جدل حول "تكهين"سيارات الميكروباص

أثارت فكرة "تكهين الميكروباص" وتسليم السيارات القديمة والحصول على أخرى جديدة جدلا واسعا بين سائقى الميكروباص، فمنهم من رجح بالفكرة واعتبرها خطوة جيدة من الحكومة تجاههم، ومنهم من عارض تلك الفكرة، واعتبرها بمثابة "خراب بيوت" لهؤلاء السائقين.

"اليوم السابع" استطلعت آراء بعض سائقى الميكروباص لمعرفة أسباب قبول ورفض هذه الفكرة، وهل ستلقى إقبالا مماثلا مثل مشروع إحلال التاكسى أم لا؟
بداية يقول جمال بهيج (49 سنة) سائق إن فكرة التكهين فكرة جيدة خصوصاً لأصحاب سيارات الأجرة القديمة فهناك سيارات أصبحت لاتصلح للعمل مثل موديلات 79 فهذه الموديلات تعمل منذ 31 سنة تقريبا، وهناك صعوبة كبيرة فى تجديدها أو حتى شراء قطع غيار لها، وهى تساهم فى تلوث البيئة بسبب الانبعاثات الضارة التى تخرج منها، أو الدخان الكثيف الذى ينتج عنها.

أما السائق سيد أبراهيم (55 سنة) فهو يرفض فكرة التكهين وقال إن 99 % من سائقى الميكروباص عليهم أقساط لسياراتهم، والحكومة سو ف تأخذ السيارات القديمة بأسعار زهيدة، وتسلمنا سيارات أخرى بأسعار مرتفعة لن نستطيع تحصيل أقساطها، ولا نستطيع توفير متطلبات المعيشة أيضاً.

ويتفق معه سعيد مصيلحى فى أنها فكرة سيئة للغاية لان الحكومة ستأخد السيارة بسعر رخيص جدا، وربما تعطينا سيارات "صينى" لا تصلح للقيام بأعمال سيارات الأجرة مثل التويوتا أو المازدا لأنها ضعيفة وعمرها الافتراضى قصير.

أما عمر سعيد، سائق، يرى أن فكرة التكهين جيدة، ولكن إذا كانت بشروط لتحديد خط السير وسعر الأجرة، ولكن فى نفس الوقت لا يكون البديل السيارة الصينى الجديدة لأنها لا تتحمل مشاق العمل اليومى المستمر ويكون أقصى مدة للعمل لها سنة، ثم تبدأ الأعطال بها وما تحتاجه من تغيير قطع غيار وصيانة وخلافه.

ويرفض مصطفى محمد، سائق، فكرة التكهين ويقول، عندما تأخذ الحكومة السيارات القديمة لن تعطينا السيارات الجديدة، إلا بعد عدة أشهر، فماذا سيكون مصيرنا خلال هذه الفترة وهى المصدر الوحيد لدخل أى سائق.

[hazem_khidr]

انا شايف انها فكره جيده
خصوصا ان السيارات الترامكو و الروماني القديمه غير صالحه بالمره للاستهلاك الادمي
و الركوب فيها يعتبر اهانه للمستخدمين

[AMMI]

بصراحه المفروض يلغوا سواقين الميكروباص قبل ما يلغوا الميكروباص
فئه ملهاش كبير وكتير منهم بيبقى شارب وبلطجيه
المفروض يروحوا اى دوله متقدمه ويستوردوا منها نظام نقل بالكامل ونظام اداره
يعنى نبدأ من حيث انتهى الاخرون او بمعنى اصح نجيب ناس تفكر لنا
مثلا يوفروا اتوبيسات بمواعيد محدده ذهابا وايابا ومن كل الاماكن مع طبعاً عدم الركوب واقفاً وساعتها ممكن ناس كتير تسيب عربياتها الملاكى وتركبها وهيه رايحه الشغل

[فادى]

هو كل حاجة مش عاجبانا نعملها قانون!
لكن ان تعمل الحكومة على حل المشكلة الجذرية ده الذى لا يحدث ابدا.
يعنى هو الناس مثلا غاوية عربيات قديمة؟!
و لا ارتفاع سعر السيارات الجديدة هو اللى بيجبرهم على استخدام السيارات المستهلكة.
لو ارتفع مستوى الدخل مع انخفاض اسعار السيارات الجديدة هنلاقى التاكسيات و الميكروباصات و الملاكى كمان بتكهن لوحده بدون تدخل من ترزية القوانين.
لكن هنقول ايه, الحل الاسهل دائما قانون جديد.
كلما تواجهنا مشكلة نواجهها بقانون.
المرور متلخبط نتيجة لسوء حالة الشوارع و التخطيط.
بسيطة سيب الشوارع زى ما هى و اعمل قانون و شدد العقوبات بدلا من العمل على زيادة الكبارى و الأنفاق و تحسين وسائل المواصلات لاغراء اصحاب السيارات باستخدامها.
العربيات القديمة بتعطل الشارع. بسيطة اعمل قانون يجبر الناس على استبدالها, بدلا من العمل على خفض اسعار السيارات الجديدة و اللى معوش ميركبش.
دائما ما نلجأ للحل الأسهل.

مصيبة اساسا الموضوع ده انا لما اجي اركب ميكروباص محبش اركب التويوتا الجديدة بتغري في الجري والواحد بيبقي قاعد علي اعصابه انا كنت رايح اسكندرية بالتويوتا الجديدة والراجل كان ماشي 180 وروحت اسكندرية في ساعة وربع وهتشوفوا مصايب الميكروباصات هتزيد لو اتكهنت