إشراقة العتمة

[د0تامر محمد]

إشراقة العتمة
-------------
لما تلف بينا الدنيا تدور على الجراح
لما يتحول مجالنا لأسر ويضيق بينا البراح

تبقى عتمة فى عز إشراق النهار
كتمة نفس خنقة ما بين أسوار
طريقنا يطّوّح يدور بيه المدار
والغربة تكوينا من اللهيب أنهار

مهما زاد الحزن نشيد الأمل صدّاح
مهما بّعد ما بينا الأسر بتلتقى الأرواح

تحطم المستحيل
مهما الجدران تميل
ليل الظلام بتحيل
لنهار ساطع جميل

[مهند سالم]

والله يا دكتور أنا بأتعجب من حال الدنيا، شيء عجيب، ممكن تحس في لحظة إنها واسعة قوي وإنك تايه فيها، وممكن تحس في لحظة إنها ضيقة قوي ومن كتر ضيقها مش قادر تاخد نفسك،
ممكن تحس إن الأوقات فيها بتعدي بسرعة شديدة والعمر بيجري، وممكن تحس في لحظة إن الساعة واقفة،
كل شيء فيها نسبي: الطويل طويل بالنسبة للقصير، والجميل جميل بالنسبة للقبيح والنور نور بالنسبة للظلام،
لو ما كانش في نقيض الشيء عمرك ما كنت حسيت بالشيء، شيء غريب صح.
إدراكك للنور بيتوقف على قوة الحاسة وبعدك عن مصدر النور، يعني حتى ده أمر نسبي؛ لأن ببساطة النور إلا حضرتك شايفه في النهار ما هو إلا انعكاس لضوء الشمس إلي هو مجرد توهج نيراني منبثق من تفاعلات نووية، ولذلك الكوكب البعيد عن الشمس بيبقى نهاره زي الليل عندنا.
أمر نسبي بيتوقف على قوة أو ضعف الحاسة والبعد عن المصدر، يعني ببساطة لو زاد النور أكثر من قدرة احتمال الحاسة مش هتشوف ، يعني هتبقى ظلام في عز النور، ولو قل النور أضعف من إمكانية الحاسة برده مش هتشوف، ولذلك البومة ترى جيدا في الظلام؛ لأنه ببساطة الأمر بالنسبة ليها مش ظلام لأن كمية الإضاءة مناسبة لقدرة الحاسة.
ولذلك أنا بأتعجب من العلماء لما يقولوا: مفيش حياة على عطارد؛ لأنه متوهج بسبب قربه من الشمس،
طيب فين المشكلة، ما يمكن الكائنات إلا عايشة عليها مهيئة بأجسام تتحمل الحرارة العالية. شيء عجيب.
بس يمكن يقصدوا: مفيش حياة زي إلا إحنا بتعيشها، يعني مفيش بني آدمين يعني، وده لا اعتراض عليه، أما مفيش مخلوقات فلا، العلم عند الله.
ممكن يكون كل إلا ظاهر قدامك ده مجرد ذرة في عالم تاني، زي ما الذرة ممكن يكون جواها عوالم.
كل إلا ظاهر قدامك نسبي، أما الحقائق فهي دائما غيب، وعشان تخرج من دوامة النسبيات لازم تآمن بالغيب،
طبعا فاهمني،
وتقبل مروري