بصراحة عيوب ومميزات سيارتي الآن

[مهند سالم]

ساعات الواحد مننا يبقى نفسه يتكلم عن عربيته بحرية وبصراحة، يعني يفضفض، يقول كل شيء هو شايفه في عربيته، عيوبها قبل مميزاتها، ولذلك أنا سأبدأ:
عربيتي مازدا 323 موديل 1982، 1300 سي سي:
أولا العيوب:
- واطية شوية على الأرض، وإلا كان قبلي ربنا يسامحه كان مركب عتب تحت البيبان، هو شكله كويس، لكن سعادته بيحك في المطبات وخصوصا لما تكون العربية محملة.
- العربية ما بتحبش الزحمة ، لأنها لما بتمشي كثير على الأولاني في الحر والزحمة والماتور يسخن ما بيبقاش عاجبني، يعني تحس إنه مش متظبط قوي، مبرجل شوية، يعني هي مش ملحوظة قوي ، لكن حاجة مضايقاني، ويمكن عشان الموتور 1300 سي سي.
- العربية فقيرة في الكماليات، يعني ما فيهاش باور وتكييف وكدة.
- الفتيس مقرب من كرسي السواق قوي، يعني لو واحد مليان شوية إلي بيسوق يبقى وهو بيجيب الأولاني هيوسع رجله اليمين شوية، ودي برده حاجة تضايق، لأني مش لازم أعمل دايت عشان أجيب الأولاني في عربيتي.
المميزات:
- عربية ناعمة جدا، وسحبها جميل.
- ثابتة على السرعات العالية، يعني 140 مفيش مشكلة مع ثبات.
- سواقتها سهلة، يعني عربية تحببك في السواقة.
- نقلة الفتيس جميلة، يعني ممكن تغير بصوابعك.
- الفرامل بسيطة وبترجلش نفسها.
- قطع غيارها مش غالية ومش رخيصة بس الياباني منها معمر.
- قطع غيارها موجودة، سواء الجديد أو الاستيراد، طبعا هي مش في انتشار الفيات ، لكن موجودة وانتشارها كويس جدا.
- مش ضيقة، يعني رغم إنها 1300 سي سي، لكن تشيل خمسة كويس، بس مشكلة الحك في المطبات.
- استهلاكها للبنزين كويس، يعني بره البلد الصفيحة تعمل 200 كيلو، أما جوة البلد فتعمل 160 كيلو.
- تحط ليها بنزين 80 عادي، ولا يؤثر كثيرا على النعومة والسحب.
- شكلها حلو، مع جنوت سبور، وأنا بصراحة بأركب ليها اكصدامات شاهين، بتخلي شكلها حلو.

انتا كدا يا عم مهند هتخلي كل واحد يدخل يسيح لعربيته في الموضوع ده وعلي رائيك يا عم الحج اللي راح راح وانتا عامل ايه دلوقتي المهم انا عربيتي فيرنا عيوابها بامانه :

اول حاجه واطية جدا لما بركب معايا 3 ورا وواحد جنبي

ثانيا : كل شويه الاقي كاوتش عندي يتخرم مش عارف ده عيب ولا ايه حاجه تخنق والمشكله اني معبيها نيتروجين وكل شوية اروح اعبي الفردة عندي ب 5 جنيه .

ثالثا : فارملها ضعيفه نوعا ما بس انا جربتها في كذا موقف وبامانه انقذتني

رابعا : قاعدتها ضيقة في الخلف نوعا ما وده طبعا بسبب كبر حجم الشنطة

دول العيوب اللي انا شايفها فيها

بالنسبة للميزات :

اولا طبعا ماتور جبار سحب ملهوش حل استهلاك للبنزين 40 لتر بتعمل معايا 500 كيلو وبيبقي فيها عطله كتير ووقوف كتير

ثانيا عفشتها جميله جدا مش طرية زي الانوس ولا نشفة تخليك تكره نفسك في المطبات

عزلها جميل جدا اديله 8/10

طبعا كماليتها تكييف وباور وزجاج كهربا وكاسيت cd وزجاج ملون عازل للشمس وكشاف استوب خلفي

ثباتها ممتاز عن تجربة في الطريق المستقيم علي 190 كيلو لاكن انا مجربتش ثباتها في المنحنيات
لاني مبحبش اخد غرز بالعربية

