مطلوب مساعدتكم شباب مصر محتار بين كم عربية وعندى كم سؤال

[عبدالله منصور]

بسم الله الرحمن الرحيم

السلام عليكم ورحمة الله وبركاته

---

شباب انا اخوكم مطلع رخصة جديد ان شاء الله

لاكن بقود من فترة تزيد عن عامين والحمد لله تعالى لى خبرات سابقة داخل المدن وعلى الطريق السريع

وناوى بإذن الله اشترى عربية اروح بيها الجامعة وكدا السنة دى

محتار بين 3 عربيات طبعاً عشان السعر مقيدنى مش اكتر لاكن لو عليا كنت اخدت السيراتو وانا مغمض

فى سبرانزا a113

هيونداى i10

كيا بيكانتو

شيفروليه سبارك

---

طبعاً كلهم عشان سعر الزيرو بتاعهم يعتبر جيد مقارنةً بالاسعار

اولاً انا استخدامى للعربية جوا البلد وهسافر بيها كمان ان شاء الله هسافر للجامعة وهسافر كمان مصايف وحجات من دى يعنى بإختصار محتاج عربية تكون بتستحمل

وياريت اعرف منكم اسعار الكم عربية اللى قولت عليها فوق ^^ وياريت المانيوال والاتوماتيك لو فى اتوماتيك منهم

ياريت كمان تفيدونى بواحد يكون بيقسط كويس اوى مع العلم انى فى المحلة الكبيرة << مش كبيرة اوى يعنى ,, لو حد قريب من المحلة تعرفوه او فى المحلة يبقى شغاااال


عندى كم سؤال بقى

العربية اللى حضراتكم هترشحوهالى وليكن مثلاً هيونداى i10 تقبل تعديلات شبابية ؟

مع العلم ان التعديلات اللى بفكر فيها كالتالــ(ت)ـــاتى ( على فكرة انا من اصل سعودى وياريتنى كنتى فى السعودية عندنا التعديلات رهيبة وهنزل لكم موضوع ان شاء الله فى تعديلات صحابى من جدة ) نكمل موضوعنا ,,:

1- فتح ال 4 ابواب لأعلى وليس بالشكل التقليدى الجانبى

2- تركيب طقم زينون قوى

3- طقم صوت يكون بيرج العربية ويسمع من أول المحلة لآخرها

4- فاميه الا 4 زجاج

5- طقم جنوط يكون مش ولا بد


ارجو اخبارى بكم سعر كل شئ من هذه الاشياء ^^

ماهو المخالف فيها حسبما قانون مرور الجديد لإن الظباط رخمة اوى بصراحة

واخيراً سلامتـكمـ

[احمد بدر1978]

وعليكم السلام ورحمة الله وبركاتة
بص انا عن نفسى ارشحك الهيونداى i10
ودى سعر المانيوال 64500 كاملة فول ابشن
وسعر الاتوماتيك 72500 كاملة فول ابشن
وفية الفضى من غير تكييف ولا زجاج كهربا تقل 5000 سواء كانت مانيوال او اتوماتيك
بالنسبة للتعديلات انا معرفش فيها ولا باسعارها حتلاقى مواضيع كتير عن التعديل
الحاجة اللى حيعترض عليها المرور الزينون والفامية

المشاركة الأصلية كتبت بواسطة bam8572 السلام عليكم ورحمة الله وبركاته --- وعليكم السلام ورحمة الله وبركاته شباب انا اخوكم مطلع رخصة جديد ان شاء الله الف مبروك لاكن بقود من فترة تزيد عن عامين والحمد لله تعالى لى خبرات سابقة داخل المدن وعلى الطريق السريع وناوى بإذن الله اشترى عربية اروح بيها الجامعة وكدا السنة دى محتار بين 3 عربيات طبعاً عشان السعر مقيدنى مش اكتر لاكن لو عليا كنت اخدت السيراتو وانا مغمض فى سبرانزا a113 هيونداى i10 كيا بيكانتو شيفروليه سبارك --- متفكرش غير في ال i 10 والبيكانتو بس طبعاً كلهم عشان سعر الزيرو بتاعهم يعتبر جيد مقارنةً بالاسعار اولاً انا استخدامى للعربية جوا البلد وهسافر بيها كمان ان شاء الله هسافر للجامعة وهسافر كمان مصايف وحجات من دى يعنى بإختصار محتاج عربية تكون بتستحمل وياريت اعرف منكم اسعار الكم عربية اللى قولت عليها فوق ^^ وياريت المانيوال والاتوماتيك لو فى اتوماتيك منهم بص زي ما قولتلك احسنهم ال i 10 والبيكانتو وسعر ال i 10 المنيول بتعمل 59900 الاتوماتيك 67500 ـــــــــــــــــــــــــ ـــــــــــــــــــــــــ ـــــ البيكانتو المنيول عامل 59900 الاتوماتيك 69900 ياريت كمان تفيدونى بواحد يكون بيقسط كويس اوى مع العلم انى فى المحلة الكبيرة << مش كبيرة اوى يعنى ,, لو حد قريب من المحلة تعرفوه او فى المحلة يبقى شغاااال نصيحة لوجه الله اشتريها من اي وكيل معتمد زي ابو غالي او غبور غير كدا متجيبهاش من عند اي موزع علشان بيبقي فيها سرقة للصبح عندى كم سؤال بقى العربية اللى حضراتكم هترشحوهالى وليكن مثلاً هيونداى i10 تقبل تعديلات شبابية ؟ مع العلم ان التعديلات اللى بفكر فيها كالتالــ(ت)ـــاتى ( على فكرة انا من اصل سعودى وياريتنى كنتى فى السعودية عندنا التعديلات رهيبة يازين تعديلات المملكة ب س,, ان شاء الله هنزل لكم موضوع فى تعديلات صحابى من جدة ) نكمل موضوعنا ,,: طيب دا انتا من بلد التعديلات يعني محدش هيقدر يقنعك باي تعديل 1- فتح ال 4 ابواب لأعلى وليس بالشكل التقليدى الجانبى ديه بتروح تعملها في الحرافين وتقريبا البابين اللي اوادم بس يتكلفو في حدود 2000 جنيه ومعلهوش اي مخالفات 2- تركيب طقم زينون قوى ده هيدخله في 500 جنيه وانتا طالع وفي عليه مخالفات 3- طقم صوت يكون بيرج العربية ويسمع من أول المحلة لآخرها ده حسب مزاجك يعني ممكن لو حاجه نضيفة هتبتدي معاك من 3000 جنيه وانتا طالع وطبعا في عليه مخالفة لو شغلته بصوت عالي وانتا معدي من اي لجنة 4- فاميه الا 4 زجاج هيدخله تقريبا في حدود 300 جنيه حسب درجة الفاميه والخامه بتاعته وبردك عليه مخالفه من المرور 5- طقم جنوط يكون مش ولا بد ده بيختلف حسب المقاس اللي انتا عايزة واللي هيليق علي عربيتك وميهدش العافشة بتاعتها وممكن تعمل الجنوط بالكاوتش حوالي 2800 جنيه معاك وانتا طالع حسب نوع الكاوتش والجنوط وده مفيش عليه اي مخالفات ارجو اخبارى بكم سعر كل شئ من هذه الاشياء ^^ ماهو المخالف فيها حسبما قانون مرور الجديد لإن الظباط رخمة اوى بصراحة وكمان معلشى عاوز اعرف : افضل عربية زيرو بسعر من 50 ل 60 ألف جنيه بحد اقصى والله انا من رائي تجيب اللوجن عربية عائلية وجميلة جدا وشبابية و 1600 وواسعه من جوه وعاليه عن الارض علشان مطبات مصر المحروسه وبتعمل 63000 وفي عندك الفيرنا بتعمل 62000 مانيول بس تكييف وباور بس اللى عنده اكتر من خيار يقول . واخيراً سلامتـكمـ

