|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#1
|
|||
|
|||
هل اجهز نفسى لعمره موتور من دلوقتى ؟
السلام عليكم ورحمه الله
اهلا بكم الموضوع انى غيرت المكان اللى كنت بغير فيه الزيت بتاعى المره اللى فاتت واستسهلت ودخلت على اقرب مكان لتغيير الزيت = التعاون اس جى الازرق تانى يوم وبعد ما خلصت الشغل العربيه قامت بس لقيت لعربيه مش مظبوطه و دخانه بيضه بتطلع من الشكمان بسيطه مش كتير بس قلبى وقع اتصلت بواحد حبيبى قالى دوس بنزين جامد ورا بعض كذا مره وشوف . سمعت كلامه وشويه كده العربيه اتظبطت والدخانه راحت خالص قولت تمام ونسيت الموضوع بس قولت ابص على الزيت والمايه لقيت الزيت ناقص نص كيلو = اول مره العربيه تعملها زوتها ومشييت بعدها باسبوع كده لقيت العربيه متلته روحت للميكانيكى قالى يا باشا فى بوجيه عليه زيت قولتله حبيبى انت اللى باشا بس عليه زيت ولا مكربننننن قالى عليه زيت طب والحل طبعا انى اغير البوجيه واعمل حسابى فى نص عمره او عمره كامله حسب ما نلاقى - قالى انت جبت من الاخر اعمل حسابك فى باكو بقه المهم غيرت البوجيه والعربيه اتعدلت وروحت وانا شايل هم الدنيا بعدها بيومين العربيه تلتت تانى بس من بوجيه غير اللى اتغير روحت جايب احلى طقم بوجيهات صينى بعشرين جنيه وحطيته فى العربيه وغيرت اللى باظ ولقيته برضه مزيت مش مكربن. غيرت البوجيهات وانا عامل حسابى ان العربيه هاتفتح بقها وخليت معايا بوجيهات احتياط علشان لو تلتت تانى المهم عدى دلوقتى شهر ولا جرى حاجه تانى لا شوفت دخانه ولا العربيه تلتت ولا البوجيهات زيتت والعربيه معايا تمام وبتقوم معايا الصبح من اول مارش حكيت الحكايه لصحابى قالولى احتمال كبير يكون الزيت مغشوش سؤالى هنا بقه المفروض لو حتى الزيت مغشوش ما يروحش غرفه الاحتراق ابدا يعنى هل ممكن الزيت المغشوش يعمل كده فعلا وهل فى امكانيه سهله للتحقق من الموتور ولو الموتور داخل على عمره هل فى نصائح احافظ بيها اطول فتره ممكنه
__________________
سيارتى:كيا برايد هاتش باك 1300cc مانيوال1999 كاربراتير. محل الاقامه : الاسماعيليه. الهوايات : الصيد بالبنادق الهوائيه وصيد الاسماك . الخبرات : كل ما يتعلق بالحاسب الالى (ما عدا الشبكات) تصميم واداره قواعد البيانات التحليل المالى للشركات حاليا : فهم كل ما يتعلق بعالم السيارات. |
#2
|
||||
|
||||
رد: هل اجهز نفسى لعمره موتور من دلوقتى ؟
السلام عليكم
ممكن تكون كمية الزيت زياده عن المطلوب بمعني ممكن انها لم تكن تحتاج النصف كيلو اللى زودته علشان كده البوجيهات كانت معرقه زيت راجع اولا مستوي الزيت والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#3
|
|||
|
|||
رد: هل اجهز نفسى لعمره موتور من دلوقتى ؟
الزيت كان ناقص فعلا وبعد ما زوته كنت مراقبه كويس,وما نقصش بعدها عن الطبيعى
__________________
سيارتى:كيا برايد هاتش باك 1300cc مانيوال1999 كاربراتير. محل الاقامه : الاسماعيليه. الهوايات : الصيد بالبنادق الهوائيه وصيد الاسماك . الخبرات : كل ما يتعلق بالحاسب الالى (ما عدا الشبكات) تصميم واداره قواعد البيانات التحليل المالى للشركات حاليا : فهم كل ما يتعلق بعالم السيارات. |
#4
|
||||
|
||||
رد: هل اجهز نفسى لعمره موتور من دلوقتى ؟
المصدر الوحيد اللى ممكن يدخل زيت غرف الاحتراق هو الصباب من فوق
طب الصباب دة بيتحرك حركة ترددية فى حاجة اسمها دليل الصباب وعشان الصباب ما ياخدش زيت معاه وهو نازل عملنة اويل سيل من فوق لكل صباب اللى اسمة جلد صباب احتمال ان الدليل نفسة هو اللى بيسرب الزيت هو احتمال ضعيف لعدة اسباب انما الاحتمال الاكبر هو جلد الصباب ممكن يكون جلد كان معلق او متنى مش فى مكانة مظبوط ودة يكون حصل نتيجة لان الزيت مغشوش وعشان تكون عارف نسبة الزيت المغشوش بقت اكتر من الزيت اللى مش مغشوش انما لو منسوب الزيت زيادة اية اللى ممكن يحصل؟ ولا حاجة ممكن يضرب اويل سيل كرنك انما الموتور يدخن عشان الزيت زيادة صعب جدا لان وش السلندر او الهد بالكامل بيعتد فى التزييت على طلمبة الزيت الموجودة بالكرتيرة طب الطلمبة دى لو بتشد زيت من كرتيرة زيت او بتشد زيت من بحر زيت هتلاقى النتيجة واحدة هو ضغط ثابت غير الزيت بنوع جيد واقرص شوية على العربية بس وهى ماشية بامر الله مافهاش حاجة
__________________
يااااااااااااا رب إرحمنا بقدرتك علينا |
#5
|
|||
|
|||
رد: هل اجهز نفسى لعمره موتور من دلوقتى ؟
مفيش كلام تانى يتقال
إحنا نقرأ تعليقات أساتذتنا و إحنا ساكتين إن شاء الله مفيش حاجه بس متكسلش و غير زيت و فلتر فى أقرب وقت.
__________________
|
أدوات الموضوع | |
|
|