|
#1
20-01-2010, 06:52 PM
|
||||
|
||||
|
تقرير عن هيونداى النترا 2010 (لولى)
شكرا جزيلا على كل اللى باركولى على العربيه وبصراحه انا استفدت اقصى استفاده من منتدانا الرائع ده وخبراءنا
نخش عالجد العربيه اول مبادورها بتدينى مع الكونتاكت اشاره esp معناها ايه هى حاجه فى الفرامل؟ والحاجه التانيه لقيت عند الدريكسيون من تحت زرار مكتوب عليه trip هو ده خاص بكمبيوتر الرحلات ؟ معلشماقريتش الكتالوج مش لاقى وقت اهرش الاضاءه السماوى فى التابلوه بصراحه تحفه وخصوصا بالليل باحس انى قاعد فى اوضه النوم النهارده نزلت اركب فرش للعربيه وجبته بيج زى اللون الاصلى فيها انا جبته جلد طبيعى وقماش وقطيفه ميكس كده من شارع دمشق اسعارهم عاليه بس تركيب وخامات حلوه انا اتكلمت عن عفشتها والعزل بس هاقول تانى عفشه ناعمه وعزل جميل نقلات الفتيس ناعمه بس عصايه الفتيس كبيره هاتبقى احلى لو ضغرت بس المسافات بتاعتها قصيره رياضيه الى حد ما لامؤاخذه راجعلكوا تانى انا سافرت بيها امبارح نويبع حوالى 470 كيلو عملت بالظبط 23 لتر على سرعه 90 او 100 كيلو فى الساعه اظن قشطه كده قوى مع ملاحظه ان المهندس احمد صاحبى معاه سيراتو اتوماتيك 2010 وبتعمل معاه حوالى 35 لتر لحد 38 لتر بس هو بيفتح سرعه لانها متلينه معاه انا عربيتى مانيوال انا هاطلب اللجوء السياسى لكوريا الجنوبيه       التعديل الأخير تم بواسطة AbOnOrA ; 18-02-2010 الساعة 04:17 AM سبب آخر: اضافة وتصحيح الصور ودمج المكرر وتوضيح العنوان 
|
|
#4
20-01-2010, 08:35 PM
|
||||
|
||||
رد: تقرير عن اللولى 2010
اولا الف مبروك و ربنا يباركلك فيها
ثانيا لرفع الصور خش علي الموقع ده و ارفع الصور عليه http://imageshack.us/ بعد كده تاخد اللينك بتاعت الصورة و تحطها علي المنتدي من خلال ايكون اضافة الصورة اللي هتفتحلك ويندو تانية تحط فيها اللينك. ثالثا لو انا مش غلطان عربيتك الانترا و الانترا مفيهاش esp علي الاقل في مصر و العلامة اللي بتطلعلك اول ما بتدور دي تخص نظام الباور ستيرنج مش الفرامل و ممكن تتاكد من الكتالوج في انتظار الصور و التقييم الكامل و الف مبروك تاني
__________________
Sharief Mansy
 Farewell my Cayenne, you were the best car i ever had and driven
|
 |
| أدوات الموضوع | |
|
|
