تقرير مزاجنجى المصور لمعرض 2014 الجزا الاول ميكروباصات وموتسيكلات واوتومبيلات قديمه !

[mazagngi2010]

العواف يا افنديه !
من زمان معملتش تقارير قلت ارزعكوا بتاع السنه دى رغم الاحباط والظروف المنيله
معلومات ماتهمش اى حد واللى هيهتم بيها مش هيستفيد اى حاجه !!
- التغطيه 460 صوره هتتقسم على حوالى 3 مواضيع
-الرفع على imgur
mazagngi2030
-تم ضغط الصور من 1,144 GB الى 39 MB
-كاميرا سونى بتاعت احمد نور صاحبى (لازم برضه نمسي عليه )
على بركه الله
نبدا بالوش السمح اللى فى استقبالنا الاستاذ عبد الباسط حموده وهو متغندر فى جناح فوتون الصينى للميكروباصات والنقل




الصين ركبت ودلدلت
الاحمر تجميع محلى ب 91500 بنزين والابيض الفخم ده ب 195الف -مفرقش سعره كتير عن التويوتا !! -جاز فيه ABS و airbag !!!!







بس الحمد لله احنا بنفصل الترامكو على ايدينا



نفس الموضوع فى جناح القصراوى بس كان ناقص صوره للاستاذ محمود الليثى (اكتر مطرب بيتلطشله )
اى رجل اعمال بيعمل ميكروباص او موتسيكل يسميه باسمه !!

والسوزوكى مش حيلتها الا التونايه او فطوطه علشان السوايسه مايزعلوش



====================
بعد كده هيونداى كانت عامله شويه هيصه وحك فى كاس العالم اللى مش مكتوبلنا نشارك فيه واحنا واعيين فى الدنيا



=====================
شويه اكسسوارات وكماليات مالناش فيها بس اللى لفت نظرى سيور الكاتينه بنت الحلال الفحله دى



ادريان كان ملعلع شويه بالاستاذ عمرو دياب نفس الشريط بتاع كل سنه تحس انه لو غير الكاسيتات مش هتطلع صوت !!






شويه Partitionsعلى الفاضى !! لازم نحسس الناس ان المعرض زحمه وخلاص


====================
اخواننا بتوع عين شمس حاطين مشروع تخرج عربيه صغيره بتشتغل بموتور هوندا بتاع مكنه جز العشب -حلوه جز دى - بتمشى 450 كم بلتر بنزين بسرعه قصوى 45 كم وكاربون فايبر طبعا وعجل صغير وكل حاجه فيها سامبتيك وسهل الواحد يصنعها بس ابعد عن التكاتك والعربيات والعجل (ماتعملهاش احسن)






ودى كانت فى مسابقه قبل كده


وطبعا جامعه حلوان لازم ترد


شباب لسه فيهم ابتسامه امل للمستقبل


====================

لما ربنا يكرمكوا ان شاء الله وتلعبوا جولف

====================
بياجيو

بياجيو الايطاليه كانت منزله شويه فيسب كويسه هحطلكم المواصفات والسعر فى اخر الورقه ثم صور الفيسبا






حلو ابو 3 عجلات ده فيه واحد زيه فى بيجو












من الكلاسيكيات


















========================= =
motobi
ماركه تانيه اسمها motobi نمساوى تجميع صينى ومعرفش هى اشتغاله زى عربيات mg ولا بجد واسعارها اهدى من البياجيو











[

[mazagngi2010]

========================= =
سوزوكى
كانوا فارطينها السنه دى ونازلين بتقلهم


الله اكبر على الحته دى




فاجره










الصور دى لهواه المكن بس













حلوف محترم






========================= =
شويه مكن بيجو







========================= ===
victory
انا بصراحه انبهرت من المكن ال victory الداعر ده







ولا كلمه وهم







حقك تركب ياعم وتدوس جنب البحر واحنا نصور صورتك ونحطها هنا


ميجيش حاجه جنب حلاوه الاصلى او الهوجان




شويه عقد


صوره من بعيد علشان تقدروا الحجم


========================

دوكاتى







========================= ==
ياماها
زى البوما الشريره





زى البوما الطيبه

========================= ==

= محبى -حذفت النون للوقايه من ايه معرفش !! - الكلاسيكيات

عارفين ايه دى يابهوات ؟؟


ياللى قلت فورد T الموديل ده انتج 15 مليون اوتومبيل من 1908 الى 1927
وكان قبلها اجعص مصنع بيطلع 11 عربيه كل شهر والاخ هنرى فورد عمل خطوط انتاج علشان يطلع عربيه كل ساعه ونص !! من الاخر الاوتومبيل ده كان الخط الفاصل بين الانتاج التقليدى والانتاج الكبير mass productionاللى درسناه فى اقتصاد تالته ثانوى



اتفرجوا ببلاش وبالالوان ... الحاجات دى مابنشوفهاش الا ابيض واسود





جنط خشب


استاذ محمود المليجى وفريد شوقى كانوا بيطحنوا بعض جوه الشيفورليه 1948



توفيق الدقن كان فى الكنبه ورا

[mazagngi2010]

معرفش مين البرنس اللى عنده العربيه دى 1903


البساطه فى اسمى معانيها عربيه حنطور وفيها موتور


النفير


ولامساعدين ولانيله



بيكملوا طحن فى بعض بس جوه الكاديلاك المره دى








احمد رمزى كان عنده واحده زيها MG لما كانت انجليزى بجد



مروحتين عنب




انتهى الجزا الاول ياجدعان وجارى العمل فى التقيل اللى جاى
ارجو الدعاء لوالديا بالرحمه والمغفره
سلام يابلد الكلام

[aly zafer]

شكرا ومتابعيين

[nktis]

جزاك الله خيرااا ,,, بجد اسلوبك ممتع جداااااااااا .
رحم الله والديك و والدي و جميع موتانا و موتي المسلمين .
و في انتظار التقيل .