الفيرنا سياره جيده ام غير جيده ارجوا الافاده

[zoomaa&mizaa]

من فترة كبيرة يا جماعة وأنا بسمع أخبار مش حلوة عن الفيرنا بس الكلام مش بفلوس ولاكن من فترة قريبة بدءت أشوف المشاكل دة فعلا فى سيارات أصدقائى وبدأت كمان أقرء على النت من مالكين الفيرنا عن المشاكل اللى فى العربية ولذلك أجد ان العربية تعتبر أسوء سيارة فى مصر دة غير كمان أن سعرها مش رخيص ونسيت أقول أن فى مشاكل فى العربية بتعتبر مشاكل قاتلة زى مشكلة الفرامل ومشكلة عدم أتزان العربية فلو سمحتم أريد أراءكم بحيادية المؤيدين لهذا الكلام يحاولون أن يظهروا لنا المشكل الموجودة فى العربية والمعارضون لهذا الكلام يحاولون الرد على وجود هذة المشاكل

[bostato]

يا عم بالراحه شويه كده الناس بتوع الفيرنا هيزعلو اوي.
وبعدين هي متهيألي مش سيئه اوي يعني.
وان كنت باميل للانوس اكتر بأعتبارهم نفس السعر والقدروه وفي تنافس بينهم في السوق

[zoomaa&mizaa]

أنا مش متحامل على الفيرنا ولا حاجة لاكن صدقنى دة رأى كثير من ملاك الفيرنا واحنا مستنيين أراء جديدة تغير الصورة دية بس تكون أراء صريحة وبعدين لما أكثر من واحد عندهم فيرنا يقولوا ان بعد ال 100 كيلو بيبقوا ماشين من غير فرامل يبقى رايك اية

[dr_maged]

بص يا باشا بحكم عملى فالشركة بتسلم عربيات فرنا وكل صحابى اغلبهم مستلمين فرنا

لما 90 % منهم يحصل معاهم مشاكل فى الفرامل وحوالى 30 % حصلهم حوادث كبيرة بسبب الموضوع ده و 40 % بسبب عدم الاتزان والباقى ربنا ستر معاهم وخرجوا كويسين و بقوا يستخدموا العربية فقط داخل المدينة وعلى سرعات بسيطة


يبقى اكيد فى غلط فى الموضوع واكيد يعنى العيب مش فى كل البشر دى

يبقى العيب فيييييين
انا وانا راكب مع حد فيرنا ببقى بتشاهد طول الطريق للفرامل تسيب ولا العربيى تتقلب لو جرى بيها شوية

لمحبيين الفرنا بقى انا مش باهجمكم انتم علشان تدخلوا تهاجمونى انا بهاجم العربية يا ريت تفصلوا بين الحاجتين دول ثانيا احنا اكيد خايفيين عليكم فيا ريت تخلى بالكم على نفسكم وانتم راكبين او على سرعات عالية

وشكرا لكاتب الموضوع

انا مش عارف انا بحلم ولا ايه فيرنا ايه اللي بتتقلب وفراملها بتسيب يا رجاله انتو خليتوا الواحد حاسس انه كان راكب بقاله سنيتن توكتوك مش عربيه وبعدين اكيد العيب في الشخص اللي راكب العربية مهمل فيها مش بيغير تيل الفرامل في معاده مش متابع الصيانه معندهوش سينس الفرامل بياخد غرزه علي سرعه عاليه والله يا جماعه انا ماشي بالفيرنا علي طريق الصحراوي الغربي 190 ولا العربيه اتقلبت ولا اتشقلبت ولا فراملها سابت ولا الكلام ده كله ووانا راجع من الطريق الصحراوي الغربي ماشي 160 متواصل لحد ما وصلت اول طريق الفيوم والفرامل استجابتها معايا كويس هيه مش كويسه اوي بس والله انقذتني في كذا موقف محرج يعني وبعدين انا مقتنع ان العربيات ديه كلها عمله زي البطيخه ياما قرعه ياما حمرا ومش كل العربيات هتخرج من المصنع فوره لازم من كل 10 عربيات يخرجوا من المصنع تلاقي 5 فيهم مشاكل لان متنساش ان في مصرين عدماء الضمير مش كلهم طبعا وده سبب ان سمعت مصر في الحضيض من ناحية تجميع العربيات لكن انا شايف ان سعرها مناسب جدا ولو مكنش مناسب مكنتش تشوفها مغرقه البلد بالمنظر ده وتقبل تحياتي