العودة   مصر موتورز مجتمع السيارات > منتديات السيارات العامة > رياضة المحركات

رياضة المحركات ساحة خاصة باخبار سباقات السيارات وتعريف بها وقواعدها واخبارها ونجومها


إضافة رد
 
أدوات الموضوع
  #1  
قديم 02-11-2009, 01:11 PM
الصورة الرمزية حازم شاهين
حازم شاهين حازم شاهين غير متواجد حالياً

من انا؟: متسامح و حسن النية
التخصص العملى: محاسب
 
تاريخ التسجيل: May 2009
الموقع: بورسعيد
المشاركات: 3,739
حازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond repute
افتراضي حصاد سريع لموسم فورميلا 1 2009

29 مارس
سباق استراليا

ظهرت مشكلة الجناح الخلفى المزدوج من أول يوم و فرارى و كام فرقة تانية صعدت الموضوع و وصل للمحاكم
السباق كان ممتع و بيدى إنطبا إن سنة 2009 مش هتكون مملة أبدا
حصلت مشكلة بين هاميلتون و ترولى أدت فى الأول لإعطاء هاملتون المركز الثالث و بعدين استبعد تماما علشان فريقه ضل التحقيق

السباق شهد مفاجأة إكتساح فريق براون فى أول مشاركة و تحقيقة نتيجة مثالية أول و تانى
كمان تويوتا حققت تالت و رابع لكن بقرار من المارشال
توروروسو حقق نقاط مزدوجة و فرارى حققت صفر مزدوج هى و مكلارين و ريد بول و بى إم دبليو

المنصة

1 - جينسون باتون - براون مرسيدس
2- روبنز باريكيلو - براون مرسيدس
3- يارنو ترولى - تويوتا

5 إبريل
ماليزيا

المطر كان شديد و معرفوش يكملو السباق أنهوه بعد 31 لفة من أصل 56 لفة و النقط نقصت النص يعنى الفائز أخد خمس نقط فقط

خيبة الفرارى إستمرت .... هم عموما ضعاف فى المطر و معاهم الرينو و تورو روسو و فورس إنديا
لكن نجاح البراون كمان إستمر و حققو الأول و الخامس و كمان تويوتا حققو التالت و الرابع للسباق التانى على التوالى
البى إم دبليو قدرت تاخد المركز التانى

المنصة

1 - جينسون باتون - براون مرسيدس
2- نيك هايدفيلد - بى إم دبليو
3- تيمو جلوك - تويوتا

19 إبريل
الصين

تلات فرق إحتكروا السباق تقريبا و ورا بعض
ريد بول 1،2 و براون 3،4 و ماكلارين 5،6
و مركزبن بالنقاط لتويوتا و توروروسو

معنى كده إن فرارى فى الغيبوبة صفر كبير مدور - كمان رينو - و ويليامس و بى إم و فورس إنديا
الناس إبتدت تتكلم على الفرارى و إن إمبراطوريتها و سيطرتها إنتهت

المنصة

1-سباستيان فيتل - ريد بول
2- مارك ويبر - ريد بول
3- جينسون باتون - براون مرسيدس

26 إبريل
البحرين

لأول مرة تبتدى تبان ملامح معركة 2009 فيه متصدر (باتون) و فيه متحدى (فيتل) و ترتيبهم فى البحرين كان واحد و إتنين كمان تويوتا توصل للمنصة للمرة الرابعة
أخيرا فرارى تسجل نقط بس بسيارة واحده عن طريق كيمى رايكونن و المركز السادس
النقاط المزدوجة لبراون 1،5 و تويوتا 3،7

فشل للبى إم و الويليامز و توروروسو و فورس إنديا

المنصة

1 - جينسون باتون - براون مرسيدس
2-سباستيان فيتل - ريد بول
3- يارنو ترولى - تويوتا


10 مايو
أسبانيا

مرة تانية نشوف سيطرة فريقين على معظم النقاط براون 1،2 و ريد بول 3،4
و بكده كمان بانت ملامح تحديات بطولة الصانعين إللى غالبا هتكون بين براون و ريدبول و تيوتا بس من بعيد

كمان فيرارى سجل نقط بس مع ماسا و المركز السادس و كمان ألونسو مع رينو فى المركز الخامس

تويوتا مقدرتش تحافظ على نجاحها و خرجت بدون نقاط و معاها مكلارين و فورس إنديا و توروروسو

المنصة

1 - جينسون باتون - براون مرسيدس
2- روبنز باريكيلو - براون مرسيدس
3- مارك ويبر - ريدبول