اي استفسار تاني اخوك احمد في الخدمة والف مبروك مقدما علي العربية وربنا يديك خيرها ويكفيك شرها وهنستناك في مقابلة رمضان نفطر مع بعض اوك كل الاعضاء هنا بنتجمع في رمضان اوعي تخلع

[Injection]

مبدأيا أنا من رأيى الأربعة ماينفعوش شاب عايز يظبط وعايز عربية جامدة, وأنا أنصحك بالفيرنا ثم ال i10 والأسعار موقع كونتاكت كارز عليه أسعار العربيات والفئات كلها
contactcars.com
ال i10 تقبل تعديلات شبابية بس شكلها وموتوره مش كويسين ومعظم الi10 والبيكانتو مع بنات.

الفاميه ممنوع تماما وده مفيهوش كلام وفيها سحب رخص أو هيوقفك ويقولك أنزل شيله, والأسعار من حوالى 70 جنيه, وممكن تركب ستاير كبس للزجاج الخلفى كله والزجاج الجانبى الأمامى تفيمه وتنزله فى اللجان لتحت وتشد الستاير.

طقم الزينون كل الموجود هنا تقريبا صينى, والأسعار من 250 حتى 800 حسب عالى وواطى ولا عالى بس, واللون وهكذا, أهم حاجة تاخد معاه ضمان على الجهاز واللمض, والضمان أهم من الجهاز نفسه.
والزينون فى حد ذاته مش ممنوع, الأنوار المبهرة كلها ممنوعة, راعى بس تطفيه قبل اللجان ومتستخدموش فى الرذالة على حد علشان ربنا يكرمك.

طقم الصوت حسب ميزانيتك, يعنى ممكن تبدأ ب سماعتين كينوود ب 350 جنيه وصولا الى 12 سماعة وصبين و 6 أمبليفاير, المهم الميزانية, والكاسيت نفس الحكاية, من سى دى بايونيير ب450 جنيه ل سونى دبل دين بفوق 1000.

فتح الأبواب الأربعة بيتطلب شغل سمكرة فى العربية, عموما المفصلات بتبتدى من 500 الأثنين وصولا الى 2000 والمهم السمكرى اللى هيركبهم.

طقم الجنوط فيه محلات كتير وأشكال أكثر وفيه من أول oz الى الصينى الى بيتكسر, بس راعى أن حجم الجنط لازم يكون مناسب للعربية, والموضوع أزواق شخصية.

أنا مش من المحلة فاللأسف معرفش حد هناك.

ونصيحة منى ورأى شخصى خليك فى الفيرنا, رخيصة وجميلة وموتور جبار وقطع غيار وسهولة تصليح مافيش بعدها, وأمكانيات رهيبة فى التعديل, والعربيات اللى ذكرتها بصراحة مش زى الفيرنا فى أى حاجة و التعديلات صعب فيها .

بس نصيحة على الماشى كده, طلع صدقة على العربية علشان ربنا يباركلك فيها وفى مشروعك, ودى بصراحة أول حاجة تعملها بعد ماتجيب العربية الجديدة.

وربنا يوفقك.

[hazem_khidr]

احمد باشا بدر و انجكشن باشا قالوا كل اللي يتقال
و بالتحديد انجكشن وضح كل حاجه
علي فكره انت بلدياتي انا كمان من المحله
و دا رقمي لو احتجت اي حاجه قولي و نتصرف سوا
0122949398