استفسار هام لخبراء السيارات

[AhMeD_HassaN_2010]

السلام عليكم ورحمة الله وبركاته

نخش ف الموضوع على طول


انا معايا 80 الف جنيه ومحتار اجيب ايه

ولكن كلنا عرفين ان ف الرانج دا متاح ليا (الافيو) او (النيو اكسنت) او (الجيتز) او (اسبيرانزا M11)


فسألت ناس كتييييييييييييييير .. منهم الخبراء ومنهم اصحاب آجنصات

المهم واحد يقولى لا سيبك من دا كلو النيو اكسنت ملهاش حل قطع غيرها رخصيه ومتوفرة واحسن واضمن وامتن

بس الصراحه شايف شكلها مش اوى وزئردا كدا ..

واحد يقولى عليك وع الافيو حاجه متينه وفخمه وهى الصراحه عجبانى اوى بس المشكلة بيقولك ان القزاز اللى ورا موش كهربا وان . تكيفهها ردىء جدا . وصاجها ضعيف ..

احترت اكتر .

الجيتز مش محبزها شكلها وحش وكمان شكلها ردىء شوية ..

بالنسبة للاسبيرانزا M11 اتوهمت بيها جدا لان شكلها قمه ف الفخامه وامكانيتها ملهاش حل ..
ولكن ف الاخر ناس تقولى دي صيني سيبك منها ..


وانا اعد ادور لقيت ان فى هوندا سيتي ب 85 الف .. بس الناس قلتلى وطية وقطع غيرها مولعه ..



ارجوكم يجماعه قولولى رايكم ف الموضوع دا

لانى بجد احترت جامد ..

ولكم جزيل الشكر ..

[Ahmed Anwer]

لو فيه هوندا سييتي ب 85 الف

عليك بيها

[AhMeD_HassaN_2010]

يعني رايك اجيب الهوندا سيتي

عموما دي صورة ليها

http://img.photobucket.com/albums/v6...D/cityzx_1.jpg

ودي اسعرها

3 سي سي فول أوبشن مانيوال = 85,000 جنيه.

1.3 سي سي فول أوبشن أوتوماتيك = 92,000 جنيه.

1.5 سي سي فول أوبشن مانيوال = 97,000 جنيه.

[Ahmed Anwer]

ده الشكل القديم ؟؟؟

عموما لو لسه بتنزل تبقي كويسة

و دخل معاها في المقارنة الياريس