24 مايو
موناكو

استمرار سيطرة باتون و براون و تحقيقهم المركز الأول و التانى لكن الجديد كان فى عودة فيرارى مع نقاط مزدوجة لرايكونين و ماسا و كمان منصة المركز التالت لرايكونن و الرابع لماسا

الظاهر المعاناة سابت الفيرارى و بقت من نصيب مكلارين و بى إم دبليو إللى خرجو صفر اليدين


المنصة

1 - جينسون باتون - براون مرسيدس
2- روبنز باريكيلو - براون مرسيدس
3- كيمى رايكونن - فيرارى


7 يونيو
تركيا

باتون يحلق وحيدا لكن ثنائى ريدبول يلاحقه هو ده كان شكل المنصة فى تركيا كمان كان معاهم تويوتا بنقاط مزدوجه لكن من بعيد
باتون بكده قدر يحقق ست إنتصارات من أصل سبع سباقات من بداية الموسم و أعلن عن إنه البطل القادم لا محالة لكن هل هيقدر يكمل بنفس المستوى ؟؟
فرارى رجعت تانى تاخد مراكز بعربية واحدة فقط و معاها بى إم و ويليامز

الفشل إستمر يلاحق مكلارين و معاه رينو

المنصة

1 - جينسون باتون - براون مرسيدس
2- مارك ويبر - ريد بول
3- سباستيان فيتل - ريد بول


21 بونبو
بريطانيا

المرة دى ريد بول هى إللى سيطرت على السباق بالمركزين 1،2 لكن برضة فريق براون كان موجود فى المراكز 3 ،6 و كمان فيرارى فى المراكز 4 ،8

ابتدى يبان إن باتون مريح شوية و مش عايز يضغط كتير
مكلارين مازالت فى مشاكل مزدوجة
و كمان رينو و بيى إم دبليو

المنصة

1-سباستيان فيتل - ريد بول
2- مارك ويبر - ريد بول
3- روبنز باريكيلو - براون مرسيدس


12 يوليو
ألمانيا

كلاكيت تالت مرة فوز مزدوج لريد بول مع تبديل المراكز فقط و كلاكيت تانى مرة منصة لفيرارى لكن مع ماسا و كمان نقاط مزدوجه للبراون فى المراكز 5 ،6
و أخيرا نقاط لرينو و مكلارين فى المراكز 7 ، 8

المرة دى تيوتا هى إللى غابت و معاها بى إم دبليو

المنصة

1- مارك ويبر- ريد بول
2-سباستيان فيتل - ريد بول
3- فيليبى ماسا - فيرارى


26 يوليو
المجر

أبرز ما فى السباق محصلش فى السباق الصراحة
حصل فى التأهيل للسباق و هو الحادثة الخطيرة إللى حصلت لفليبى ماسا لما قطعة من سيارة باريكيلو طارت و خبطت فى خوذة ماسا و سببتله إرتجاج فى المخ و فقدان للوعى و استلزم الموضوع لعملية جراحية و العناية المركزة و الإستبعاد من السباقات لأخر الموسم

أما نتيجة السباق فكانت شبه نتايج سباقات أعوام 2007 و 2008 يعنى رجع تانى هاميلتون مع مكلارين و فاز بالسباق و كان بيطارده كيمى رايكونن بالفيرارى منظر شفناه كتير بس مش فى 2009
ويبر قدر يحقق المركز التالت لريدبول
مكلارين كمان قدرت تاخد نقط بمركز كوفالاينن الخامس أما براون فحققت أسوأ نتيجة فى الموسم باحتلال باتون المركز السابع و االعاشر لباريكيلو

الفشل كان من نصيب رينو و بى إم دبليو كمان فيتيل مقدرش يكمل السباق

المنصة

1- لويس هاميلتون - مكلارين مرسيدس
2- كيمى رايكونن - فيرارى
3- مارك ويبر - ريد بول

أجازة الصيف

فيرارى بتدور على سائق بدل ماسا
فى الأول شوماخر
و بعدين إعتذر
و بعدين بادوير سائق التجارب

فيرارى عايزة تدخل عربية تالتة للسباق لكن فيه رفض للموضوع
بى إ دبليو هتنسحب من الفورميلا 1

