معنى الحروف التى تحملها السيارات من قبل المرور

[حامد الله]

اخوانى واعزائى الكرام فى منتدانا الغالى سلام الله عليكم ورحمتة وبركاتة
كلنا كنا متعودين عندما تعمل سيارة اى حادثة على الطريق وكان قائد هذة السيارة يهرب من مكان الحادث كانت بتحل المشكلة باخذ رقم العربية واذا كانت ملاكى او اجرة اونقل اوغيرهم والمحافظة المكتوبة على السيارة مثلا ملاكى القاهرة او ملاكى كذا اوكذا
اما الان مع التقدم العلمى والفلسفى للمرور اصبحت السيارات تحمل حروف وارقام فقط دون محافظة اوغيرها
اليس ذلك عبئ على المواطن للتبليغ عن سيارة فىحال الهرب من حادثة اوغيرها
ثانيا ارجو من خبراء المنتدى افادتى عن معنى تلك الحروف وماذا تدل فبصراحة انا احس بالجهل امام هذا اللغزاقف امام السيارات ولا افهم ما معنى تلك الحروف ما دلالة كل حرف

[Injection]

شوف حضرتك الموضوع ده.
http://www.masrmotors.com/vb/showthr...t=28037&page=2

[حامد الله]

اشكرك اخى الغالى على توجيهك واهتمامك ولكن قد اتطلعت على ما وجهتنى الية ولم اقتنع وكان ردى علية كالتالى

اشكرك اخى الغالى حازم على الموضوع القيم ولكن للاسف مازال غامض بالنسبة لى
على سبيل المثال الاسكندرية تبدا باول حرف وهى س فماذا مدلول الحروف التى بعد ال(س) واكثر توضيحا فى مثالك عن الاسكندرية قلت س م ج 7852 فماذا يعنى م ج التى بعد السين
ثانيا رجعت وخالفة القاعدة فى بعض المحافظات مثل بورسعيد بدأت بحرف ال(ط) ماعلاقة بور سعيد بال(ط) فاول حرف فى بور سعيد ب وكذلك فى كفر الشيخ وكذلك فى الغربية وهكذا عموما هى لوغرتمات واصبحت حيرة للناس
فاذا كان عند سيادتكم توضيح لى اكون شاكر لحضرتك

[Injection]

هو بصراحة كتر خير الأستاذ حازم أنه وضح لنا جزء من اللغز, لكن أنا شايف أن البلد ماشية بنظام الجهل نعمة, وتقريبا مشفتش شرح للموضوع أحسن من بتاع الأستاذ حازم, بس ممكن الأرقام التانية والحروف تكون بتدل على المديرية التابع لها السيارة, أو ممكن تكون ملهاش مدلول من الأساس.

والله أعلمptmnlo123per141

[hazem_khidr]

المشاركة الأصلية كتبت بواسطة Injection

هو بصراحة كتر خير الأستاذ حازم أنه وضح لنا جزء من اللغز, لكن أنا شايف أن البلد ماشية بنظام الجهل نعمة, وتقريبا مشفتش شرح للموضوع أحسن من بتاع الأستاذ حازم, بس ممكن الأرقام التانية والحروف تكون بتدل على المديرية التابع لها السيارة, أو ممكن تكون ملهاش مدلول من الأساس.

والله أعلمptmnlo123per141

بالضبط كده يا باشا
اول حرف دا للمحافظه و التاني لوحده المرور و التالت ترتيب ابجدي جوه وحده المرور
يعني الدقهليه مثلا شفت منها
د ج ا
د ق ب
د س ر

يعني لو افترضنا و دا مأكد ان اول حرف دقهليه
يبقي الحرف التاني مثلا بيدل علي وحده مرور المنصوره
و التانيه مثلا تبقي مرور بلقاس و هكذا
لكن طبعا دا مش حيتعرف كله غير لما النمر تنتشر
و تبدأ العربيات في التنقل بين المحافظات حنقدر نفك كل الطلاسم دي

[miam0502788391]

المشاركة الأصلية كتبت بواسطة hazem_khidr

بالضبط كده يا باشا
اول حرف دا للمحافظه و التاني لوحده المرور و التالت ترتيب ابجدي جوه وحده المرور
يعني الدقهليه مثلا شفت منها
د ج ا
د ق ب
د س ر

يعني لو افترضنا و دا مأكد ان اول حرف دقهليه
يبقي الحرف التاني مثلا بيدل علي وحده مرور المنصوره
و التانيه مثلا تبقي مرور بلقاس و هكذا
لكن طبعا دا مش حيتعرف كله غير لما النمر تنتشر
و تبدأ العربيات في التنقل بين المحافظات حنقدر نفك كل الطلاسم دي

بعد اذنك يا استاذ حازم انا من بلقاس وعربيتى نمر مرور بلقاس والعربية كنت شاريها من واحد وكانت مرور المنصورة ولما رحت انقل الملكية والنمر لبلقاس الراجل قالى مفيش نمر جديدة وهتعلق نمر قديمة
الخلاصة كل الحروف اللى حضرتك شفتها دى من وحدة مرور واحدة بس هى مرور المنصورة * وباقى الوحدات لسة هيجى ليها النمر الجديدة
وبرضه فى الآخر انا مش فاهم حاجة فى النمر الجديدة دى

[حامد الله]

بالله عليكم وزارة الدخلية وخاصة المرور عملت شئ ربما لراحتهم هم فقط كمرور ولم تبالى شئ عن المواطنين ان شاء الله مايعرفوا حاجة وخلى الشعب يزيد جهالة اكثر مما هو فية حزبى الله ونعم الوكيل الم يكلف نفسة واحد من المرور يشرح للناس ماهى المغزى من ذلك لا حول ولا قوة الا بالله

[اااااااا]

jjjjjjjjjjjjjjjjjjjjjjjjjjjjjjjjjjjjjjjjjjjjjjjjjj jjjjjjjjjjjjjjjjjj

[aymin]

انا مش عارف ليه مايطلعش حد من الداخلية فى الاعلام و يوضح اذا كانت الحروف دى ليها دلاله على المرور التابع ليه السيارة و يشرح الموضوع بالتفصيل ليه ؟
على فكره انا شفت فى التلفزيون قبل ما يطبقوا الموضوع ده مسئول فى المرور كان بتكلم عن الموضوع ده و كان مضمون كلامه ان اللوحات الجديده دى هتبقى زى الرقم القومى للعربيه وزى شهادة الميلاد و ان العربيه هبقى ليها رقم واحد تتنقل بيه لاى مرور لكن التطبيق كان غير كده خالص انا فى رأى اللوحات المعدنية يا ترتبط بالسيارة يا ترتبط بالشخص مالك السيارة
ثم كان مالها اللوحات القديمه

[حامد الله]

يعنى الموضوع معمول اصلا لراحة سيادة المرور والناس تولع اه يابلد مملوئة بالخراب والفساد