بخصوص سياسة اعلان الاسعار فى سبير كار

[dobiues]

المشاركة الأصلية كتبت بواسطة AboNoRa

بدون تحيز لاى طرف انا شايف ان اللى حصل طبيعى جداً حضرتك بتقول انك سألت الاول على سعر الانذار وردو عليك وسألت بعد كده على حاجات وردو لكن الاعتراض كان لما طلعت ورقة واكتفيت بطرح الاسئلة عن الاسعار وتدوين الردود
وطبعا اى بياع فى اى محل لما يلاقى واحد مش بيشترى وبس قاعد يسأل على اسعار ويكتبها فى ورقة هيخاف يكون من مكان منافس او من ضرائب او واحد بيسأل وبس مش بيشترى

بص الاول سالت ع الانذار واترد عليا بس لما سالت علي حاجات تانيه اكتشفت انها مش موجودة فاستغربت جدا انا مكتفتش بطرح الاسئلة زي محضرتك متصور انا يعتبر سالته ع كام حاجة وانا كاتب الحاجات اللي انا عايزها فكنت بقراها يعتبر الحاجتين اللي انا خدت اسعارهم الانذار ومكنش من خالد والسعر الوحيد اللي خدته من خالد هو ليدات الصالون وغير كده حضرتك انا طلعت الورقة بس عشان اسال ع الحاجات اللي مكتوبة فيها وبس ويعتبر مكتبتش غير سعر الليدات بس يعني مكنش معايا قائمة وقاعد اكتب ف اسعار زي محضراتكو متصورين عشان معظم الحاجات اللي كنت عايزها ملقتهاش وبالظبط يعتبر سالت علي 4 حاجات وخدت سعر حاجتين بس

[dobiues]

المشاركة الأصلية كتبت بواسطة أحمد فاروق سيد

الكلام ده مظبوط مليون فى الميه
وفى حاجة كمان
خالد اللى أنت قابلته ده مدير الفرع
أنسان ذوق ومؤدب ومحترم وبيقدر عمله إلى أقصى درجة
أنا أعرفه من حوالى 10 سنين
أنت كنت قلتله عايز كذا وكذا وكذا .... ألخ
أعمل حسابى فى كام وأنا جاى ؟
ولما تروح تشترى وتركب حيعملك الخصم اللازم

علي فكرة حضرتك انا مشككتش في ذوقه ولا احترامه بس محستش المعاملة زي مكنت متصورها بس

[cairo2005]

يا جماعة الله يهديكم بالراحة على الراجل شوية
اولا حد فيكم شاف نسب التصويت فوق
1- مفيش ولا واحد شايف انه غلطان
2- 4 شايفين انه صح
3- 4 شايفين ان دي ممكن تبقي قواعد المكان
4- 2 بس شايفين انه المفروض يعرف علشان ينزل يشتري وهو عامل حسابه يعني بردو مش شايفينه غلطان

يعني نسبة 60% شايفين انه مش غلطان وانه على حق و40 % شايفين ان دي ممكن تبقي قواعد المكان


الغريب ان الردود المكتوبة معظمها العكس واتطرقت لموضوعات تانية زي ان فلان زوق وفلان مفيش احسن منه



اولا: سبير كار من اشهر المحلات في الاكسسوار ومش محتاج حد يدافع عنه
ثانيا: المفروض ان نبين العيوب علشان امير والحاج مصطفي ياخدوا بالهم منها لان ده في مصلحتهم ومصلحة المحل
ثالثا: مش مفروض ان كل واحد يدخل لازم يشتري حالا والا محدش يقوله على اسعار الطبيعي انى اسئل محل واتنين وعشرة كمان قبل ما اشتري انا بدفع فلوس تعبان فيها مش بلاقيها في الشارع فحقي الطبيعي انى اتاكد انى واخد افضل جودة وافضل سعر وغير كدة يبقي نفاق وخلاص
رابعا انا نفسي ليا تجربة مماثلة كنت سئلت امير عن الباكتات بتاعة اللانسر الكريستالة وقال موجودة ورحت وقابلت واحد من البياعين وقالي لا مش موجودة ولما سئلت عن امير وكلمته وفكرته بطلبي قال اه موجودة في المكان الفلاني البياع قاله بس دي مش بتاعة الكريستالة امير قاله اعمل اللى بقول عليه البياع راح جابهم واتركبوا بس مكانوش مظبوطين كان طولهم اكبر شوية واتقصوا علشان يبقوا بسوا الباب وبعد شهرين من التركيب وقعوا مش دي القضية

بردو امير مقابلته كانت مش اللى انا متوقعها وكانت جافة جدا برغم اني عرفته انى جاي له من المنتدي وفكرته اني سئلته على ايه وقالي افتكرت وفي الاخر اداني حامل موبايل هدية
طبعا يا امير انا او غيري مش محتاجين الحامل الهدية
منتظرين او متوقعين ويمكن ده عشم زايد مننا ان المقابلة تكون مختلفة
وبرغم كدة عذرته لان التمس لاخاك سبعين عذرا قلت ممكن يكون فيه حاجة مضايقاه او مشاكل الشغل او او او او لكن اللي غاظني بجد انى وانا واقف واحد شكله صاحب امير دخل المحل لقيت امير وقف وبيضحك وبيهزروا جدا جدا جدا
طبعا انا مش منتظر ولا عايز من امير انه يهزر معايا لكن المقابلة يبقي فيها ترحاب شوية
الواحد بيدخل محلات من غير ما يعرف حد ولا اي حاجة وداخل يسئل على اسعار بس وبيتعامل معاملة شيك عن كدة