مشاكل لرينو بسبب سباق ماليزيا 2008 و تحقيقات و بلاوى

23 أغسطس
اوربا - فالينسيا - أسبانيا

نقدر نقول فى السباق ده تأكدت عودة مكلارين بقوة و مرة تانية شوفنا مطاردة بين هاميلتون و رايكونن لكن على المركز التانى و التالت علشان المركز الأول كان محجوز لباريكيلو
جينسون باتون ماشى فى السلانسية بيجمع نقط من غير ما يضغط على نفسه و فى المركز السابع

مكلارين و براون حققو نقاط مزدوجه 1،7 لبراون و 2،4 لمكلارين
تويوتا بدون أى نقاط

المنصة

1- روبنز باريكيلو - براون مرسيدس
2- لويس هاميلتون - مكلارين مرسدس
3- كيمى رايكونن - فيرارى


30 أغسطس
بلجيكا


بعد لما الحوادث و الأعطال حصدت أهم المنافسين (باتون -هاميلتون-ألونسو) قدرت فيرارى أخيرا إنها تفوز بالسباق الأول و الأخير فى موسم 2009 بواسطة كيمى رايكونن إللى هو كمان هيومض الومضة ما قبل الأخيرة فى 2009 قبل ما يقولوله باى باى
لأن الأخبار كانت بتقول إن ألونسو و ماسا هم إلى هيسوقو لفيرارى فى الموسم القادم و إن كيمى باى باى ........... بصراحة خسارة لكن الرعاه و الفلوس هى إللى بتتحكم

المفاجأة كمان كانت فى فيزيكيلا مع فريق فورس إنديا حقق المركز التانى بعد أما كان متصدر للمراحل الأخيرة
فيتيل قدر يعوض إخفاق السباق الماضى و يفوز بالمركز الثالث الغريب إن فريق بى إم دبليو بيسجل نقاط مزدوجة فى المراكز 4،5 لأول مرة فى الموسم بعد ما الفريق قرر يودع

إستمرت معاناة تويوتا و رينو

المنصة

1- كيمى رايكونن - فيرارى
2- جانكارلو فيزيكيلا - فورس إنديا مرسيدس
3- سباستيان فيتل - ريد بول


13 سبتمبر
إيطاليا

الجماهير كانت منتعشة علشان فيزيكلا إنضم لفيرارى و هو أول إيطالى يسوق لفيرارى من كذا سنه
و كانو ممنتظرين منه الكثير و خصوصا بعد المركز الثانى إللىحققه فى بلجيكا لكن مجريات السباق ما ميشيتش معه و كمان العربية جديدة عليه

فريق بران قدر تانى يرجع و يحقق فوز مزدوج بمركز أول و تانى باريكيلو فاز بالمركز الأول و باتون رد على إللى قالوا عليه نام فى العسل بالمركز التانى
الإيطاليين فرحو برضه لما رايكونن حقق المركز التالت مع فيرارى و هى دى الومضة الأخيرة لفيرارى فى الموسم السيئ ده و لرايكونن مع فيرارى لكن فيزيكيلا مقدرش يحقق أى نقط و إحتل المركز التاسع
فورس إندبا قدرت تحقق ظهور تانى كويس لما أدريان سوتيل حقق المركز الرابع
كمان هايدفيلد حقق نقط لبى إم بعد فوات الأوان ... كان فين الكلام ده من الأول
الونسو ماشى و بيحقق نقط لرينو رغم الفضايح
ويليامز و تويوتا بدون أى نقط

المنصة


1- روبنز باريكيلو - براون مرسيدس
2- جينسون باتون - براون مرسيدس
3- كيمى رايكونن - فيرارى

27 سبتمبر
سنغافورة

سنغافورة يعنى فضايح رينو
يعنى طرد نيلسون بيكيه
يعنى فوز بالزور لألونسو
يعنى إقاف مدى الحياة لبيرياتور مدير رينو
لكن كل ده كان على سباق 2008
إللى حصل فى 2009 غير

هاميلتون يضرب من جديد و يفوز بالسباق التانى ليه فى موسم 2009 و مكلارين كمن عادت بنقاط مزدوجه علشان كوفالاينن فى المركز السابع
براون بتقرب من ألقاب بطولة السائقين و الصانعين و بتلم نقط مزدوجه بالمركز الخامس لباتون و السادس لباريكيلو
الغريب إن بعد النوم الطويل لتويوتا رجعو تانى و حققو المركز التانى بسيارة تيمو جلوك
أما ألونسو فأخيرا حقق منصة بالمركز التالت و رينو إهداء إلى روح الفقيد بيرياتور (الأب الروحى لألونسو فى الفورميلا)

