مقاسات بيكات كربراتير اللادا إللى على أبوها إيه؟

[zing0]

السلام عليكم
طبعاً اللادا ( و إخواتها من عائلة الفيات و غيرها) تعرضت لعدوان غاشم على مر العصور من الصنايعية الخبراء إللى بيفتوا فى كل حاجه, و ده بيخلى أى عربية تشتريها مستعمله أو حتى تضبط فيها حاجه بيخليها تحت مزاج الصنايعى (أبو العُرّيف)
لذلك قررت أن أنتشل اللادا من الفتى المستمر (قدر الإمكان لأن الإفتكاسات أكتر من الطبيعى) و أحاول أجمع أكبر قدر ممكن من مقاسات اللادا الأستندرد فى كل حاجه (همتكوا معانا)
======================
1- مقاس تاكيهات اللادا 0.15 مم (هنا فى مصر ممكن توصل لـ 20-25 علشان الجو مش زى روسيا طبعاً) بس الفكرة إن المقاسات كلها نفس الدرجه (يعنى الحريق و العادم إستخدم معاهم نفس المقاس).

2- ثغرة البوجيهات (للكل) 0.50 - 0.70 مم

3- طرفى الأبلاتين عند أعلى نقطة (الركبة) و هو مفتوح: 0.40 مم

4- رجلاش دواسة الدبرياج 0.35 -0.25 مم

5- ترموستات الكوعة ترموستات 86/92 (لو المروحة بتشتغل كهرباء مش على الطنبورة)

6- الكاوتش الإستندرد: 13/70/175
-------------------------------
عاوز بقى مقاس البيكات بتاعة الكربراتير كلها ربنا يبارك فيكم

[zing0]

طيب بلاش المقاسات إللى على أبوها
خليها على الحاجة والدتها
المهم حد يقول أى أرقام و لو رقم تليفونه

[احمد على 1999]

13.8 ..............

.
.
.
.
.
.
.
.
.
.
.
.
.
.
.
.
.
بليون سنة ضوئية
حجم الكون المدرك

صباح الجمال يا باشا ان شاء الله حد يفيدك
خاصة mr astra
ارجو انك متزعلش منى انت اللى قولت حد يكتب اى رقم هههههههههههههههههههههههه

[abokoko]

المشاركة الأصلية كتبت بواسطة zing0 السلام عليكم طبعاً اللادا ( و إخواتها من عائلة الفيات و غيرها) تعرضت لعدوان غاشم على مر العصور من الصنايعية الخبراء إللى بيفتوا فى كل حاجه, و ده بيخلى أى عربية تشتريها مستعمله أو حتى تضبط فيها حاجه بيخليها تحت مزاج الصنايعى (أبو العُرّيف) لذلك قررت أن أنتشل اللادا من الفتى المستمر (قدر الإمكان لأن الإفتكاسات أكتر من الطبيعى) و أحاول أجمع أكبر قدر ممكن من مقاسات اللادا الأستندرد فى كل حاجه (همتكوا معانا) ====================== 1- مقاس تاكيهات اللادا 0.15 مم (هنا فى مصر ممكن توصل لـ 20-25 علشان الجو مش زى روسيا طبعاً) بس الفكرة إن المقاسات كلها نفس الدرجه (يعنى الحريق و العادم إستخدم معاهم نفس المقاس). 2- ثغرة البوجيهات (للكل) 0.50 - 0.70 مم 3- طرفى الأبلاتين عند أعلى نقطة (الركبة) و هو مفتوح: 0.40 مم 4- رجلاش دواسة الدبرياج 0.35 -0.25 مم 5- ترموستات الكوعة ترموستات 86/92 (لو المروحة بتشتغل كهرباء مش على الطنبورة) عن تجربتى الشخصية - ترموستات 90/80 وسط ومناسب لان الاعلى والاقل مش مناسبين للموتور واحد بيخلى الموتور اعلى فى الحرارة وبيهز جامد عند الطفاء ومنفعش اى ضبط للكربراتير او الاسبراتير معايا - والتانى بيخلى المروحة شبه شغاله باستمرار يعنى اهلاك لموتور المروحة 6- الكاوتش الإستندرد: 13/70/175 الجنط الحديد بتاعها الاصلى ال13 هل يركب عليه كاوتش 13 بس اعرض يعنى تغيير 70/175 ؟؟؟؟؟؟؟؟؟ من تاثير على الثبات ؟؟؟؟؟؟؟؟؟؟ ------------------------------- عاوز بقى مقاس البيكات بتاعة الكربراتير كلها ربنا يبارك فيكم

شكرا للموضوع

[zing0]

حلوة حجم الكون المدرك دى
يعنى فاى بتاعة الرياضيات
أروح للراجل بتاع قطع الغيار و أقولة عاوز بك سلانسية مقاس الكون المدرك لعربية لادا
و الطبيعى أنة يقولى كان عندى و خلص, لو ملقيتش منه جديد فى التوفيقية إنزل هاته أستيراد من عزبة شلبى !!!!!

أنا إمبارح نزلت لمحل قطع الغيار إللى جنبى و بأقولة عاوز بك مقاس 150 بيقولى آخر مقاس 135 أكتر من كده سيب الكربراتير من غير بك خالص
بصيت على إللى راكب لاقيتة 170
كنت عاوز أروحله تانى بس قفل المحل
المهم أنا هأرفع صورة و أقولكم المقاسات إللى عندى كام و تقولولى الصح أيه و إللى عاوز يتغير أيه


الصورة دى كان رافعها أخونا محمد القاضى لكربراتير 132