شكل دعائى هزيل ياريت لا ننساق فية

[luckyman]

بدون مقدمات او تمهيد عايز اطرح وجهة نظرى لوجة الله علشان محدش من الاعضاء يتأثر ببعض الكلام المبالغ فية والدعائى بشكل فاضح لا تمت له بالحقيقة من بعيد او قريب
طبعا فى بعض الناس للاسف تنساق فى المارثون الهزيل لكن مالهمش ذنب اكتر من انهم فرحانين بالعربية ودول طبعا محدودين واعتقد انهم نفسهم مذهولين من الاوصاف الخيالية اللى فى اغلب الاحيان ملهاش اى صدى على ارض الواقع الا من بعض السذج
ياريت محدش يرد ويقول شعور الناس وفرحة العربية ؟!!
لان دة موقع المفروض ان كل انسان يلقى فية مبتغاه وهدفة ويعرف يقرر بعد تصفح المنتدى بكل وضوح والاطلاع على المفيد بشكل عملى ورصين وهادف
خاصة ان الكلام دة موجة للسيارات الصينية مثلا ممكن يكون وكيلها معروف سابقا بفشله الذريع وكان فى يوم من الايام مئات الاشخاص قاموا برفع قضايا ضدة لانة غير ملتزم بمعايير الجودة والسيارات كانت مليئة بالعيوب التجميع والتصنيع الخ

[luckyman]

1500 أسرة مصرية تقاضي «سيتروين» الفرنسية بسبب عيوب فنية في سياراتها
الدعاوى تطال وكيل الشركة الأسبق «المصرية لصناعة السيارات» في اتهامات بالغش التجاري
القاهرة: منى مدكور
تنظر محكمة شمال القاهرة في السابع والعشرين من الشهر الحالي الدعاوى القضائية المرفوعة من أكثر من ألف وخمسمائة أسرة مصرية ضد شركة سيتروين الفرنسية للسيارات وكيلها الأسبق في القاهرة الشركة المصرية لصناعة السيارات «جاك»، وذلك بعد أن اكتشف حائزو مئات من سيارات سيتروين اشتروها من الوكيل ان بها العديد من العيوب الفنية وتمثل خطراً داهماً على حياة راكبيها. وقال محمد طاهر محمد المحامي الموكل عن الأسر المتضررة من امتلاك هذه السيارات في تصريح لـ«الشرق الأوسط» انها المرة الأولى من نوعها على الأقل في العالم العربي، حيث لم يحدث ان قام مجموعة كبيرة من الأشخاص برفع دعاوى قضائية على شركة سيارات عريقة مثل شركة سيتروين اذ كانت الشكاوى في الغالب فردية، أما هنا فالوضع مختلف حيث وكلت ما يزيد على 350 فرداً من مالكي سيارات الركوب سيتروين لرفع قضايا ضد الشركة الأم في فرنسا ومقرها 62 شارع فيكتور هوجو ـ باريس ـ فرنسا، وضد الوكيل المعتمد لها بالقاهرة وهو الشركة المصرية لصناعة السيارات «جاك». وتتلخص أوراق القضايا المرفوعة في شقين هما دعوى مدنية تحمل رقم 2002 لسنة 2002 لفسخ العقود المبرمة ما بين الشركة والمشترين ودعوى جنائية تحمل رقم 7913 لسنة 2002 ضد ممدوح مختار علي يوسف وعماد مختار علي يوسف، ومجدي مختار علي يوسف المالكين للشركة المصرية للصناعة السيارات «جاك» فتتهمهم فيها بالغش التجاي والتدليس.
من جهة أخرى كانت محكمة جنح مصر الجديدة قد قررت ندب لجنة مؤلفة من رئيس قسم الميكانيكا بكلية الهندسة جامعة عين شمس واثنين من مهندسي الرقابة الصناعية التابعة لوزارة الصناعة واثنين من المفتشين المختصين من مكافحة الغش التجاري بوزارة التموين لبحث مدى مطابقة السيارات للمواصفات القياسية ومطابقتها للمواصفات المعلن عنها والواردة بعقود البيع والكتالوجات الملحقة ببيع السيارات. ويضيف محامي مالكي السيارات قائلاً إن مهندسي شركة النصر للسيارات قدموا تقريراً عن حالة عربات سيتروين، كما أن اللجنة الفنية أصدرت محضراً بالمعاينة ورد فيه ان السيارات المذكورة بها عيوب صارخة تم تصنيفها في إحدى عشرة نقطة أهمها أن محرك السيارات المذكورة ليس عليه علامات سيتروين كالمتبع في الشركات العملاقة للسيارات وان الفرامل ماركة بندكس (انتاج المجموعة الأوروبية)، وفلتر الهواء (مصري الصنع)، وضاغط جهاز التكييف (غير محددة المصدر) وان جنوط العجل إسبانية الصنع، بل ان المساعدين ماركة بيجوى، وانتهى تقرير اللجنة إلى أن هناك أجزاء بالسيارات غير مسجل عليها جهة الصنع وأخرى من تصنيع شركات أخرى، هذا بالاضافة الى أن السيارات بها أجزاء تلفت بعد الاستخدام بوقت قصير نتيجة عيوب الصناعة أو نتيجة عدم تحمل الخدمة الشاقة.
ويؤكد محامي مالكي السيارات ان عدد المتضررين يصل الى 1050 شخصاً نظراً لأن ملاك السيارات قد تعاقدوا عليها بنظام التقسيط لتحويلها لسيارات أجرة وفي حالات قليلة استخدامها ملاكي مما يستلزم وجود ضامنين على الأقل لكل فرد والبعض طلبت منه الشركة 3 أو 4 ضامنين ليتملكوا السيارات ماركة A ـ zx، وتباع السيارة بالسعر الفوري بـ46 ألف جنيه أما مع نظام التقسيط على 3 سنوات فتباع بـ75 ألف جنيه. من جهته قال الوكيل الجديد لـ«سيتروين» هشام عز العرب، إنه ليس مسؤولاً عن التعاقدات التي تمت مع شركة جاك الوكيل قبل السابق لسيتروين في مصر، مشيراً إلى أن التوكيل انتقل من جاك الى شركة أخرى قبل أن يحصل عليه كما أنه لم يتلق أي شكوى من السيارات التي باعها هو، وبالاتصال بشركة جاك، قالت السكرتارية، ان من غير الممكن توصيل أسئلة الصحافة الى ملاك الشركة المقام عليهم الادعاء، وهي من الموديلات الحديثة «اكسارا N.7. c.5.».