قاعدتها مريحة جدا والله كانت قاعد في هيوانداي الالنترا الجديدة وقاعدتها كانت متعبة لكن لما بقعد في الفيرنا عندي بحس ان الكرسي بيحتويني بالكامل وببقي قاعد مرتاح جدا في السواقة

وانا كدا خلصت ضميري اودام ربنا

[الكشفى]

طيب ولو انى مش عايز اتكلم بس هتكلم
انا عربيتى لما بتكون ساحبة ( مش عايز حد يتخض من السرعة ) وماشية قوى 110 وكدة جايبة اخرها بس للامانة هى مريحة مش قوى وناعمة يعنى نص ونص مفيش عزل خالص طبعا مفيش باور ولا زجاج كهربائى مفيش فرامل abs مفيش وسادات هوائية العربية ثابتة قوى على الطريق لدرجة انها بتمسك فى الاسفلت بس انا مقتنع بيها وبحبها هى fiat 131 موديل 76
ptmnlo123per112ptmnlo123p er112ptmnlo123per112ptmnl o123per171ptmnlo123per171

[Devill Blood]

عموما مشكلة ال323 أنها مش منتشرة كتيرة ولكن مع التظبيطط تبقى حلوة وهى جميلة عموما وربنا يبارك لك فيها ولأنى مش بحب أرخم على مواضيع الكل لكن حاجة واحدة فعلا مصبرانى على ال128 أنها لما بتتلمع بتبقى جميلة لكن الأحلى أن الموتور بتاعها له صوت معين على الأول لما بفتح عليه بحس أنى سايق فرارى

[HaMaDa-ToUBaR]

موضو جميل والله بس انا بقى معلش هتكلم على عربيتى الى لسة بايعها من اسبوعين لان الجديد لسة مقدرش اقيمها دلوقتى.
بيجو 505

عيوبها :
1- مكنش فيها تكييف ودى حاجة انا كنت محتاجلها حجا فى الفترة الاخيرة

2- زى ما الاستاذ مهند قال مش بتحب الزحمة كان الماتور بيسخن لان مروحة التهوية بتاعتة معتمدة ع السرعة كل ما ذودت السرعة كل ما سرعة المروحة ذادت لكن وهى واقفة بتبقى زى قلتها ودة خلانى افكر فى انى احولها كهرباء زى النظام الجديد بس ملحقتش بقى

3- مصاريفها كتير وقطع الغيار الاستيراد منة بقى خردة وبالتالى كنت بتبهدل لما اعرف الاقيلها حاجة نضيفة

4- مع تواجد الضخم للسيارات الحديثة فالبيجو معتش ليها مكانة وسطها برغم من قوة ادائها الى كان مربى 3/4 العربيات الجديدة بس من حيث البرستيج وكدة كفاية عليها كدة اوى كتير خيرها بقالها عندنا 30 سنة حرام اكتر من كدة

5- كان عليها حركات فى مواقف مش وقتها خالص زى فى زفة بنت عمى الواير بتاع البنزين فصل لوحدة وطبعا كان منظر محرج مش قادر اوصفلكم قد اية بعد ما تبقى شادد فى الزفة وعامل فيها عنتر زمانك فجأة تلاقى نفسك ركنت فى وسط الطريق مستنى الفرج

استهلاكها فى البنزين كان عالى خصوصا انى كنت اهبل وبحط 92 بس فعلا كان فارق معايا جدا الصراحة وقبلما ابيعها باسبوع بدأت احطلها 80 وروحت ضبط الكهربا بتاعتها ع 80 اتلاقيت مفيش اى مشكلة باستثناء ان صوت المكنة بقى عالى شوية وبقى فيها سنة كهرباء فى الكبس وخشونة طبعا

مميزاتها :
1- واسعة جدا
2-مريحة لابعد الحدود علشانها كانت على مقصات وثباتها كان عالى لانها بتفتح العجل من ورا مع السرعات العالية والمطبات
3-عربية قوية وتتحمل جدا وياما شافت معانا بصراحة اصيلة اصيلة اصيلة
4-فيها كل الكماليات على وضعها باور-زجاج كهرباء-فتحة سقف-سنتر-ريموت وانذار انا الى ضفتهولها
5-نورها فى نظرى انا كان قوى جدا وكان عليها جوز كشافات شبورة ولا كشافات النقل
بس كدة كفاية اوى