يا جماعة احنا مصريين والمثل بيقول لاقيني ولا تغديني
والكلام كله لمصلحتك يا امير فيا ريت متزعلش وعلى راي المثل يا بخت من بكاني وبكا الناس عليا ويا ويل من ضحكني وضحك الناس عليا

[AboNoRa]

بالنسبه لكروت العضوية موجودة فعلا بقالها اكتر من سنه
غير كده تاكد ان كده كده فيه خصومات للاعضاء يعنى برضو لما تروح تشترى هتلاقى السعر بعد الخصم متظبط

[fawzyyyy]

المشاركة الأصلية كتبت بواسطة cairo2005

يا جماعة الله يهديكم بالراحة على الراجل شوية
اولا حد فيكم شاف نسب التصويت فوق
1- مفيش ولا واحد شايف انه غلطان
2- 4 شايفين انه صح
3- 4 شايفين ان دي ممكن تبقي قواعد المكان
4- 2 بس شايفين انه المفروض يعرف علشان ينزل يشتري وهو عامل حسابه يعني بردو مش شايفينه غلطان

يعني نسبة 60% شايفين انه مش غلطان وانه على حق و40 % شايفين ان دي ممكن تبقي قواعد المكان


الغريب ان الردود المكتوبة معظمها العكس واتطرقت لموضوعات تانية زي ان فلان زوق وفلان مفيش احسن منه



اولا: سبير كار من اشهر المحلات في الاكسسوار ومش محتاج حد يدافع عنه
ثانيا: المفروض ان نبين العيوب علشان امير والحاج مصطفي ياخدوا بالهم منها لان ده في مصلحتهم ومصلحة المحل
ثالثا: مش مفروض ان كل واحد يدخل لازم يشتري حالا والا محدش يقوله على اسعار الطبيعي انى اسئل محل واتنين وعشرة كمان قبل ما اشتري انا بدفع فلوس تعبان فيها مش بلاقيها في الشارع فحقي الطبيعي انى اتاكد انى واخد افضل جودة وافضل سعر وغير كدة يبقي نفاق وخلاص
رابعا انا نفسي ليا تجربة مماثلة كنت سئلت امير عن الباكتات بتاعة اللانسر الكريستالة وقال موجودة ورحت وقابلت واحد من البياعين وقالي لا مش موجودة ولما سئلت عن امير وكلمته وفكرته بطلبي قال اه موجودة في المكان الفلاني البياع قاله بس دي مش بتاعة الكريستالة امير قاله اعمل اللى بقول عليه البياع راح جابهم واتركبوا بس مكانوش مظبوطين كان طولهم اكبر شوية واتقصوا علشان يبقوا بسوا الباب وبعد شهرين من التركيب وقعوا مش دي القضية

بردو امير مقابلته كانت مش اللى انا متوقعها وكانت جافة جدا برغم اني عرفته انى جاي له من المنتدي وفكرته اني سئلته على ايه وقالي افتكرت وفي الاخر اداني حامل موبايل هدية
طبعا يا امير انا او غيري مش محتاجين الحامل الهدية
منتظرين او متوقعين ويمكن ده عشم زايد مننا ان المقابلة تكون مختلفة
وبرغم كدة عذرته لان التمس لاخاك سبعين عذرا قلت ممكن يكون فيه حاجة مضايقاه او مشاكل الشغل او او او او لكن اللي غاظني بجد انى وانا واقف واحد شكله صاحب امير دخل المحل لقيت امير وقف وبيضحك وبيهزروا جدا جدا جدا
طبعا انا مش منتظر ولا عايز من امير انه يهزر معايا لكن المقابلة يبقي فيها ترحاب شوية
الواحد بيدخل محلات من غير ما يعرف حد ولا اي حاجة وداخل يسئل على اسعار بس وبيتعامل معاملة شيك عن كدة

يا جماعة احنا مصريين والمثل بيقول لاقيني ولا تغديني
والكلام كله لمصلحتك يا امير فيا ريت متزعلش وعلى راي المثل يا بخت من بكاني وبكا الناس عليا ويا ويل من ضحكني وضحك الناس عليا

انا معاك في كل كلمة انت قولتها
+11111111111111111111

[MosTafaFox]

انا بصراحة مش فاهم ولا كلمة وحاسس ان فيه ناس داخله تتخانق وخلص يعنى انتو عايزين تقولو ان اللى رايح يشتى حاجه بيطلع المحفظه يديهالهم وهما ياخدو الفلوس اللى عايزينها وبس ما اكيد انا داخل اشترى حاجة بقول ده بكام بيقولو بكذا عاجبنى بشترى مش عاجبنى همشى انا لا يهمنى ده ولا ده بس كلمه حق انا اتعملت مع كذا فرع ومشوفتش منهم حاجة وحشه ولا بقول انهم انبياء برضو ناس عاديه ووحاجاتهم نظيفه واسعارهم معقوله وخلاص

[cairo2005]

تم الحذف للخروج عن السياق