[luckyman]

عن جريدة الشرق الاوسط
يعنى من الاخر توكيل جاك لا هو التوكيل المضمون ولا اللى تاريخة ناصع ان كانت التوكيلات الكبيرة امثال ابو الفتوح والمنصور تجمعهم زى الزفت فى العربيات برغم انهم مستمرين فى السوق يعنى مش فص ملخح وداب ممكن يبيعوا 2000 او 3000 ويختفوا زى ما عمل جاك قبل كدة ومعظم ملاك الستروين بيصلحوا عربيتهم عند واحد فى مصر الجديدة المفروض انه لو توكيل محترم يلتزم باخلاقيات مهنتة وشرف المهنة ويقدم للناس الخدمة لقطع الغيار حتى لو العربية توقف انتاجها بلا جاك بلا منصور بلا ابو الفتوح
بصراحة كلهم لا ذمة ولا ضمير
واحنا مشاركين فى دة باستمرارنا فى شراء منتجات متدنية الجودة والقيمة والاداء والاسم بالاقبال على منتجاتهم
ممكن يكون بعض الانتاج سيىء والاخر جيد لكن دة مش مبرر لازم ناخد مقابل ما دفعنا من منتج محترم
ممكن المنتج يكون محترم لكن توكيل السيارة غير محترم وبيضر باسم الشركة
ياريت بس احنا مش نشترك فى الحملات الدعائية المجانية ونكون بنشارك فى تضليل الناس من غير ما نحس
يا جماعة طيب استنوا حتى فترة مقبوله لتجربة السيارة
انا استغربت جدا لما لقيت المنصور منزل الافيو بضمان 3 سنوات او 60 الف كيلو
العالم كله بيوسع نطاق الضمان وهو بيحصرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟
فعلا حاجة تحزن حنى وجية اباظة جاب عربيات من ايران بسعر ليس بالزهيد تحت اسم عريق وعمل هوللة واعلانات والمارد الفرنسى والاسد ومش عارف اية ونزل بعربية ولا تسوى نكله حتى الصاج والتشطيب واكبر مقلب
السؤال الان ازاى احنا كمستهلك او مواطن اثق فى الناس دى
وازاى اشارك فى الجريمة دى حتى لو بحسن نية
ولية احنا كمصريين مش بنتعلم
ولية احنا كمصريين يتصدر لنا زباله الانتاج العالمى او يتجمع عندنا
برغم انها مش مدعومة من الحكومة ولا هى هبات يعنى على الاقل نحصل مقابل ما ندفعة
ولية لقيت ناس هنا فى الموقع بترد وتعتبرة امر واقع ونعمل اية ومش عارف اية مقابل السعر
لية بتفكروا ان اللى معاه 75 الف انة مبلغ زهيد وممكن يقامر فية ولية انة امر واقع اجيب عربية بعشرات الالواف واجرى بها فى مراكز الصيانة لعيوب فنية او تجميع او تشطيب ؟؟؟؟؟؟؟؟؟؟؟؟
مليون علامة تعجب واستفهام
ياريت اللى يرد ما يردش بشكل شخصى علشان نكون محترفين اكثر وفعالين افضل ولكم منى فائق الشكر والاحترام والود

[tareksakr]

أؤيدك بكل شدة في كل ماقلته فعلا شركة جاك تاريخها سيء مع سيتروين وبعدها صنعت الميتسوبيشي النصف نقل واختفت هي فعلا شركة
تنزل بموديل من السيارات وبعد كده تختفي وتنزل موديل تاني وتختفي وللأسف احنا ما بنتعلمش ببلاش لازم يكون الدرس قاسي ونضحي بأموالنا لناس تحطها في جيوبها وما نعرفس ناخد منهم حق ولا باطل مالسوق مليان ماركات محترمة ليه نخاطر نشتري عربيات ليس لها تاريخ ولا وكيل مضمون ومتلاقيش لها أي قطع غيار برة الوكيل احنا بنفرح بالأوبشن والكماليات ونبعد عن الجوهر اللي هو الأعتمادية وتوفر قطع الغيار وسعرها يكون معقول ووكيل يحترم عملائه وللأسف بقت في توكيلات كتير مش كويسة لعدم وجود رقابة صارمة ونظام يحمي المستهلكينومن واجبنا أننا نحذرالناس من المخاطرة بتضييع أموالهم ووقتهم وجهدهم بشراء هذه السيارات وتوجيههم للأفضل اقتباس (ودمتم بود)

[odaoda]

صدقا
صدقا يعنى
لا تعليق ...