فيرارى رجعت تانى لحكاية الصفر المدور و معاهم ويليامز و فورس إنديا

المنصة

1-لويس هاميلتون - مكلارين مرسيدس
2- تيمو جلوك - تويوتا
3- فرناندو ألونسو - رينو


4 أكتوبر
اليابان

لأول مرة السبعة الأوائل من سبع فرق مختلفة
و بداية سيطرو ريد بول على المركز الأول لنهاية الموسم فريق براون لما ما بيكسبش بيلم نقط
فيتل شعللها و فاز بالمركز الأول علشان يقرب من باتون فى صدارة الموسم ترولى رجع ذكرى المنصات لتيوتا و حقق المركز التانى لويس هاميلتون و استمرار التألق المتأخر و المركز التالت
رايكونن كمان حقق المركز الرابع لفيرارى
روزبيرج الخامس للويليامز
هايدفيلد السادس للبى إم دبليو
و أخيرا فريق براون السابع و الثامن باريكيلو و باتون

رينو بدون نقاط
و فيزيكيلا لسه مش عارف يستغل الفيرارى كويس

المنصة


1-سباستيان فيتل - ريد بول - رينو
1- يارنو ترولى - تويوتا
3- لويس هاميلتون - مكلارين مرسيدس

18 أكتوبر
االبرازيل


أخيرا تأكد فوز جينسون باتون ببطولة العالم بعد ما قدر يجمع أربع نقط و هو كان محتاجهم كمان فيتيل مقدرش يفوز و هو كان لازم يفوز بالسباقين المتبقيين و باتون ما يحققش أكتر من تلات نقاط علشان يكسب البطولة
الملاحظ إن من بعد السباق السابع باتون نام فى العسل و إتسحب بالراحة لغاية ما كسب بطولة العالم نقدر نقول إنه كسب بطولة العالم فى النصف الول من الموسم فقط

المهم النتايج
استمرار فوز ريد بول لكن مع مارك ويبر وأما المركز التانى فلروبرت كوبيكا لفريق بى إم دبليو إللى ما إتحسنش أداءه إلا لما قرروا ينسحبو أو يبيعوه و أخيرا استمر تألق هاميلتون المتأخر لكن المفيد جدا له و لفريقه فى الترتيب و غحتل المركز التالت فى السباق و قدر يخلى فريقة ياخد المركز الرابع من فريق فيرارى فى بطولة الصانعين
زى ما قولنا فيتيل رابع باتون خامس بطعم بطولة العالم و كيمى السادس لفيرارى و الراجل عامل إللى يقدر عليه و الله ما قصر
و عودة تورو روسو للنقط بالمركز السابع إللى حققه بويمى أما باريكيلو فأخد أخر نقطة بالمركز الثامن
تويوتا و ويليامز و رينو بدون نقط

المنصة

1- مارك ويبر - ريدبول رينو
2- روبيرت كوبيكا - بى إم دبليو
3- لويس هاميلتون - مكلارين مرسيدس


1 نوفمبر
أبوظبى - الإمارت


أحلى و أحدث حلبة فى العالم
تتويج فريق براون بالبطولة من أول مشاركة
علشان نفتكر بس
فريق براون قايم على حطام فريق هوندا
فريق هوندا كانت خيبته خيبة
و نتائج يوك
لكن إشتراة السيد براون و رمى محركات هوندا و استبدلها بمحركات مرسيدس إستثنائيا
و أضاف شوية تعديلات ثوربة
و كسب بطولة العالم ......................... ....

النتائج

فريق ريد بول بذل أقصى ما يمكن علشان يقدر يثبت تفوقه على فريق براون
لكن فريق براون كان لهم بالمرصاد
و الدليل الأول و التانى فيتيل و ويبر من ريد بول و التالت و الرابع باتون و باريكيلو من براون

تويوتا أحرزت نقاط مزدوجه هى كمان مع السائق الجديد اليابانى كاومى كوبايشى و ترولى
بى إم بتودع السباقات بنقاط حققها هيدفيلد

فيرارى و مكلارين زى ما بدأو الموسم بصفر كبير أنهوه بصفر أخر
و معاهم ويليامز و رينو

المنصة

1- سباستيان فيتل - ريدبول رينو
2- مارك ويبر - ريدبول رينو
2- جينسون باتون - براون مرسيدس
رد مع اقتباس
  #2  
قديم 02-11-2009, 01:30 PM
الصورة الرمزية حازم شاهين
حازم شاهين حازم شاهين غير متواجد حالياً

