لسه جايب سيفيك 2008 وعايز مساعده من الناس الخبره

[Refaat78]

أولا انا هونداوى قديم جدا لأنى ركبت أكورد 78 وسيفيك 84 وسيفيك 92 وسيفيك 2001 وأخيرا جبت واحده 2008 الحمد لله
عندى كذا استفسار يا ريت اللى معاهم العربيه يساعدونى فيهم:
1- سحب العربيه مش عاجبنى قوى زى ما الناس كانت بتحكى لدرجة انه قريب من العربيه 2001
2- اقصى سرعه للعربيه لأنى بعربيتى ال2001 بجيب 190 وفى الجديده جابت 195 بالعافيه
3- ايه العيوب الدارجه اللى فى العربيه عشان انا سمعت ان فيها عيوب زى الطنابير والتيل والبطاحات والتوكيل بيغيرها هى لسه فى الضمان وعايز استفيد من الضمان لأنه لسه كتير عليه
4- العفشه ايه اخبارها لأن عفشة ال2001 اريح منها
5- استهلاك البنزين لأن استهلاك البنزين للقديمه احسن منها
6- النقلات ايه نظامها لأنى لما بزود عن ال160 بتنزل للنقله الرابعه ومش بتنقل تانى للخامس
ويا ريت لو اقدر اكلم حد يفيدنى فى المواضيع دى

[AbOnOrA]

بصراحة انا مش معايا العربيه بس شوفتها مع اصحاب لى مكانتش كده خالص السحب ممتاز جداً وبتجمع سرعات عادى خالص بس هى العفشه ناشفة شويه فعلا بس ده مقبول كعفشه رياضيه
انصحك توديها التوكيل لان ديه مش مشاكل بسيطه

[MEMOO_1ST]

فعلاً انا انصحك تروح التوكيل لأن انا سوقت بتاعت صاحبي وجبت بيها 195 وكانت تجيب اكتر بس انا الي هديت علشان مش عربيتي.

[mshamy]

أنا كانت معايا ال 2005
وواحد صاحبي معاه ال 2008 و سقتها منه
بالنسبة لمشكلة للسحب دي كانت برضه عند صاحبي و راح التوكيل و كل اللي عمله انهم نظفوا فلتر الهواء و العربية رجعت طيارة تاني و جاب بيها 210 و كان لسه فيها
العفشة فعلا ناشفة شوية عن ال 2005 و ده طبيعي في الهوندا الجديده

[abd000]

كانت مع واحد زميلى بس كانت حلوة مفيهاش اى عيوب