محتاج راى اصحاب الخبره فى بونتو 94

[محمد اوبل]

السلام عليكم قدامى عربيه فيات بونتو موديل 94 بحاله شاذه جدا مانيول بدون اى كماليات بس فبريكه بالكامل بره وجوه وعداد 40 الف كم فقط واستخدام راقى جدا بس صاحبها ماسك على 40 الف جنيه وانا مش عايش فى القاهره حاليا انا فى الصعيد وهى ملهاش قطع غيار عندنا نهائى وعارف انها كعربيه وحاله محترمه جدا بس خايف من قطع غيارها وانها مش مكيفه هى مجهزه فقط للتكييف بس انا اخرى 42 الف جنيه فى السعر ومش لاقى حاله ممتازه فى السعر ده للاسف ارجو الافاده من الساده الاعضاء واصحاب البونتو وجزاكم الله كل خير على الافاده

[AbOnOrA]

مفيش كلام اكتر من اللى حضرتك قولته بنفسك هى عربيه محترمة خاصة لو بالحالة ديه بس محترمة عند اللى يقدرها انما غير كدة هى عربيه زى اى عربيه ولو مفيش قطع غيار وصيانة سهله هتبقى عيوبها اكتر من مزاياها بكتير فنصحيتى تشوف حاجة عملية اكتر ومتكونش هتستهلك كل ميزانيتك علشان لما تيجبها يبقى معاك تصرف عليها لان مهما كانت الحالة اى عربيه مستعملة بتبقى محتاجة مصروف
ومبروك مقدماً ان شاء الله

[محمد اوبل]

المشاركة الأصلية كتبت بواسطة AbOnOrA مفيش كلام اكتر من اللى حضرتك قولته بنفسك هى عربيه محترمة خاصة لو بالحالة ديه بس محترمة عند اللى يقدرها انما غير كدة هى عربيه زى اى عربيه ولو مفيش قطع غيار وصيانة سهله هتبقى عيوبها اكتر من مزاياها بكتير فنصحيتى تشوف حاجة عملية اكتر ومتكونش هتستهلك كل ميزانيتك علشان لما تيجبها يبقى معاك تصرف عليها لان مهما كانت الحالة اى عربيه مستعملة بتبقى محتاجة مصروف ومبروك مقدماً ان شاء الله

الف شكر يا ابو نورا انت راجل محترم انا فعلا محتاااار جدا وكل العربيات اللى بجربها مش بتكون بالحاله اللى فى بالى وده اللى شدنى فى البنتو رغم موضوع قطع الغيار بس على العموم انا بصلى استخاره ولو فيه نصيب فى البنتو او غيرها هكتب تقرير باذن الله عشان الاستفاده ينتفع بها الجميع وربنا يجازيك خير