مياه الريداتير ومعدل نقصانها

[abo adhm]

بعد مساء الخير--- كنت سالت عن عداد الحراره والخوه الأفاضل اجابوني و1000 شكر ليم ----ولكن انا ليا ناس اصحابي قا لولي ان العربيات الجديده نادرا لما تزودها ميه لأن معامل التبخير شبه منعدم ؟لأنها بتيجي بميه المصنع--- يعني واحد فيهم قال ان هو عمره ما زود الميه عربيته ميجان ---- لكن انا مش مصدق ---يمكن لما بيروح التوكيل بيظبطوهاله وهو مش واخد باله؟ انا بربيتي سيراطو جديده واميه فيها قريبه من اللو فهل ازودها انا ؟ والا استني لما اروح مركز الخدمه؟ ايه راي حضرتك في الكلام ده؟

[AbOnOrA]

خير يا ابوادهم ان شاء الله ممكن يكون غطاء الريداتير كان مهوى شويه ولا القربه مفتوحه
انت ممكن تزود ميه بنفسك عادى مش محتاجه توكيل
يفضل تزود ميه للقربه فى الريداتير (علشان كتر فتح وقفل غطاء الردياتير بيبوظه)
ممكن تستخدم الميه العاديه فقط / ميه عاديه + مانع صداء / ميه خضراء مخففه
علشان تزود ميه والعربية سخنه لازم تبقى دايره اوعى تزود ميه والعربية سخنه ومبطله
لو العربيه بارده خالص (لسه متحركتش بيها خالص) ممكن تزود ميه للقربه بس افضل تعود نفسك متحطش ميه الا وهى دايره
بعد ما تزود الميه شوف معدلها بيقل ولا لاء لو خلصت فى اقل من شهر يبقى فيه فاقد كبير ولازم يتكشف عليها

اهم اسباب نقصان الميه
- غطاء الريداتير مش سليم
- ثقب فى الريداتير او خراطيم التوصيل
- مشكله داخليه فى المحرك

بس هو فى الغالب مفيش حاجة وعايزه تتزود بس ان شاء الله

[mostafa2000]

دايما كدة يابو نورة محدش يعرف يضيف اي رد بعدك
ربنا يكرمك

[فادى]

ده يعتمد على تصميم السيارة,
التصميم الأول و المعتمد فى غالبية السيارات الحديثة هو دورة المياه المغلقة, حيث تعمل دورة المياه تحت ضغط و لا يوجد غطاء للرادياتير أو يكون الغطاء بلا سوسته, لا تسمح هذه الدورة بتسرب المياه و يكون النقصان شبه منعدم.
التصميم الثانى و هو الموجود فى اغلب سيارات فيات القديمة و بعض السيارات القديمة تكون الدورة مفتوحة, حيث يوضع غطاء رادياتير مزود بسوسته, و تعمل دورة التبريد الى درجات حرارة عالية مما يؤدى الى تكون بخار الماء تحت ضغط عالى, لذا فان غطاء الرادياتير المصمم بحيث يفتح تحت ضغط معين لهذا البخار يسمح بتسرب بعض الأبخرة الى الجو, و غالبا ما تحتاج هذه السيارات الى تزويد المياه بما يوزاى فنجان قهوة كل شهر أو أقل بحسب الاستخدام, و لكن المحرك يكون أكثر كفاءة.
لو غطاء الرادياتير عندك مزود بسوسته يبقى هتحتاج الى تزويد المياه كل فترة بمعدل قليل و ده شىء طبيعى.

[EgyZizo]

المشاركة الأصلية كتبت بواسطة فادى و غالبا ما تحتاج هذه السيارات الى تزويد المياه بما يوزاى فنجان قهوة كل شهر أو أقل بحسب الاستخدام

فنجان قهوة ايه يا راجل يا طيب ..
أنا الـ 128 بتاعتى بتاخد على الأقل لتر كل أسبوع