هبونداي فيرنا مع جنط 15 ... حاجة تانية!

[SuccessCre8or]

الفيرنا زي ما معظمنا عارف بتنزل تجميع محلي بجنط حديد 13" فقط! و بها كاوتش سيئ جداً 175/70/13 ... اما نسر المصري او لاسا (التركي تقريباً) و النوعين محدش شكر فيهم

قبل كدا كنت غيرت الكاوتش على نفس الجنط ... محستش بفرق عير ان انعم و احسن في الفرامل .. لكن كثبات لأ

دلوقتي و بعد اكتر من شهرين من تركيب الجنط الـ15" و كاوتش 195/50/15 اقدر اقول بكل ثقة ان الوضع مختلف جداً

قبل كدا كان على سرعة 120 العربية خفيفة جداً جداً ... و كنت دائما بحاول اخلي سرعتي لا تتعدي ال100 لأني غير مطمئن

دلوقتي فيه تقل واضح في الدركسيون على السرعات العالية... الملفات اللي كنت مش بقدر ادخلها على 80 اصبح ممكن ادخلها دلوقتي على اكتر من 100 ...

جربت لغاية سرعة 150 كم/س و بصراحة حاسس بفرق رهيب ... عالأقل فيه فرق انك ماشي مطمئن لما تزود سرعتك

الإحساس بالمطبات زي ما هو .. يعني العربية مبقتش ناعمة ولا حاجة ..
الإحساس بخشونة الطريق زاد بوضوح (نظراً لأن الكاوتش قل في البروفايل من 70 لـ50% و زيادة عرض الكاوتش) و كان واضح اوي قبل الترصيص .. دلوقتي قل لكن موجود برضه

نصيحة لكل واحد معاه فيرنا .. لو بتطلع على طرق سريعة .. الجنوط مع الكاوتش هيفرقوا معاك اوي

ونصيحة كمان لأي حد بيفكر يركب جنوط اكبر من مقاس عربيته الأساسي... اتبع القاعدة البسيطة دي ...

زيادة في حجم الجنط 1" = زيادة 10 مم في عرض الكاوتش + نقص 10% من الـside wall aspect ratio

كدا عداد سرعتك مظبوط ان شاء الله

و دي صور للعربية بالجنط الجديد:




M.Osman

[lost2008]

بالنسبة لضغط الكاوتش يبقى 30 زى ماهوه وﻻ بيتزود؟

[SuccessCre8or]

سألت و جربت و لقيت ان 30 انسب حاجة
زي ال13 و الـ14

[Bahi]

اختيار جيد وموفق فى كل حاجة وحساباتك مظبوطة 100% لما جيت تغير مقاس الجنط والكاوتش ... الله ينور.

[MmFFoR]

انا فعلا بنصح اي حد اعرفه عنده فيرنا انه يركب جنوط 15 بوصه + سبويلر رياضي كبير + تعديل الفرامل و الطنابير باكبر ( ممكن النترا )