#1
|
|||
|
|||
ساعدونى رجاءا أنا فى حيرة شديدة وامامى حتى الغد
يا جماعة أنا متحير ودماغى مش مريحنى. أنا هشترى عربية هيونداى لافيتا اللى شبة هيونداى متركس من المنطقة الحرة بكرة. أنا شوفت عربيتين اليوم ومتحير بينهم وعاوز رأيكم كلهم وخبرتكم
العربية الأولى 200 ألف كيلو كلها فبريكة وفيها نظام ABS المانع للأنزلاق وكمان نظام TCS لتوزيع الضعط على الفرامل - وكرسى السائق فية بكرتين للتحكم فى ارتفاع الكرسى- وكمان فى لمبة للسائق واخرى للصالون - وجسم العربية فيه شوية خدوش وأحتكاكات ولكن مفيش تطبيق فى الصاج - الكاوتش عادى وفيها تكيف وبور ستيرنج وزجاج كهربائى للاربع أبواب - سمنتر لوك.. بإختصار العربية فيها كمليات كتيرة بس أستعمال شديد مأثر على البوية والظاهر السواق كان مبهدلها شغل شوية ( العربية دى ثمنها 39 الف جنية من بوق التاجر) العربية الثانية عادة يعنى مفيش فرامل ABC ولا نظام TCS والكرسى ثابت مش متحرك ومفيش نور للصالون ولكن العربية عاملة 73 الف كيلو بس والبوية بتاعتها تمام وفيها جنوط سبورت حلوة رفعة العربية شوية يعنى المنظر حلو بس الكمليات مفيش. ( العربية دى ثمنها من بوق الراجل 40 الف) لو أنتم مكانى تعملوا اية . انا هاخد ميكانيكى بكرة للكشف عليهم علشان البارومة وكدة لان عينى مش لقت بارومة فى الأثين. الأثنين هيونداى لافيتا مستوردين صناعة كورى وسنة الصنع 2001 . اختار ايهما اللى شكلها حلو ومستعملة اقل ومفيهاش اوبشنز كتير ولا أختار اللى فيها الكمليات ولكنها اقل فى المنظر وبدون جنوط سبور. ساعدونا أنا فى حيرة وامامى حتى الغد |
#2
|
|||
|
|||
رد: ساعدونى رجاءا أنا فى حيرة شديدة وامامى حتى الغد
والله انا شايف انك تحاول تختار الاقرب للهيونداي الماتريكس علشان لو حبيت تعملها اي صيانه او تجيبلها قطع غيار متلقيش نفسك تايه
|
#3
|
|||
|
|||
رد: ساعدونى رجاءا أنا فى حيرة شديدة وامامى حتى الغد
هى فى إختلاف شوية عن الماتركس من حيث ان الماتور 1500 مش 1600 وفيها 12 صباب مش 16 يعنى شوية إختلافات بس اكيد لها قطع غير لان العربية دى بتتباع منها كثير فى المناطق الحرة ولسة هتكتر كمان
|
#4
|
رد: ساعدونى رجاءا أنا فى حيرة شديدة وامامى حتى الغد
رأيي اصبر شويه لحد ما تلاقي عربيه تانيه حالتها احسن
__________________
حـازم خـضـر
|
#5
|
||||
|
||||
رد: ساعدونى رجاءا أنا فى حيرة شديدة وامامى حتى الغد
,وانا متفق مع استاذ حازم العربيات دى مش اللقطة اللى تستاهل تخلص فيها على طول
|
|
|