمية الهواء الداخله للمحرك وطبعا ده على حسب مقدار فتحة البوابه ............... _ طيب ......ليه وحدة التحكم عاوزه تعرف كمية الهواء الداخله للمحرك ......!!!!!!!!!!!!!!!!!!! ! _ وحدة التحكم بتكون فى حاجه ماسه لمعرفة حجم أو كمية الهواء اللى داخله للمحرك لكى تتعرف على الحمل المطلوب من المحرك بناء على طلب السائق ..........حيث تقوم بعمل مايلزم من أجراءات نحو دراسة أشارة هذا النوع من الحساسات ....وعلى طول بتقوم بالتنسيق مع الدواير الألكترونيه الأخرى داخلها بالأستعانه بالعقل المدبر داخل الوحده أيضا ( الميكرو بروسيسور )............ _ ومن هنا بتبدأ أجراءات الوحده نحو مجابهة حمل ما مطلوب للسياره ........ _ بالطبع حينما تستطيع وحدة التحكم من التعرف على كمية الهواء الداخله للمحرك ( من خلال أشارة الأيرماس ) بتستطيع من تحديد كمية البنزين الازمه لحرق هذا الهواء الداخل للمحرك .......... _ أيضا من خلال معرفة كمية الهواء فأن الوحده بتستطيع تحديد زمن أرسال الشراره الى البوجيهات ............ _ أيضا حينما تتعرف الوحده على كمية الهواء بتستطيع تحديد الحمل المطلوب .....وبالتالى يتم التنسيق فيما بينها وبين وحدة التحكم فى آداء الفتيس الأوتوماتيك (أن وجد ) وبناءا عليه يتم تحديد وقت ومرحلة النقل عبر الفتيس ....... _ حساس قياس معدل سريان (حجم الهواء ) أو كمية الهواء الداخل للمحرك بيتم تركيبه مباشرة فى مواجهة مسار الهواء القادم من فلتر الهواء الى بوابة جسم الخانق ..... _ يوجد أنواع مختلفه من حساسات قياس كمية الهواء ....وهذه الأنواع بتكون حسب تصميمها وتاريخ دخولها فى دواير التحكم الألكترونى لمحركات البنزين ........ _ the vane air flow meter ....... __ يعمل هذا الحساس تحت نظرية البوتنشيومتر الكهربى ( مثل نظرية عمل حساس وضع الخانق ) على أساس تواجد لوح أو طبق فى مسار خط دخول الهواء للمحرك ومع دفع الهواء بيتم تولد أشاره الى وحدة التحكم من خلالها بتعرف كمية الهواء ......وهذا النوع له تصميمان حسب تاريخ دخوله فى دواير التحكم ........... _ ومما يميز هذا النوع أن فيشة الكهرباء له تكون بعدد / سبعة أطراف ....ويوجد فى بعض موديلات السيارات طراز فيكترا وتويوتا المنتجه فى الفتره من عام 1988 حتى 1994 ............ <!-- / message --><!-- sig -->
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#2
30-10-2010, 06:23 PM
|
||||
|
||||
|
رد: قرأت لك عن حساس الماف air mass sensores
الجزء التانى :
karmen vortex air flow meter حساس كارمن له تصميم آخر مختلف ويوجد بداخله مولد دوامات للهواء الداخل للمحرك + مرايه لعكس الصوره + وفوتو كبل كهربى ....بغرض تصوير دوامات الهواء ......وهكذا _ ومما يميز هذا النوع هو أن فيشته بخمس أطراف ................. _ النوعين عاليه بيعتبروا من الأنواع القديمه المستخدمه بغرض قياس كمية الهواء الداخل للمحرك عبر بوابة جسم الخانق ............ويمكن التعرف عليهما والتفرقه بينهما من خلال الشكل الظاهرى لكليهما ........... _ نجىء بقه للنوع المتشر حاليا الا وهو حساس المــــــــــــاف ........... mass air flow sensor هذا النوع مطبق فى العديد من أنواع السيارات ( أوبل _ تويوتا وخلافه )........ طيب ماهو حساس الماف ذو سلك التسخين .........!!!!!!!!!!!!!!!! !!! _ المكونات الأوليه لتصميم الحساس ده هى مقاوم حرارى _ سلك تسخين من مادة البلاتينيوم _ دايرة تحكم الكترونى داخل الحساس نفسه ..................... _ المقاوم الحرارى بيكون راكب فلى مواجهة سلك التسخين داخل ممر دخول الهواء لجسم الحساس ( متعلقين قبال بعض )...... _ حيث يعمل المقاوم بنظرية تغيير مقاومته مع تغيير درجة حرارة الهواء اللى جوه الحساس ...... _ سلك التسخين بيتم أمداده دايما بكهرباء عبر كتاوت الأشعال (مرورا بوحدة تحكم المحرك )......مع ملاحظة أن وظيفة المقاوم هو قياس حراره الهواء داخل الحساس وأبلاغ دايرة تحكم الحساس بحرارة الهواء من خلا التغيير فى مقاومته الداخليه ومن هنا بتطلع أشارة الحساس لوحدة تحكم المحرك ......... وبكده دايرة الحساس بتبلغ وحدة تحكم المحرك .....بقيمة التغيير فى مقاومة المقاوم الحرارى فى صورة فولت كهربى نتيجة الحراره اللى فقدت من سلك التسخين ( بسبب الهواء اللى فائت داخل الحساس ).... _ دايرة تحكم المحرك لما بتعرف التقرير ده من دايرة تحكم الحساس بتروح قافله الأتصال الأرضى جواها .....ومعديه كهرباء لسلك التسخين بقيمه معينه ........ _ يلاحظ أن التنسيق ده بيتم بين دايرة الحساس ودايرة تحكم المحرك ......