سواقه عربيه اللادا 2107

[pro mada]

الموضوع ده يا جماعه انا عامله عشان اي حد جرب سواقه عربيه اللادا 2107 دي يدخل و يقول تجربته عشان نضحك شويه معاه ايه رأيكو ؟؟؟؟؟؟؟؟؟؟
مستني ردودكم

[tareksakr]

انا سقت العربية دي لمدة سنة وكنت اول مرة اعمل حادثة كان بيها وكانت في التجمع الخامس العربية كانت لسة زيرو مو 2004 كنت ماشي في التجمع والطريق فاضي جدا ولا عربية ادامي أو ورايا وماشي بالراحة 20 كم في الساعة يادوب بطلع ورقة ابص علي العنوان والعربية في خط مستقيم غفلت عن الطريق يادوب ثانية أبص علي العنوان في الورقة وفقت علي صوت خبطة جامدة اتاريني طلعت فوق الرصيف بدون اي مقدمات الحمدلله ماحصلش حاجة غير ان امروحة التبريد اتكسرت

[dr_3eshoo]

من اقوى ماداست رجليا
عارف يعني ايه تركب عربيه ماتخفش لا منها ولا عليها
قطع غيار ببلاش اخرك سته جنيه 7 جنيه
ماغيرتش فيها مسمار ماورهاش حاجه غير انك تكسر فيها وبس
بس مره الاسطوانه و الديسك باظوا في شارع رئيسي المهم اعمل ايه و الشارع واقف قمت سبت العربيه في نص الشارع و نازل لقيت العسكري بيقولي انت بتعمل ايه امشي قولتله بايظه قالي اتصرف ركبت العربيه و عشقت تاني و دورت العربيه و مشيت روحت للميكانيكي معرف نزل تحت العربيه و عمل ايه ماعرفش المهم قالي دور و امشي و اخد مني 30 جنيه
مره مونتها 80 و 90 و 92 عشره لتر و عشره لتر و عشره لتر و كنت بهيس ساعتها
سافرت بيها لمطروح و رجعت و كنت طاير بيها ورا الحج كان معاه نوبيرا و ماشي 140 طبعا و صلت دمياط كانت بترج و هيا طالعه مش عارف ليه
يوم ما اتباعت وصلت لاخر الشارع و بطلت و الي اخدها مني ماعرف يمشيها الا لما انا جيت و مشيتها
بس و الله الله يرحم ايامها كنت بعشق العربيه دي و لازلت بعشقها لحد النهرده

[fezo]

انا ركبت ال 2105
عربية محترمة قطع غيارها رخيصة
و بأقل مصاريف ممكن تظبطها و تخليها عروسة

بس بتستحمل كتييييييييييير
أنا لسة واخد بيها حتة مطب عاااالى مكنتش شايفه و كنت ماشى بسرعة
سمعت شويه خبط و قت ما كنت طاير و نزلت بس مشيت بعد كدة مشيت بسرعة عادى

أنا لسة هجيب عربية فى القريب العجل بس مش عارف هتستحمل زيها ولا لا

[fezo]

بس انت ليه يا برومادا ما قلتش تجربتك ولا رأيك أنت؟؟؟!!!