عيوب لادا 2107 ادخل فوراً - مصر موتورز

amgad saeed · 27-01-2010, 10:05 PM

في كتير عاوزين يشتروا لادا 2107 و انا واحد منهم بس مترددين احنا عارفين كتير عن المميزات ولكن ايه هي اهم عيوب اللادا . من السادة ملاك لادا من واقع خبرتهم . ولكم جزيل الشكر وجزاكم الله خيراً --
لقد تم قطع باقى الموضوع لمشاهدة بقيه الموضوع اضغط للتسجيل

إضغط هُنا للتسّجيل

littlepharoe · 28-01-2010, 12:23 PM

اقتباس:

المشاركة الأصلية كتبت بواسطة amgad saeed

في كتير عاوزين يشتروا لادا 2107 و انا واحد منهم بس مترددين احنا عارفين كتير عن المميزات ولكن ايه هي اهم عيوب اللادا . من السادة ملاك لادا من واقع خبرتهم . ولكم جزيل الشكر وجزاكم الله خيراً

أنا معايا لادا 2107 مصرى موديل 2005 و كنت شاريها زيرو بصراحه عربية قويه وتتحمل الأستخدام الشاق خاصة المطبات و صاج قوى و استهلاك جيد للبنزين و أسعار قطع الغيار ممتازه.أما من ناحية العيوب مع التفكير العملى لا يوجد بها عيوب للذى يريد سيارة عمليه تؤدى الغرض بكفاءه و لكنها لا تناسب الأشخاص اللذين يبحثون عن الشكل الحديث و الكماليات و الرفاهية يعنى باختصار اللادا عربيه عملية ممتازة بالنسبه لسعرها.

geuvara_2010 · 28-01-2010, 01:09 PM

بس ماتنساش انها بتبوظ الدهر و بيتجيب ديسك بسبب الكراسي و العفشه

خالداعزالناس · 28-01-2010, 06:30 PM

يا جماعه السلام عليكم ورحمه الله وبركاته
انا عاوز اشترى سياراه لادا 2107 موديل 2010
بس سمعت ان فيه
1600 كاراباراتير
1500 انجكشن
هل الكلام دا صحيح
لان انا عاوز اشترى سياره انجكشن لانه افضل واحسن فى الاداء واستخدم ليها بنزين 90 او 92
برجاء الافاده حفظكم الله جميعا
مهندس خالد
k_1777@hotmail.com

ahmed1981 · 28-01-2010, 07:00 PM

لادا 2107 منا نوعين
1500 سي سي إنجكشن روسي وسعرها غالي قريب من سعر اللوجان (تغور اللاا 2107 قدام اللوجان)
1600 سي سي كربيراتير عاي مصري وسعرها حوالي 45000 جنيه

مشاكل لادا 2107 :

* مشكلة العفشة الأمامية (ملص البيض) وعلاجه هو تربيط العفشة والكشف عليا كل ستة أشر على الأقل
* مشكلة العومان في السرعات العالية
* ثقل الدركسيون الحجري وعلاجة أن يتم شراء السيارة بدركسيون باور
* صوت الموتور خشن وعالي وليس لذلك علاج
* عزل الصوت داخل السيارة ضايع
* لو الراكب أطول من 180 سم هيلاقي راسه في السقف

خالداعزالناس · 06-02-2010, 09:06 AM

شكرا الاخ احمد على الرد
على كدا اللوجان انضف فى
الشكل - المحرك - التقنيه - الاداء - المظهر الداخلى - المظهر الخارجى - بس فى مشكله تانيه
ان السياره اللوجان سياره جديده على مصر
فهل قطع الغيار متوفره ورخيصه او لا
وهل هى سياره مناسبه فى مصر - لان تقريبا فى سيارات تانيه تقريبا نفس السعر ومعروفه جدا فى مصر - وهى سيارات كتير - واهمها اللانوس والفيرنا والمبيعات للسيارتين تؤكد الكلام دا

ahmed1981 · 06-02-2010, 08:20 PM

اقتباس:

المشاركة الأصلية كتبت بواسطة خالداعزالناس

شكرا الاخ احمد على الرد
على كدا اللوجان انضف فى
الشكل - المحرك - التقنيه - الاداء - المظهر الداخلى - المظهر الخارجى - بس فى مشكله تانيه
ان السياره اللوجان سياره جديده على مصر
فهل قطع الغيار متوفره ورخيصه او لا
وهل هى سياره مناسبه فى مصر - لان تقريبا فى سيارات تانيه تقريبا نفس السعر ومعروفه جدا فى مصر - وهى سيارات كتير - واهمها اللانوس والفيرنا والمبيعات للسيارتين تؤكد الكلام دا

اللوجان من حيث المساحة الداخلية أوسع من الفيرنا ومن اللانوس
بالنسبة لتوفر قطع غيار اللوجان فأنا غير متأكد أو متابع
ممكن حضرتك تحاول تسأل في محلات قطع الغيار حتى تعرف مدى إنتشارها

حسن بكر · 06-02-2010, 11:17 PM

شكرا على الأراء الجميلة مع أني وجدتها غير كافية عن ما أعرفه . أنا كنت بصدد شراء لادا وجاري البحث عن أي معلومات عن الادا

خالداعزالناس · 07-02-2010, 06:30 AM

شكرا الاخ العزيز / احمد على الرد
انا شايف على فكره سيارات صينى كتير نازله وبسعر مناسب - بس انت وانا والنا س عارفه ان قطع الغيار بتكون محصوره على الوكيل - وطبعا التقفيل غير جيد بالمره - وانت عارف اكتر حاجه صينى حلوه الايام دى - المتراوح اسعارها فى حدود 70000 - من السيارات برليانس - شيرى - جاك

ahmed1981 · 07-02-2010, 05:26 PM

الموضوع محير فعلاً