ولكن فيه حاجه تانيه جوه الحساس ......منها وحدة تحكم المحرك بتعرف حرارة الهواء جوه الحساس أيضا ......... _ الحاجه دى هى حساس حرارة هواء مستقل.....بتعرف بيه وحدة التحكم للمحرك ....قيمة درجة الحراره ........علشان تعرف برضه هى حتعدى تيار قد أيه لازم للمحافظه على حرارة سلك التسخين بتاع الحساس .... _ عاوزين نشترى دماغنا شويه من الفيلم المعقد ده .......وميهمناش السيناريو ......قد مايهمنا الفيلم النهائى ........ياعنى أيه اللى يهمنا فى الموضوع ده ........ _ حساس الماف له طرفان للأتصال الأرضى فى فيشته ( أرضى الحساس نفسه + أرضى حساس الحراره المستقل اللى جواه )...... _ اللى عاوز أقوله أزاى نفحص حساس الماف .....ونعرف حالته .....لأن ده اللى يهمنا .............. _ لتشخيص كفاءة حساس الماف بيلزم الآتى .............. _ الكشف الظاهرى ..............شكله من جوه عامل أيه.......... _ فحص دايرته الكهربيه بأجهزة القياس ........... _ فحص مكونات الحساس .....مفيش حاجه تالفه وهكذا _ ممر هواء الحساس يجب أن يكون خاليا تماما من العوالق والشوائب والأتربه التى تدخل من فلتر الهواء الى المحرك بالأضافه الى أبخرة الزيوت التى تدخل عبر خط الفائظ بتاع كرتير المحرك الى مجمع دخول الهواء للمحرك........ _ أذا كان الممر مسدود جزئيا فأن المحرك سيدور بالفعل بطريقه عاديه جدا ....ولكن لن يكون الآداء سليما ..... <!-- / message --><!-- sig -->
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#3
30-10-2010, 06:32 PM
|
||||
|
||||
|
رد: قرأت لك عن حساس الماف air mass sensores
الجزء التالت :
_ حيث مع أنسداد ممر الحساس حيحدث رجرجه أو رعشه مع آداء المحرك وبالذات والمحرك ساخن وعدم أنتظام فى أستجابة المحرك للأحمال المطلوبه منه ...... _ أيضا سيكون هناك عدم أستجابه جيده من المحرك نحو الأحمال المطلوبه منه وبالذات وقت طلب التسارع والسحب ( حتيقى العربيه عامله زى البطه البلدى )......وقد يوجد مايشبه ظاهرة التنخيع أو التفتفه مع الأحمال أيضا ....... _ يلاحظ أنه سيصعب التعرف على تواجد خلل فى آداء الحساس بواسطة جهاز كشف الأعطال ( الأسكانر ).....لأنه شغال بس تعبان فى شغله .....وشغال على قد ظروفه .....علشان مسدود مثلا ...... _ أذا جزئيه فحص الحساس كل فتره عامل مهم جدا للحفاظ على آداء جيد من المحرك ...... _ هذا النوع من حساسات قياس كمية الهواء الداخل للمحرك بيكون له خمس أطراف ............. 1- طرف أمداد الحساس بالفولت الكهربى من البطاريه عبر كتاوت ( ريليه ) الأشعال مرورا بوحدة تحكم المحرك ( علشان هى اللى حتتحكم فى كمية التيار اللى رايح للحساس ) بناء على الفقد فى حرارة سلك التسخين بتاع الحساس ....... 2- طرف أتصال أرضى للحساس نفسه (أى لدايرته الألكترونيه الداخليه )...... 3- الطرف الأوسط بيكون فى العالب هو طرف الأشاره اللى رايحه من الحساس لوحدة التحكم فى صورة فولت كهربى ( خط أنتاج وحدة تحكم الحساس )..... 4_ طرف أمداد فولت قياسى أو معيارى مقنن ( 5 فولت ) لحساس قياس درجة الحراره جوه الحساس ....وده أنا سميته عين وحدة التحكم بتاعة المحرك اللى حتعرف منه هى حتبعت كهرباء قد أيه لسلك التسخين بتاع الحساس ....... 5- طرف أتصال أرضى داخل وحدة تحكم المحرك علشان تتحكم بيه فى آداء حساس الحراره المستقل............ _ فى الحقيقه هذا ما أستطعت جمعه حاليا حول هذا الموضوع الحساس .....لأنه عجبنى فعلا.....علما بأن سيارتى لاتشتمل على هذا النوع .......ولكنى حبيت أطرحه للزملاء للتحاور والأفاده لى و للأخوه ..................... _ وهاتان صورتان لأحد هذه الأنواع .....وموضح بهما شكل ملف التسخين والمقاوم الحرارى ( قبل وبعد عملية النظافه لممر الحساس )..........أشكركم ودى صوره لحساس الماف قبل النظافه  ودى صوره بعد النظافه لتحسين الآداء  أتمنى أن ينال الموضوع أعجاب مالكى السيارات المزوده بحساسات الأيرماس <!-- / message --><!-- sig -->
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#4
12-01-2011, 05:41 AM
|
||||
|
||||
|
رد: قرأت لك عن حساس الماف air mass sensores
متميز ومتفرد كالعاااادة
__________________
مــحـمــــد الـــمــسـعـــودى  Microsoft Certified Professional MCP ID#6357858 Certified Since 2008
|
|
#5
12-01-2011, 08:38 AM
|
||||
|
||||
|
رد: قرأت لك عن حساس الماف air mass sensores
الله يخليك
أخويا : محمد
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
|
|
