ماله مترو الانفاق بـ 2 جنيه وزى الفل !!

[THE_HERO2005]

السلام عليكم ورحمة الله وبركاته

معلش انى بزعجكم بمشكلتى بس مش لاقى غيركو احكيلوو.........

من قبل ما اجيب العربية الناس قلها بتقولى السواق محتاجة قلب ومحتاجه جرأة دى سهلة خالص

المهم بعد ما جبت العربية ولسة بتعلم عليها عملتلى كدا كام حدثة مرة فى رصيف ومرة فى ميكروباص ومرة فى الفتيس وصرفت كتير ... والكلام دا كلو فى 3 اسابيع ولا 4 .

بعد ما دخلت مدرسة وحسيت انى اتعلمت الاساسيات وقعد مع صحابى شوية علشان يظبطونى فى السواقة وكدا !!!
المهم لما بدات اسوق فى الشوارع والزحمة والقرف والخنقة لقيت الحوار صعب مش زى الصورة الوردية الى انا كنت متخيلها انى بكدا هوفر ووقت وفلوس .....

وكل الى قلولى ان السواقة دى عايزة قلب وجراة !! انا مش معاهم خالص انا بلعب بوكس ومصارعة بقالى سنين ولازم يكون قلبى ميت من زمان ...وقلت على كدا السواقة دى مش هتاخد معايا ماتش واحد واكون اديتها القاضية ولكن !!! لما سوقت لمدة حوالى 3 ساعات متواصلة بعد ما خرجت من العربية حسيت بالاعراض الاتية :-
1- الام فى الكتف مع العلم انى ممكن اشيل اوزان ثقيلة ويكون التحميل على كتفى الحمد لله.
2- الام فى الفك السفلى زى لسة واخد بوكس مطيرلو صف سنانو التحتانى (يمكن من كتر الضغط والكلاكسات).
3- صداع نصفى والام فى الرقبة.
4- ضيق وثقل فى التنفس مع العلم مش بشرب سجاير.
5- الام فى الركبة و العصعوصة.
6- الام عند الكعب.

كل دا كوم والام النفسية كوم تانى (عامل زى الى بقالو 50 بطولة بيخسر من الجولة الاولى)

وفكرت انى ابيع العريبة ...... بس للاسف لقيت نفسى هخسر على الاقل 6-7 الاف جنية فقولت حرام بس مش عارف !!! هتروح عند ميكانيكى وكهربائى وسمكرى >العربيات دى حوار كبير قوى<.

فعندى شعور بالندم لانى جبت العربية ومستحرم ابيعها مع العلم انى لما كنت شاريها ماكنش فيها مشاكل.

ملاحظة:
وعمال اقول لنفسى مالو المترو زى الفل وبيدونى لحد حلوان فى ساعة وكل دا ب 2 جنيه رايح جاى.

[TheSantos128]

شويه وهتظبط الاداء
مش تستعجل
على فكره اول عربيه جبتاها من اربع سنين بعد لما استلمتها بى 3 ساعات خبط النص اللى وراء
عادى يا معلم

[مصطفى محمد منصور]

لا يا باشا مش كده خالص انت شوية وتلاقي نفسك اتعودت على ده كله ده بس فى الاول وهتتخنق من الناس اللي بتمشي واعلربيات وبتوع المكروباصات لكن انت فترة بظبط ان شاء الله و تلاقي نفسك كويس بص اي حاجة صعبة فى اولها احد ما تتعود عليها دا مفيش اسهل من السواقة بس السواقة تعود اربعاسابيع او شهرين وان 6 شهور بردو ده ميعتبرش تعود لانك كل لما تسوق امتر تقابل مواقف كتير وتتغير فكرتك عن السواقة وتحبها الا اذا انت اصلا مش بتحبها لان واضح من كلامك انك بتحب البوكس اوي ومتستعحلش اصبر لحد ما تتتعلم وربنا معاك ويوفقك

[حسام البورسعيدى]

مش عارف حاسس ليه انك راكب 128 ...

يا عم حرام عليك لما السواقة وحشة امال ايه اللى حلو ...

ههههههههههه

شوف .. مع التعود كل شئ هيبقى تمام وهتلاقى نفسك بقيت شوماخر ..

وعندى ليك كام نصيحة علشان تحسن سواقتك وتسرع رد فعلك ..

1- عاوزك وانت سايق تبقى عارف ومتاكد ومقتنع ان انتا اللى بتسوق العربية مش هيا اللى بتسوقك .. يعنى انت المتحكم ..

2- متلزقش فى الدركسيون وتمسكه بايديك الاتنين مع بعض لانك كده مش هتعرف تلفه بسرعه لو فى حاجة قدامك فجأه ..

3-ادى كل غيار حقه ومتنقلش بدرى اوى او تنسى تنقل من اللبخة فى الزحمة (راجع نصيحة 1)

4- اوعى تبص للفتيس وانت بتنقل .. الشخص اللى بيسوق كويس مش بيفكر فى نقلات الفتيس كل نقله لكن بيحرك الفتيس بتلقائية ودماغه فى حاجة تانية خالص ...



وربنا يوفقك يا باشا واتمنى انك تستفيد من كلامى ...