#1
|
||||
|
||||
حد فاكر العربية دى
كان عندى احساس وانا صغير فى فترة السبعنيات ان العربية دة فيها موتور غساله وشفت منها سيارات كمان بلون البرونز وطلع ان العربية كلها مصدية بالاكصطدام كلها لونها بنى برونزى والمحرك كان فى الخلف والتابلوة حديد طبعا العربية كان طالع عنها انها تصميم مصرى وفضلت معتقد كدة سنين طويله لغاية ما شفتها اكتر من مرة فى دول اوروبا الشرقية بس اللى كنت بشوفها من غير شبك من الامام عبارة عن قطعة حديد صلب مكتوب عليها بالعربى رمسيس وديما كانوا الناس وابويا يقول العربية اللى جمال عبد الناصر صناعها وبعد كدة عرفت انها كانت خطوة ضمن المشروع القومى فى النهضة الصناعية فى مصر بتصنيع حاجات مصر بايدى محلية والاعتماد على الذات الله يرحم تخطيط مصر السليم زمان والمشروع الناصرى بالنهوض بالبلد وفعلا مصر فضلت متجهة نحو مسار لا باس بة وبدانا قبل دول كتير ومنهم كوريا اللى كانت ايامها دوله منهارة طالعة من حروب وغيرها العديد لكن شوفوا بقينا فين وهما فين العيب مش فى مصر او فينا العيب فى الناس اعداء النجاح واللى بيهدوا كل تجربة ناجحة وكل مصنع بيربح يخسرة علشان يبعوة ضمن مسلسل هزلى من المساخر والتفريط فى حقوق الشعب والملكية العامة يا خسارة الله يرحم ايام مصر ناصر مصر القومية العربية |
#2
|
||||
|
||||
رد: حد فاكر العربية دى
خسارة فعلاً ptmnlo123per144
|
#3
|
||||
|
||||
رد: حد فاكر العربية دى
انا بأيد الاستاذ لاكى مان فى الى هو قاله , العربية فعلا كانت ضمن خطة طموحة جدا لانتاج سيلرة مصرية التصنيع و التصميم , زى ما كان عندنا خطط كتيرة تانية لانتاج الطائرات و الصواريخ و المحطات النووية
بس مشروع العربية الرمسيس فشل زى كل حاجة ما بتفشل فى مصر , مش حقول الامريكان ولا اليهود ولا حتى قبائل الزمبيييبى هم السبب وراء فشل الخطط دى , واحد كان شغال فى تجميع السيارة رمسيس قال ان اول 400 عربية كانت كويسة جدا , و بعدين بدا العك !!!! على سبيل المثال ..... مفصلات الباب كانت اقل سمكا من صاج الباب نفسه , والاتنين دول اقل من صاج البودى ... فالنتيجة معروفة ..الابواب بتتخلع و مشاكل تانية كتير زى كده |
#4
|
||||
|
||||
رد: حد فاكر العربية دى
كان نفسى اشوف العربيه رمسيس دى شفتها فى فيلم لعادل امام مش فاكر اسمه بالظبط بس مكنتش متاكد هيه ولا لا
شكرا يا مان على الموضوع الجميل ولو كنا استمرينا كان زمنا بنصنع لمبورجين دلوقتى مش بنقفل عربيات كورى |
#5
|
||||
|
||||
رد: حد فاكر العربية دى
ياريتنا طورناها
كان زمانها بقت احسن من الهيونداي او الدايو لكن للاسف لسة بدري علينا |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
فية حاجة غريبة فى العربية عن 128 اتحدث | momen_bondok | منتدى الصيانة العام | 6 | 22-11-2014 03:55 PM |