من انا؟: متسامح و حسن النية
التخصص العملى: محاسب
 
تاريخ التسجيل: May 2009
الموقع: بورسعيد
المشاركات: 3,739
حازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond repute
افتراضي رد: حصاد سريع لموسم فورميلا 1 2009

نجوم 2009


روس براون صاحب و مدير فريق براون بطل العالم للصانعين و السائقين
،
،


بطل العالم 2009
،
،


سباستيان فيتل وصيف بطل العالم سائق ريد بول
،
،


روبنز باريكيلو ثالث بطولة العالم أكبر المتسابقين سنا
،
،


مايكل شوماخر بطل العالم السابق كان من نجوم 2009 عندما قرر العودة من الإعتزال لتعويض غياب فليبى ماس ثم إعتذر
،
،


فليبى ماسا سائق فيرارى تعرض لحادث قاتل فى منتصف الموسم منعه من إكمال الموسم
،
،




فلافيو برياتورى مدير فريق رينو السابق صاحب فضيحة سباق سنغافورة 2008 أوقف مدى الحياة
رد مع اقتباس
  #3  
قديم 02-11-2009, 02:28 PM
الصورة الرمزية حازم شاهين
حازم شاهين حازم شاهين غير متواجد حالياً

من انا؟: متسامح و حسن النية
التخصص العملى: محاسب
 
تاريخ التسجيل: May 2009
الموقع: بورسعيد
المشاركات: 3,739
حازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond repute
افتراضي رد: حصاد سريع لموسم فورميلا 1 2009

ترتيب بطولة السائقين
1- جينسون باتون - بريطانى - 95 نقطة
2- سباستيان فيتيل - ألمانى - 84 نقطة
3- روبنز باريكيلو - برازيلى - 77 نقطة
4- مارك ويبر - أسترالى - 69.5 نقطة
5- لويس هاميلتون - بريطانى - 49 نقطة
6- كيمى رايكونن - فنلندى - 48 نقطة
7- نيكو روزبيرج - ألمانى - 34.5 نقطة
8- يارنو ترولى - إيطالى - 32.5 نقطة
9- فرناندو ألونسو - إسبانى - 26 نقطة
10- تيمو جلوك - ألمانى - 24 نقطة
و الباقى ماسا - كوفالاينن - هيدفيلد - كوبيكا - فيزيكيلا - بويمى - سوتل - كوبايشى - بورديه





ترتيب الصانعين
1- براون مرسيدس
2- ريد بول رينو
3- مكلارين مرسيدس
4- فيرارى
5- تويوتا
6- بى إم دبليو ساوبر
7- ويليامز تويوتا
8- رينو
9-فورس إندبا
10- توروروسو
رد مع اقتباس
  #4  
قديم 02-11-2009, 08:40 PM
الصورة الرمزية hazem_khidr
hazem_khidr hazem_khidr غير متواجد حالياً

من انا؟: انا مهما كبرت صغير ..انا مهما عليت مش فوق !!!!
التخصص العملى: محاسب و صاحب مصنع ملابس
هواياتي: السيارت و شغف القياده
 
تاريخ التسجيل: Jun 2008
الموقع: جمهوريه مصر العربيه.المحله الكبري
المشاركات: 8,325
hazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond repute
افتراضي رد: حصاد سريع لموسم فورميلا 1 2009

شكرا جزيلا حازم باشا
موسم السنادي كان صعب و ممل و ملئ بالاحداث الغامضه
اتمني اشوف عوده قويه للفيراري في موسم 2010
__________________

حـازم خـضـر




رد مع اقتباس
  #5  
قديم 04-11-2009, 01:39 AM
الصورة الرمزية SuMo
SuMo SuMo غير متواجد حالياً

مشرف قسم رياضة المحركات

 
تاريخ التسجيل: May 2008
الموقع: Cairo
المشاركات: 994
SuMo has a reputation beyond reputeSuMo has a reputation beyond reputeSuMo has a reputation beyond reputeSuMo has a reputation beyond reputeSuMo has a reputation beyond reputeSuMo has a reputation beyond reputeSuMo has a reputation beyond reputeSuMo has a reputation beyond reputeSuMo has a reputation beyond reputeSuMo has a reputation beyond reputeSuMo has a reputation beyond repute
افتراضي رد: حصاد سريع لموسم فورميلا 1 2009

و حتى الان لم تتحدد وجهة كيمى رايكونن ptmnlo123per144
__________________

www.darelhasanat.jeeran.com
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 12:06 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017